شكد حلو من تلگه انسان يسمعك من تحجيله عن شي مريت بي وبدال ما يحاول يصلحك ويكون همة تعيش شعور افضل يقرر ( بس يسمعك ويتفهمك ويشارك وياك شي عاشة شبيه بلي دتحجيله عنه).

قليل كُلشش نلگه هيجج شخص بس نحاول نكون احنا هذا الشخص للناس

كتاب الفترة♥️

بكتاب نعمة عدم الكمال الكاتبة حجت عن هالشي، كالت (بدال ما تغير نفسك حتى تصير مناسب الهم، جرب تكون نفسك) 💘
يعني لا تتغيّر وتصير شخص ثاني ما يشبهك بس لأن هذا الشي يرضيهم ويخليك ماتحس بعدم الانتماء (لاتتلون حتى بس تعجبهم)،
لأن كل شخص بينا مُميز وهذا الاختلاف حلو، صحيح محاولة أظهاره صعبة بس افضل بهواي من انو تكون شخص غريب وبعيد ع نفسك

Done✔️✨

أفضل وقت عندي هوَ هذا لمن انتظر وقت الصلاة وأستغله بقراءة الكتب 🤏🏻✨♥️♥️

هلكتاب صار سنة مأجلة قراءته لأن من اشتريته جانت فترة سادس وتاركه القراءة فترة طويلة ومفهمت كل شي من حاولت اقرا بوقتها، بس اليوم قررت أرجع اقرا وانطي فرصة ثانية لأن بصراحة أشتاقيت اقرا كُتب ورقي 🤣♥️♥️

احب اقرا أسمي بالكُتب💘

كلش هواي اشكرج لان دزيتي كتاب "صديقي لا تأكل نفسك" كتاب كلشي موجود بي احس كل الدروس إلي يمكن اخذهم ب حياتي موجوده بي 🌷

اتفقققق جدًا الكتاب كلش واوو
+ كلش أحب من تقرون كتاب اني ناشره عنه وأنصح بي ويعجبكم وتستفادون منه نفسي 💘

كل يوم تشوف وقليل تشكر الله على هلنعمة، وكل يوم تسمع وقليل تشكر الله على هلنعمة، هالشي مو معناه أنت انسان مو زين لا كلنا بشكل عام نعاني من هالشي يعني نغفل على انه نشكر ربنا على النعم اللي تعودنا عليها، والسبب؟
لأن عقل الانسان مُصمم على انه يلاحظ الامور الخارجة عن المألوف اكثر من الامور المعروفة والمعتادة
فـ الايجابيات نعتبرها معتادة ودارجه علمود هيج مانلاحظها ونعتاد عليها .
اما السلبيات هي خارجة عن المألوف علمود هيج نكدر نميزها ونلاحظها .

مثلاً الالم هو شي مو طبيعي علمود هيج يعيش بأركان الذاكرة للأبد والمرض والخداع وغيرها ..

وهالشي ذكرني بهذا الكلام قرأته اليوم

أخوان وأخوات
سويت التفاعلات بالقناة اذا حبيتوهن وتفاعلتوا اعوفهن واذا لا الغيهن وبكيفكم بعد 😔😂

(إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ)
سبحان الله هذا شي غريزه بينا،
اكو مقالة تحجي عن دراسات سووها على 231 شخص اعمارهم تتراوح من (18-85) بفترة كورونا وهذوله الاشخاص كانوا يمرّون بفترات خوف وقلق وتوتر ومعدلات الاكتئاب عندهم مرتفعة
فـ كلولهم نسويلكم تجربة لمدة 14 يوم كل يوم نريدكم تاخذون ورقة وقلم وتمارسون الشكر والامتنان على أي شي حلو يشوفوا بحياتهم ..
فلاحظوا من اول يوم قلت عدهم مستويات القلق والاكتئاب من اول يوم !! وكل يوم حرفيًا كانوا يتحسنون أكثر من القبله بشكل عجيب !!

(لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عذابي لَشَدِيدٌ)
فـ باختصار ربنا انطاك قانون اذا مارسته يعود بالنفع ع حياتك وصحتك والخ ..

واني عندي تجربة تخص هذا الموضوع
بفترة من حياتي قرأت عن الامتنان وتأثيره وقررت كل يوم أكون مُمتنة وأحمد ربنا على شي واحد صار بيومي (مو شرط شي واحد ، بس حتى يساعدني التزم واشوفها سهلة ومانساها)
اللي لاحظته حرفيًا كل يوم كان لازم يصيرلي شي كلش حلوو لو يصيرلي شي كلش رايدته بدون أي تدخل مني وحتى بدون ما يجي ع بالي ، انصحكم تجربوها 🩷