#捉腳 #逃脫 #手足發問
Q: 如果踢腳被人捉腳點搞？
A: 關於捉腳嘅問題，可以由兩個層面去講。

首先由預防講起，平時練踢腳嘅時候，除左練起腳速度、準確度、力度之外，好多人都會忽略左練收腳嘅動作。平時要練埋快速收腳，減少有機會被捉腳嘅時間。

除左收腳唔夠快之外，被人捉腳嘅另一個原因通常係因為起腳太容易被預判。起腳之前可以先由拳組合入手，擾亂對方視線同分散注意力喺上半身，或者起腳方式同打擊位置可以有多啲唔同嘅變化，唔好打死一個位。

最後就係如果被人捉腳點樣拆，以下分別有2條片，講2個常見嘅方法。

#捉腳 #逃脫
https://youtu.be/CYO653313Zg

被人捉腳個陣，可以稍微將被捉嘅腳擰轉，膝頭指向地下方向，咁會比較易抽到隻腳出返黎。但成個動作要夠快，避免被人追擊。

#捉腳 #逃脫
https://youtu.be/edC0uiMMfCQ

另一個方法，拉近同對方嘅距離，之後用手捉住對方上半身，再將成個人嘅重量壓落被捉嗰隻腳度，好似要踩落地下咁。因為腳力再加上重量多數大力過手，所以會解到。

進階少少嘅可以壓落去同時纏頸，另一隻自由腳起膝撞向對方。