很有用嘅英國教育小冊子。
最近幫一啲BNO朋友搞入學,先發現這些年香港改咗學制,所以到英國升學唔少銜接問題。
香港小學6年級升中而家唔駛睇公開試成績,但英國一啲地區嘅grammar school, 升YEAR 7 (即香港中一) 仍然需要考公開試,而且要提前在年初考,即係英國YEAR 6就考。
另外,香港中五而家亦唔駛考公開試,要讀完中六一年,先考試升大學。以前仲有中七一年,而家轉成大學第一年,第學改咗四年制。
英國的中五叫year 11,畢業要考gcse, 之後再讀2 年預科,考大學。大學本科通常讀3年。
所以香港的同學,嚟英國讀書,銜接上會有頗多問題。
升中嘅小朋友,適應力較高,我估計應該可以解決。而且英國學校對新生都有專門照顧,比如提供特別嘅英語課程等,英國學校亦都好鼓勵家長多啲溝通,有問題會儘早處理。至於選校,讀完中學第一年唔滿意,轉校亦係容許嘅。
升中六嘅同學似乎會面對較多問題。我認為如果家長可以提前準備,最好幫小朋友喺香港先考gcse, 否則嚟英國好難直升讀中六,住住要補讀一年gcse。
英國有一個專門機構,可以將香港公開試嘅學歷轉換成英國學歷嘅評分,俾學校做參考。據講佢地仲可以為香港學校成績表提供認可評估。唔知有冇朋友試過?
https://enic.org.uk/Qualifications/SOC/Default.aspx
如果冇gcse, 另一個選擇是讀btec, 都可以用嚟考大學。部份college入學時,會幫同學做accessement, 有機會直接讀level 3, 相等A level第一年。否則亦可安排先讀相等gcse嘅level 2一年,
Btec比較注重 practical, 較適合恐懼死讀書嘅同學。
英國近年推出 T level, 相等於A level, 亦著重實習,可以作另一個選擇。
另外,部份大學有foundation course, 亦都係一個準備大學的另類課程。
我自己雖然喺英國長大,但讀中學已是很多年前嘅事,而且都係讀A Level pathway, 對btec, T level, foundation course 嘅升學路線不大熟悉,唔知道大學收生對A level以外嘅學歷會唔會有歧視?大家可否分享一吓經驗?
另外,bno讀中學,甚至預科應該是免費,但讀大學則要住滿5年,有ILR 先可以交home fee.
我喺英國西北部大,好朋友都係工人階級,有啲同學家中比較窮,放完easter, 年滿16歲,法例上唔駛強制教育,就馬上停學,去工廠打工賺錢養家。
結果,好多有能力嘅同學都唔讀大學,十分可惜。
反而我識得大部份南部嘅家長,比較重視教育,會支持小朋友讀大學,學生除咗向政府借錢交學費,家人亦會幫補生活費。
英國政府而家講leveling up, 就係南北經濟懸殊,北部嘅人社會流動性慢,窮人唔明白讀書可以改變命運,多年來結果惡性循環。
我覺得教育係一種投資,希望政府揾到一個方法,令bno 學生可以減輕負擔,鼓勵年青人升大學。
*小冊子翻繹可能對英國情況唔熟,用字有時怪怪哋。第33頁翻繹錯咗。
Those planning to settle in the UK must take
an English proficiency test within 2 years of their citizenship application, 應該係入藉「前」兩年要考英文試,唔係入藉後。
#bnoa #education #homefee
最近幫一啲BNO朋友搞入學,先發現這些年香港改咗學制,所以到英國升學唔少銜接問題。
香港小學6年級升中而家唔駛睇公開試成績,但英國一啲地區嘅grammar school, 升YEAR 7 (即香港中一) 仍然需要考公開試,而且要提前在年初考,即係英國YEAR 6就考。
另外,香港中五而家亦唔駛考公開試,要讀完中六一年,先考試升大學。以前仲有中七一年,而家轉成大學第一年,第學改咗四年制。
英國的中五叫year 11,畢業要考gcse, 之後再讀2 年預科,考大學。大學本科通常讀3年。
所以香港的同學,嚟英國讀書,銜接上會有頗多問題。
升中嘅小朋友,適應力較高,我估計應該可以解決。而且英國學校對新生都有專門照顧,比如提供特別嘅英語課程等,英國學校亦都好鼓勵家長多啲溝通,有問題會儘早處理。至於選校,讀完中學第一年唔滿意,轉校亦係容許嘅。
升中六嘅同學似乎會面對較多問題。我認為如果家長可以提前準備,最好幫小朋友喺香港先考gcse, 否則嚟英國好難直升讀中六,住住要補讀一年gcse。
英國有一個專門機構,可以將香港公開試嘅學歷轉換成英國學歷嘅評分,俾學校做參考。據講佢地仲可以為香港學校成績表提供認可評估。唔知有冇朋友試過?
https://enic.org.uk/Qualifications/SOC/Default.aspx
如果冇gcse, 另一個選擇是讀btec, 都可以用嚟考大學。部份college入學時,會幫同學做accessement, 有機會直接讀level 3, 相等A level第一年。否則亦可安排先讀相等gcse嘅level 2一年,
Btec比較注重 practical, 較適合恐懼死讀書嘅同學。
英國近年推出 T level, 相等於A level, 亦著重實習,可以作另一個選擇。
另外,部份大學有foundation course, 亦都係一個準備大學的另類課程。
我自己雖然喺英國長大,但讀中學已是很多年前嘅事,而且都係讀A Level pathway, 對btec, T level, foundation course 嘅升學路線不大熟悉,唔知道大學收生對A level以外嘅學歷會唔會有歧視?大家可否分享一吓經驗?
另外,bno讀中學,甚至預科應該是免費,但讀大學則要住滿5年,有ILR 先可以交home fee.
我喺英國西北部大,好朋友都係工人階級,有啲同學家中比較窮,放完easter, 年滿16歲,法例上唔駛強制教育,就馬上停學,去工廠打工賺錢養家。
結果,好多有能力嘅同學都唔讀大學,十分可惜。
反而我識得大部份南部嘅家長,比較重視教育,會支持小朋友讀大學,學生除咗向政府借錢交學費,家人亦會幫補生活費。
英國政府而家講leveling up, 就係南北經濟懸殊,北部嘅人社會流動性慢,窮人唔明白讀書可以改變命運,多年來結果惡性循環。
我覺得教育係一種投資,希望政府揾到一個方法,令bno 學生可以減輕負擔,鼓勵年青人升大學。
*小冊子翻繹可能對英國情況唔熟,用字有時怪怪哋。第33頁翻繹錯咗。
Those planning to settle in the UK must take
an English proficiency test within 2 years of their citizenship application, 應該係入藉「前」兩年要考英文試,唔係入藉後。
#bnoa #education #homefee