1.2 #Telegram
Telegram 為開放原始碼嘅通訊程式，通訊原理分為兩種，⚠️Group 及 Direct Message 為非端對端加密，所以通訊記錄將會存儲係 Telegram 伺服器上，並且可以多平台瀏覽，呢種通訊方式並不安全，通訊安全建立係 Telegram係中立立場之上。✅另一種通訊原理為端對端加密：Secure Chat，通訊之前，需要雙方 Click 對方 Profile 下面嘅 Start Secure Chat 創建會話，每個用家嘅手提電話會生成一對密鑰：Public Key 及 Private Key，雙方交換 Public Key 之後，每條訊息使用該 Key 進行加密，使用邊個 Public Key 加密之後嘅訊息，只能用同一對 Key 裡面嘅 Private Key 去解密，而 Telegram 開放程式原始碼，所以呢種通訊方式可以得到較好嘅安全保證。

使用 Telegram 嘅安全 Tips：
1.2.1 啟動二次認證密碼
打開 Telegarm，Setting>>Privacy and Security>>Two-Step Verification>>Set Additional Password，然後輸入高強度嘅密碼，⚠️唔好同自己其他網站以及 App 嘅密碼相同，有可能存在他人侵入其他目標並得知你嘅密碼，然後使用密碼進行“碰撞”，就可能會登入到你嘅戶口。Add a Hint 嘅環節建議大家唔好填寫真實嘅提示，直接 Skip，等侵入者無法得知密碼意義。Recovery Email 同樣唔建議進行設置，直接 Skip，若電郵戶口安全出現問題，Telegram 將會一齊出事。

1.2.2 關閉電話簿同步
打開 Telegram，Setting>>Privacy and Security>>Data Settings，選擇 Delete Synced Contacts 及關閉 Sync Contacts 選項，當用家開啟電話簿同步，即使冇進行會話及添加，有你手提電話號碼嘅人都會係聯繫人列表睇到你個戶口。

1.2.3 關閉手提電話號碼顯示
打開 Telegram，Setting>>Privacy and Security>>Phone Number，選擇 Nobody。咁樣人哋就冇辦法睇到你嘅手提電話號碼。

1.2.4 使用 Proxy 服務
Telegram 自建有 Proxy 功能，既可使用 Telegram 獨有嘅 MTProto 協議，亦都可使用 Socks5 協議。用家可以選擇購買 NordVPN、ExpressVPN 等匿名 VPN 供應商嘅服務，佢哋都支持 Socks5 協議進行 Proxy，有相關 IT 技能嘅用家，推薦自行 Set up 伺服器架設 Proxy 服務，架設服務呢個會係後面嘅內容當中詳細講解。

1.2.5 設置戶口銷毀時間
打開 Telegram，Setting>>Privacy and Security>>Automatically Delete My Account，If away For 可選擇最短嘅 1 個月，當 1 個月內不再登入，戶口將會被自動銷毀，屬於極端情況下嘅最佳應對方法。⚠️設置咗呢個之後務必要注意定期登入戶口。

1.2.6 檢查會話情況
打開 Telegram，Setting>>Privacy and Security>>Active Sessions，如果發現存在自己未曾登入嘅會話，請立即雙向刪除消息記錄，並且將該會話登出，防止通訊內容被截取。

1.2.7 關閉 Link Previews
打開 Telegram，Setting>>Privacy and Security>>Data Settings，關閉最下面嘅 Link Previews 功能。程式自動預覽 Link 有可能會係無留意嘅情況下，被精心構造嘅 XSS（Cross-site Scripting）跨網站指令碼漏洞追蹤到用家嘅個人資訊。