【迷失時代，一起閱讀】

書籍係造就靈魂嘅工具，身處係迷失嘅時代就更應讀書，因為咀嚼文字嘅時除咗增值自己同時亦探索緊呢一個時代，尋找自己嘅迷失嘅靈魂。

「自由定價，知識無價。」

早前收到嘅書籍會優先送俾牆內手足，其餘就會擺喺「不二」呢個雜不甩嘅地方，大家可以隨時上嚟睇書/捐書/買書/漂書。所有嘅書籍都係自由定價，希望眾人都能購買到無價嘅心頭好，延續文本嘅生命，並透過閱讀賦予書本專屬嘅意義。

「咀嚼書籍，連結同道。」

二手書嘅價值唔單止侷限於墨水，更加係一種連結。如果捐書/漂書我哋都會提供一張明信片俾大家寫寄語給書籍下一手嘅主人，當有人買書/漂書嘅時候就會將呢張明信片送俾佢，希望令兩個陌生人透過閱讀有一種無形嘅連結。

未來，讓我們一起閱讀，找到迷失的自己，與這個世界頑抗，守護一切。

試業日期：九月七日
營業時間：1200-2000

#不二 #二手書 #自由定價 #一起閱讀