【#貓狗知識】添置年花嘅必睇‼️

農曆新年就嚟到，唔少人都會喺新一年添置年花，增添喜氣。不過有養毛孩嘅主人們就要留意啦！有啲植物係唔適宜放喺屋企，畀毛孩接觸到或會危害健康🙀。

有咩年花會對毛孩有影響呢？
而家一齊嚟睇睇4款養毛孩要小心嘅年花啦🌸

1. 富貴竹
新年有唔少人都鍾意買富貴竹，取其「富貴」、「竹報平安」嘅意思，但富貴竹對貓貓嚟講係有害。貓貓一旦誤食，即使攝取少量，都可能會引致出現瞳孔放大、腹痛、異常興奮或低落、抑鬱、嘔吐、無食欲、流口水等症狀

2. 水仙
水仙散發住獨特嘅香味，吸引唔少人喜愛。不過水仙花整株都對毛孩帶有毒性，如果毛孩誤食會出現腹瀉、嘔吐、流口水、呼吸困難、無食欲等症狀，嚴重甚至會出現昏迷、痙攣等情況出現

3. 菊花
菊花雖有「多福多壽」、「金銀滿屋」嘅寓意，但係菊花嘅葉及莖嘅部分，若然被毛孩誤食後，會有可能出現情緒低落、腹瀉、嘔吐等症狀

4. 百合
百合雖美，但亦係眾多年花中，對毛孩危害較犀利嘅一種。百合嘅花瓣、花粉及花葉都對毛孩嚟講有毒。如果畀毛孩誤食後，會引起嘔吐、嗜睡等症狀，嚴重甚至會出現腎臟衰竭或死亡

添置年花時，記得要注意邊啲花花草草係安全，邊啲係危害到毛孩們健康呀！

#PetEC #動醫思 #毛孩 #貓咪 #狗狗 #新年 #年花 #貓 #Cat #CatLover #Pet_Catmo