-

لاتنبش الماضي ترا مابنا حيل
‏ادخل على الله لاتضيق علينا

‏لاتردنا من وضح الايام لليل
‏وتشوف اثار امس والليل فينا

‏لجلك تحدينا التعب والغرابيل
‏مانقول تكفى مدتكك لاعطينا

‏نصد لاجلك عن كلام العواذيل
‏ونكدر الدنيا الدنيا غيابك بكينا

‏على دروبك والامل والمقابيل
‏ماعندنا الى دمعتن تحترينا

‏لاتزعل الدنيا وتزعلك ي الضبي العفر
‏ان كان ماجازت لك الدنيا ندور غيرها

‏- مدغم بوشيبه

ابتسم واسرد لي همومك ترا الدعوه بسيطه
‏لاتزور بسمتك والحزن يقطع سالفتها

‏لاتضيق وينتثر دمعك وانا فوق البسيطه
‏اذخره لاسمعوك اسمي وانا قدني تحتها

‏- صالح النشيرا

عاد للذكرى القديمه محلٍ فالضمير
‏كل ماجاء الليل جات الطواري ساريه

يا مترفه .. ما للغلا وصفٍ دقيق
‏وأنتي على عرش الغلا و مطوله

‏ما فاحت الدلّه .. ولا فاح الابريق
‏على مهل و الليل عاده بـ أوله

‏من نظرتك يستاسر الحر الطليق
‏راعي الشداد من الشداد تحوله

‏أنتي .. سوات اللي معنّقها دقيق
‏فنجالها الأول .. لراعي الأوّله
جابر النشيرا

-

سلامي عليك إعجاب و إكبار و إستعظام
‏وسلامي لغيرك حق مسلم على مسلم

‏- مزيد الوسمي

-

يالقطوع المواصل يالقريب البعيد
‏منهو اللي مصرح لك تسلط علي

‏أنشدك وانتظر منك الجواب الأكيد
‏قبل تحطيمي وتدمير مستقبلي

‏هل معك قوة السلطان عبدالحميد
‏او معك صولجان الحاكم الفيصلي

‏كيف خليتني عقب الجماعه وحيد
‏كيف نزحتني عن ربعي وعن هلي

‏- سفر الدغيلبي

سفر الدغيلبي :
‏اترك ملايين وانصى واحد غالي
‏اما قضى لازمي والا حفظ سري

سلطان الهاجري :
‏رعاك الله يا بيتٍ الى مني بغيت اجيه
‏توقفني تقاليد القبايل دون بيبانه

سعد بن جدلان :
‏لا انقفل باب من الرزق حراسه وقوف
‏فتحت بيبان الارزاق من كل اتجاه

ول ياقلب الهّوى والضلوع العوج عوج
‏انت ذابحك الهوى والغنوج المدلعه
‏
‏ حبيّب العازمي

‏وش ابي بالبدر وأنتي بدر ثاني
‏فيك شامه والبدر ما فيه شامه
‏- وصل العطياني

يوم قالت لي صباح النور فالثلث الأخير
‏ما بقى من الليل الأسود غير حبّة خالها
‏⁃ خالد القصيري

-

‏اه من قلبن عيوفً تولع في عيوف
‏لين صده بالهواء عن طريقه وحرفه

‏العيوف الي عيوني لغيره ماتشوف
‏جادلً مطغيه عقله وزينه وشرفه

‏العيوف اللي وداده يلوف القلب لوف
‏لـوف صلفات الهبايب لغصن بشرفه

‏في محلً بينن للزوابع والشعوف
‏كل ماهب الهواء قام يومي بطرفه

‏غادين عقب الورق حت عيدان وقوف
‏لـو يجيه اللي يحاضيه ماعاد عـرفه

‏-عبدالله بن عون

طموحات و احلام الحياه السعيده
‏غيرتني ونا ما كنت بالوضع داري .

‏نرجع لوضعنا ونقول جمله مفيده
‏انا المقفي ولا يحتاج ارد اعتباري .

‏انتهينا وسلمنا .. وفرصه سعيده
‏بعد دار الزمان وجا لـ طاريك طاري .

محمد مريبد.

‏مساء الخير ، أما بعد :

‏- فيه نوع من أنواع الزعل يخليك ساكت
‏ولا تعاتب ولا تلوم وتكتفي بـ إنك ترحل

‏وقيل على سياق ذلك :
‏لا انتهى عمر الفلا وأقفت عن ديارك
‏لك يمين بـ الله إني ما اتنازل بـ إلتفاته