要講車臣獨立，就要先了解車臣背後嘅俄羅斯聯邦（俄聯）同蘇聯嘅關係，但係講之前我哋先睇下車臣嘅兩場最重要嘅戰役。

車臣曾經喺蘇聯解體後獨立過，但係而家係俄羅斯聯邦下嘅一個自治國。

喺1994年12月11號去到1996年嘅8月31號就喺第一次車臣大戰，呢次大戰係繼承蘇聯嘅俄聯想試圖重新吞併割地爲王嘅車臣共和國。

打咗兩年之後，俄羅斯就簽咗停戰協議，然後撤出車臣，喺第一次車臣大戰，俄羅斯戰敗然後全面撤退，而車臣就保留咗佢嘅獨立地位，亦喺事實上獨立。

但係停戰協議喺1999年8月26號開始就冇咗，呢一次車臣大戰由上次慘敗嘅俄羅斯贏咗，佢哋就係噉樣攞翻車臣地區嘅控制權。

車臣究竟係咪一個國家？喺歷史上，車臣地區就由周邊嘅大國統治，亦分裂過做大大小小嘅公國同城鎮。

車臣作為一個獨立國家，係由伊瑪目*加齊‧穆罕默德喺高加索戰爭中為咗抵抗俄國，所組成嘅高加索伊瑪目國，呢個就喺車臣民族嘅國家之始。

喺伊瑪目沙米勒帶領伊瑪目國抗俄廿幾年之後，1858年俾俄羅斯帝國征服，然後軍事管治。1860年成立咗捷列克州，車臣成為俄羅斯帝國嘅一部分。1877年車臣同達吉斯坦起義受到鎮壓之後，車臣地區就開始工業化。

喺蘇聯時代，車臣人同印古什人合併，組成咗車臣-印古什蘇維埃社會主義自治共和國，喺二次大戰爆發1940至1944年車臣起義。後因扁豆行動、卡爾巴赫大屠殺、1951年東哈薩克車臣人大屠殺事件爆發大規模抗俄活動。

蘇聯解體後，車臣共和國成立，但因爲車臣獨立組織領袖焦哈爾·杜達耶夫奪取政權，成立伊奇克里亞車臣共和國並宣告從俄羅斯獨立。

因爲車臣共和國接連不斷引起北高加索嘅軍事衝突，印古什共和國因此從車臣地區分出，最終引發第一次車臣戰爭，車臣地區事實上獨立。

喺第二次車臣戰爭中，俄羅斯佔領車臣，並開始平定北高加索叛亂。

兩次戰爭入面，車臣地區慘遭蹂躪，首府格羅茲尼前後發生四次戰役，造成大量平民傷亡，基礎設施毀壞嚴重。

戰後，普丁政府開始重建車臣。如今嚱車臣共和國由戰爭狀態恢復正常，目前由拉姆贊·卡德羅夫當選車臣共和國總統。

跟住落嚟就會先講蘇聯俄聯，再同大家講下從1812年開始到2017年呢205年入面嘅抗爭，篇幅會長少少。

.ps. 伊瑪目喺阿拉伯文，意思喺領袖 唔喺人名

#車臣獨立 #香港歷史 #車臣大戰 #俄羅斯聯邦 #蘇聯