Posted by 籽媒 @yseedsmedia /TG/IG/FB
全文： www.instagram.com/p/ClSPGaZP549
採訪、撰文、攝影：瘦瘦

這次以書信的方式寫出這個專訪，希望能與大家更親近、更真誠更真心地介紹「荔記」。

// 籽媒的讀者：

你近來好嗎？我最近閒來去睇咗齣戲——《正義迴廊》，好好睇呀！香港嘅天氣漸冷，你記得多添衣。

其實我好怕係呢個天氣打開雪櫃，好凍呀！但係認識咗佢哋之後，我發現原來雪櫃都可以係咁溫暖。呢個就要由荔記嘅五個雪櫃開始講起。嗰日，我上去見咗班新朋友，佢哋開左間新舖，係間團購店，名為「荔記」。細細嘅房入面內有五個雪櫃。我腦海霎那閃過：「屋企唔會再有媽咪擺唔落隔夜餸嘅煩惱。」間房入面成箱成箱團購嘅食物，有水果、大閘蟹、甜品等，諗起呢度我又肚餓啦！！！！呢個天氣，一碗暖酒也甚是剛好，真係好想即刻去荔枝角搵佢哋。原來大家一齊買同一樣嘢，可以抵好多喎。佢哋店鋪真係乜都有，好想同你分享，希望你都可以嘗試一番。

店鋪由發仔、尚木和消防三人合作經營。發仔因為暴動入咗兩次牆，而尚木同消防係因為攜有爆炸品同汽油彈被捕。佢哋於同一期數喺荔枝角還柙相識，也是「荔記」之名嘅由來。曾經他們為香港赴湯蹈火不慎入牆，今日尚存微火，也期望在牆外為大家的生活帶來一絲溫暖。

尚木有好多好多嘅想法，期望為大家做得更多，小至團購，大如牆內外支援；消防則人如其名，在現實角度為尚木的熱情滅火。//

// 「荔記」嘅出現，有好多人會因為佢哋而感到鼓舞同感染，呢啲係對佢哋嘅肯定，深信存在主義嘅發仔講：「係action同reaction嘅作用。」如果最近你好迷茫，唔知自己有咩價值，或者你可以試下跳出框框，運用你嘅想像力試下do something，可能就會創作出無數條道路，慢慢你就會陷入無限創作嘅漩渦，會發現自己可以做到更多。所以，你要勇於踏出你心中所想的第一步。

最後，若你路過荔枝角可上門寒暄，參觀他們暖暖的雪櫃，同時請代我向友問好。若有喜愛之物也請帶它回家，為你提供飽溫。//

#撐同路人 #荔記 #荔枝角 #從牆內走到牆外 #堅持理念 #勿忘初心 #專題訪問 #籽煤

#投稿 #結業
==============
#荔枝角 #新蒲崗
#文房工作室

文房將於25/6/2023結業
24小時自助工作室 -
新蒲崗 最後開放日期：27/6/2023
荔枝角 最後開放日期：28/5/2023

人生往往會出現意料之外，文房開業至今屋企經歷好多突如其來的轉變，病患、意外、生離死別⋯⋯面對生活一個一個轉變，必須承認的確分身不暇！

很高興可以建立呢個空間，認識一班熱愛社區嘅朋友，感激文房上下工作人員從不計較我呢個負責人偶然因家事令佢哋OT，感謝你哋嘅體諒同關心，高興會收到客人分享因為呢個空間獲得過快樂，多謝你哋每一位🙏🏻

呢個空間令我地可以試好多好想做嘅事，可惜未有機會做得更多更好，未來日子將先做好家中崗位，有機會日後路上再見。

再次
感謝由開業至今幫助過的朋友
感謝呢幾年因為文房認識的所有人
感謝寄賣單位
感謝所有客戶
感謝文房工作人員
感謝各同區小店老闆，請繼續支持小店🙏🏻

我們會在六月二十五日至六月三十日將文房內的家私放售，敬請留意🙏🏻

⭐️我哋都會不時更新文房社交媒體，為大家提供一啲資訊💪🏻🙏🏻

🎈 新蒲崗五芳街9-11號盛景工業大廈
🎈荔枝角長順街18號華盛工業大廈

💛💛💛💛💛💛💛💛
多謝支持我地🙂

和你撐良心店（非餐廳食肆）報料機械人
t.me/yellowshop1_bot

為食台報料機械人
http://t.me/HKeat_bot