🌎ကမ္ဘာနဲ့ချီပြီး မတည်ငြိမ်တဲ့ အခြေအနေတွေနဲ့ ကြုံနေရတာ၊ ကိုယ့်ပတ်ဝန်းကျင်က ဖိအားတွေကြောင့် စိတ်ဓာတ်ကျတာ၊ ခြေမကိုင်မိ လက်မကိုင်မိ ဖြစ်တာမျိုး ခံစားရနိုင်ပါတယ်။

ဒီလိုအချိန်မှာ "Resilience" (စိတ်ဓာတ်ကြံ့ခိုင်မှု) ကိုလေ့ကျင့်ပေးဖို့က အလိုအပ်ဆုံးပါပဲ။
ဒါဟာ ကိုယ့်မှာ ပြဿနာမရှိသလို အေးအေးဆေးဆေး ပုံစံ ဟန်ဆောင်တာမျိုးမဟုတ်ဘဲ၊ အပြင်လောကကြီး ဘယ်လောက်ပဲ ပရမ်းပတာဖြစ်နေပါစေ ကိုယ့်ရဲ့အတွင်းစိတ်ကို တည်ငြိမ်အောင် ထိန်းညှိတဲ့ နည်းလမ်းဖြစ်ပါတယ်။

နေ့စဉ်ဘဝမှာ လက်တွေ့ကျင့်သုံးလို့ရမယ့် စိတ်ဓာတ်ကြံ့ခိုင်မှု တည်ဆောက်နည်း (၉) ခု ကို ဝေမျှပေးချင်ပါတယ်။

၁။ လက်ရှိကာလ (Present Moment) မှာပဲ အာရုံစိုက်ပါ
ရှေ့ရေးအတွက်တွေးပြီး ကြောက်နေတာ၊ အတိတ်အတွက် နောင်တရနေတာတွေကို ကြိုးစာပြီး ရပ်တန့်လိုက်ပါ။
အသက်ကိုပြင်းပြင်းရှူပြီး ခြေထောက်က ကြမ်းပြင်နဲ့ ထိတွေ့နေတာကို အာရုံခံကြည့်ပါ။ ဒါဟာ စိတ်ကို လက်ရှိနေရာဆီ ပြန်ခေါ်လာပေးပါလိမ့်မယ်။

၂။ လက်ရှိအခြေအနေကို အရှိအတိုင်း လက်ခံပါ
"ငါ အဆင်ပြေပါတယ်" လို့ လိမ်မပြောပါနဲ့တော့။
"အခုက တကယ်ခက်ခဲတဲ့ အချိန်ပဲ၊ ငါပင်ပန်းမိတယ်" လို့ ကိုယ့်ရဲ့ခံစားချက်ကို အမှန်အတိုင်း အသိအမှတ်ပြုပေးပါ။
ပြီးရင် "ဒါပေမဲ့ ဒီနေ့ကို ဘယ်လို အပြုသဘောဆောင်စွာ ဖြတ်သန်းမလဲဆိုတာ ကိုယ်တိုင်ရွေးချယ်လို့ရသေးတယ်" ဆိုတဲ့ ကိုယ်ပိုင်ဆုံးဖြတ်ခွင့်ကို ပြန်သတိရပေးပါ။

၃။ ကိုယ်ထိန်းချုပ်နိုင်တဲ့ အရာတွေကိုပဲ အာရုံစိုက်ပါ။
ကမ္ဘာကြီးကို ပြောင်းလဲဖို့ ခက်ပေမဲ့ သင့်ရဲ့ ကိုယ်ပိုင် action လေးတွေကနေ သင့်ကိုယ်သင်ပြောင်းလဲနိုင်ပါတယ်။
ဖုန်းခဏချထားပါ၊ ရေတစ်ခွက်သောက်ပါ ဒါမှမဟုတ် စားပွဲခုံလေးကို သန့်ရှင်းရေးလုပ်ပါ၊ သီချင်းနားထောင်ပါ၊ တရားထိုင်ပါ၊ ကျန်းမာတဲ့အစားအသောက်တွေစားပေးပါ။
သေးငယ်တဲ့ လုပ်ဆောင်ချက်တွေက သင့်ကို အားအင်ပြန်မွေးမြူပေးပါတယ်။

၄။ စိတ်ခံစားချက်ထက် ကိုယ်ပိုင်တန်ဖိုး (Values) ကို ဦးစားပေးပါ
စိတ်ခံစားချက်က တက်လိုက်ကျလိုက် ဖြစ်တတ်ပါတယ်။ ဒါပေမဲ့ စိတ်တည်ငြိမ်တာ၊ သတ္တိရှိတာ၊ ကြင်နာတတ်တာ စတဲ့ သင့်ရဲ့ မူလတန်ဖိုးတွေကိုတော့ ခိုင်မြဲအောင် လေ့ကျင့်နိုင်ပါတယ်။
ဒီနေ့အတွက် တန်ဖိုးတစ်ခု (ဥပမာ - ကြင်နာမှု) ကို ရွေးချယ်ပြီး အဲဒါနဲ့အညီ နေထိုင်ပါ။

၅။ ကိုယ်ပိုင် လုပ်ထုံးလုပ်စဥ် အသေးလေးတွေ ဖန်တီးပါ။ (Micro-Rituals)
မနက်ခင်း ကော်ဖီသောက်တာ၊ လမ်းလျှောက်တာ ဒါမှမဟုတ် journaling ရေးတာမျိုး လုပ်ပါ။ ဒါဟာ "လောကကြီး ဘယ်လိုပဲ ဖြစ်နေပါစေ၊ ငါ့ဘဝကို ငါစီမံနေတုန်းပဲ" ဆိုတာ သတိရစေပါတယ်။

၆။ သင်တစ်ယောက်တည်း မဟုတ်ဘူးဆိုတာ သတိရပါ
လူသားတွေဟာ သမိုင်းတစ်လျှောက် ခက်ခဲတဲ့ အပြောင်းအလဲတွေကို အတူတကွ ကျော်ဖြတ်ခဲ့ကြတာပါ။ ဒါကြောင့် ခံစားနေရတာတွေဟာ လူသားတိုင်း ကြုံတွေ့ရတတ်တဲ့ အရာဖြစ်ပြီး ဒီခရီးမှာ ကိုယ်တစ်ယောက်တည်း မဟုတ်ဘူးဆိုတာ သတိရပါ။

၇။ ကိုယ့်ကိုယ်ကိုယ် ကြင်နာပါ (Self-Compassion)
ကိုယ့်ကိုယ်ကိုယ် အပြစ်တင်တာထက် "ငါဟာ စက်ရုပ်မဟုတ်ဘူး၊ လူသားတစ်ယောက်မို့ အားငယ်တာ၊ စိတ်ပင်ပန်းတာ သဘာဝပဲ" လို့ ပြောပေးပါ။ ကိုယ့်ရဲ့ အခင်ဆုံးသူငယ်ချင်းကို အားပေးသလိုမျိုး ကိုယ့်ကိုယ်ကိုယ် ပြန်အားပေးပါ။

၈။ လူမှုပတ်ဝန်းကျင်နဲ့ ထိတွေ့ဆက်ဆံပါ
ကိုယ့်ကို စိတ်ခွန်အားပေးနိုင်မယ့်သူ၊ စိတ်တူကိုယ်တူ ရှိသူတွေနဲ့ စကားပြောပါ။ တခြားသူနဲ့ နွေးထွေးတဲ့ ဆက်ဆံရေးရှိခြင်းက စိတ်ဖိစီးမှုကို လျော့ကျစေပြီး စိတ်ကို ပိုမိုတည်ငြိမ်စေပါတယ်။

၉။ မျှော်လင့်ချက်ကို တည်ဆောက်ယူပါ
တခါတလေမှာ လူတွေက မျှော်လင့်ချက်ကို ကံကောင်းခြင်းတစ်ခုလို အဝေးမှာ လိုက်ရှာနေတတ်ကြပါတယ်။ တကယ်တော့ မျှော်လင့်ချက်ဆိုတာ အပြင်လောကမှာ ရှာဖွေရတဲ့အရာမဟုတ်ဘဲ ကိုယ့်ရဲ့အတွင်းစိတ်ထဲမှာ နေ့စဉ်အသေးအဖွဲ လုပ်ဆောင်ချက်လေးတွေနဲ့ တည်ဆောက်ယူရတဲ့ "အလေ့အကျင့်" တစ်ခုသာ ဖြစ်ပါတယ်။

စိတ်ဓာတ်ကြံ့ခိုင်မှုဆိုတာ တစ်ချိန်တည်းနဲ့ ရလာတာမျိုးမဟုတ်ဘဲ တစ်ခဏချင်း၊ တစ်နာရီချင်း၊ တစ်နေ့ချင်းစီ ပုံဖော်ယူရတာ ဖြစ်ပါတယ်။ ကိုယ့်ကိုယ်ကိုယ် ဂရုတစိုက်ကြင်နာပြီး ဒီခက်ခဲတဲ့ အချိန်တွေကို အတူတူ ကျော်ဖြတ်ကြရအောင်။

#HonestHour #CounsellingServices #Resilience #SelfCare #MentalHealthAwareness #StayStrong #Inspiration

“Stress Less, Live More” ဆိုတာ သာမန် workshop တစ်ခုထက်ပိုပါတယ်။ ဒီနေ့ခေတ်မှာ အလုပ်၊ တာဝန်ယူမှုတွေ၊ မပြတ်တောက်တဲ့ စိတ်ပင်ပန်းမှုတွေကြားထဲမှာ နေထိုင်ရင်း “အဆင်ပြေနေတယ်” လို့ ကိုယ်ကိုယ်ကို ပြောနေတတ်ကြပေမယ့် အတွင်းမှာတော့ မျက်မြင်မရတဲ့ stress တွေ စုနေတတ်ပါတယ်။

Stress က လုံးဝမရှိသင့်တဲ့အရာမဟုတ်ပါဘူး။ ဒါပေမယ့် မထိန်းနိုင်တဲ့အခါမှာတော့ ကိုယ့်ရဲ့ စိတ်ကျန်းမာရေး၊ ဆက်ဆံရေးတွေနဲ့ နေ့စဉ်ဘဝရဲ့ အရည်အသွေးကို တဖြည်းဖြည်း သက်ရောက်လာတတ်ပါတယ်။ အဲ့ဒီလိုအခြေအနေတွေကြားထဲမှာ “နားလည်ပြီး ကိုင်တွယ်နိုင်တဲ့နည်း” ကို သိထားခြင်းက အရေးကြီးပါတယ်။

ဒီ workshop မှာတော့ stress ကို ဖယ်ရှားဖို့ မဟုတ်ပဲ—
stress နဲ့ ဘယ်လိုအတူနေမလဲ၊ ဘယ်လိုထိန်းချုပ်မလဲ၊ ကိုယ့်ကိုယ်ကို ဘယ်လိုပြန်ချိတ်ဆက်မလဲ ဆိုတာတွေကို လေ့လာနိုင်ပါမယ်။ ကိုယ့်ရဲ့ stress triggers တွေကို သိမြင်လာနိုင်ခြင်း၊ emotional awareness တိုးတက်လာခြင်းနဲ့ အတူ နေ့စဉ်ဘဝမှာ လက်တွေ့အသုံးချလို့ရမယ့် breathing techniques, grounding exercises နဲ့ mind reset practices တွေကိုပါဝင်တဲ့ Interactive Workshop ပုံစံမျိုးဖြစ်ပါတယ်။

တကယ်တော့ “busy ဖြစ်နေခြင်း” က “ကောင်းမွန်စွာနေထိုင်နေခြင်း” မဟုတ်ပါဘူး။ ကိုယ့်ကိုယ်ကို ပြန်နားထောင်ဖို့၊ ကိုယ့်စိတ်ကို ပြန်ထိန်းချုပ်ဖို့ အချိန်တစ်ခုပေးရတာကလည်း အရေးကြီးပါတယ်။

“Stress Less, Live More” က သင့်ဘဝကို အပြောင်းအလဲကြီးတစ်ခုလုပ်ဖို့မလိုပဲ—
တဖြည်းဖြည်း ပိုအေးချမ်းပြီး ပိုလွတ်လပ်တဲ့နေထိုင်မှုပုံစံတစ်ခုဆီကို လှမ်းသွားနိုင်ဖို့ အစတစ်ခုဖြစ်ပါတယ်။

သင်တစ်ယောက်တည်း မဟုတ်ပါဘူး။
ဒီခရီးကို အတူတူ သွားနိုင်ပါတယ်။
--------------------------------
Workshop Details
Instructor - Dr. Soe Lwin (Therapist)
Date: 25 April 2026 (Saturday)
Time: 7:00 PM – 8:00 PM (MMT)
Duration: 1 Hour
📌 Limited seats available
📩 Register now

✅ Workshop လေးတက်ရောက်ချင်သူတွေအတွက် comment မှာ Join လို့ ချန်ထားခဲ့ပြီး Register လုပ်ပေးထားလို့ရပါတယ်။

#HonestHour #MentalHealth #workshop #free_workshop #stress #well_being

ကျွန်မတို့အားလုံးက တစ်ခုခုကို အမြဲတမ်း အသည်းအသန် လိုက်နေကြသလိုပဲနော်။ ပိုက်ဆံ၊ အောင်မြင်မှု၊ ဒါမှမဟုတ် သူများထက် သာဖို့... အမြဲတမ်း အပြေးပြိုင်နေရတာနဲ့တင် ငါတို့ရဲ့ 'အသက်ရှင်နေထိုင်ခြင်း' ဆိုတဲ့ အနှစ်သာရကို မေ့နေကြပြီလား?"

မရှုပ်ထွေးသင့်ပဲ ရှုပ်ထွေးနေတဲ့လူလောကကြီးမှာ လူတော်တော်များများက Slow Living ကိုတောင့်တကြတယ်။ Slow Living ဆိုတာကို လူအတော်များများက အလုပ်မရှိ အားယားနေတာ၊ ပျင်းတာလို့ ထင်ကြတယ်။ ဒါပေမဲ့ တကယ့် Slow Living ဆိုတာ လောကကြီးနဲ့ အဆက်အသွယ် ဖြတ်လိုက်တာ မဟုတ်ပါဘူး။ ကိုယ့်ကိုယ်ကိုယ်နဲ့ ပြန်ပြီး အဆက်အသွယ် လုပ်တာပါ။"

ဒါဟာ အလုပ်တွေ အကုန်ပစ်ချပြီး တောထဲသွားနေဖို့ မလိုပါဘူး။ မနက်ခင်း ကော်ဖီဖျော်တဲ့အခါ ဖုန်းမကြည့်ဘဲ ကော်ဖီနံ့လေးကို ခံစားတာ၊ အပြင်သွားရင်လည်း ကောင်းကင်ကြီး ဘယ်လောက်လှလဲဆိုတာ ခဏလောက် ရပ်ကြည့်တာ... ဒါတွေအားလုံးက Slow Living ပါပဲ။ အဓိကက 'ရည်ရွယ်ချက်ရှိရှိ' အသက်ရှင်ဖို့ပါပဲ။ အလုပ်လုပ်တဲ့အခါ အာရုံစိုက်မယ်၊ နားတဲ့အခါမှာလည်း တကယ် စိတ်အေးလက်အေး နားမယ်။" ဒါဟာ Living with intention ပါ..

"ဒီနေ့တော့ ခဏလောက် အနားယူပြီး ကိုယ့်ကိုယ်ကိုယ် မေးကြည့်လိုက်ပါ... ငါ တကယ်ရော အသက်ရှင်နေရဲ့လား? ဒါမှမဟုတ် အပြေးပြိုင်နေရုံသက်သက်ပဲလား? Slow Living ဆိုတာ ပန်းတိုင်တစ်ခု မဟုတ်ဘူး၊ ခရီးစဉ်တစ်ခုပါ။ အတူတူ ဖြည်းဖြည်းချင်း လျှောက်ကြည့်ရအောင်။"

#HonestHour

Honest Hour မှာ ကိုယ့်ရဲ့စိတ်ပိုင်းဆိုင်ရာ ပြဿနာရပ်တွေကို လုံခြုံစွာရင်ဖွင့်ဆွေးနွေးနိုင်ဖို့ ကျွမ်းကျင်ပညာရှင်တွေကို ထပ်မံအားဖြည့်ပေးထားပါတယ်။

Honest Hour မှာထပ်မံအားဖြည့်ထားတဲ့ ကျွမ်းကျင်ပညာရှင်ကတော့...

→C08 Lay Counsellor
→C32 Counsellor

ဆွေးနွေးနိုင်မည့် အကြောင်းအရာများ...
အောက်ပါ စိတ်ပိုင်းဆိုင်ရာ ပြဿနာများနှင့် စိန်ခေါ်မှုများ အပါအဝင် သင့်ဘဝ၏ အခက်အခဲများအားလုံးကို လုံခြုံစွာ၊ စိတ်ချစွာနဲ့ ရင်ဖွင့်ဆွေးနွေး အဖြေရှာနိုင်ပါတယ်။
• စိုးရိမ်ပူပန်မှုများ (Anxiety)
• စိတ်ဓာတ်ကျဆင်းခြင်း (Depression)
• စိတ်ကြွရောဂါ (Bipolar Disorder)
• စိတ်ထိခိုက်ဖူးသည့် အတိတ်ဖြစ်ရပ်များ (Trauma)
• အခြားသော စိတ်ပိုင်းဆိုင်ရာ မူမမှန်မှုများ (Mental Disorders)
• အာရုံစူးစိုက်မှု ခက်ခဲခြင်း (ADHD)
• စိတ်စွဲလမ်း လွန်ကဲမှု စိတ်ဝေဒနာ (OCD - Obsessive-compulsive disorder)
• ဆက်ဆံရေးဆိုင်ရာအဆင်မပြမှုများ (Relationship Problem)

ဘဝရဲ့ စိန်ခေါ်မှုတွေကြားမှာ တစ်ယောက်တည်း ရင်ဆိုင်ဖြေရှင်းဖို့ ခက်ခဲနေပါသလား? သင့်စိတ်ခံစားမှုတွေကို ရင်ဖွင့်ဖို့၊ နားလည်မှုနဲ့ အဖြေရှာမှုတွေ ရယူဖို့ Honest Hour က အသင့်ရှိနေပါတယ်။

သင့်ရဲ့ Well-being အတွက် Honest Hour Application မှာ Appointment ရယူ ဆွေးနွေးနိုင်ပါတယ်။

Honest Hour Application ရယူနိုင်ရန်
Application Download link - For Android & IOS
https://bit.ly/3Z7yDbu

#HonestHour #Counselling_services #MentalHealthMatters #Self_care #Professionals

ယနေ့ ၃၀.၄.၂၀၂၆ ဟာ ကဆုန်လပြည့်နေ့ ဗုဒ္ဓအခါတော် နေ့တစ်နေ့ဖြစ်ပါတယ်။

ကဆုန်လပြည့် ဗုဒ္ဓအခါတော်နေ့အခါသမယတွင် စိတ်ချမ်းသာ၊ ကိုယ်ကျန်းမာစေပြီး
မေတ္တာတရားများ ဖြန့်ဝေနိုင်ကြပါစေ 🙏🌿

#HonestHour

ယနေ့ကျရောက်တဲ့ May Day – International Labour Day မှာ

ကမ္ဘာတစ်ဝှမ်းလုံးမှ အလုပ်သမားအားလုံးကို လေးစားဂုဏ်ပြုအပ်ပါသည်။ 🌍💪

သင့်ရဲ့ လက်တစ်စုံ၊ ချွေးတစ်စက်တိုင်းက
လူ့အဖွဲ့အစည်းအတွက်
အင်အားတစ်ခုဖြစ်ပါတယ်။

မည်သည့်အလုပ်မဆို တန်ဖိုးရှိပြီး ဂုဏ်ယူထိုက်ပါတယ်။

ကြိုးစားမှုတွေကနေ ပိုမိုတောက်ပတဲ့ အနာဂတ်တစ်ခုကို အတူတကွ ဖန်တီးနိုင်ကြပါစေ ✨

💪🏼 Happy International Labour Day!

#HonestHour

Stress နဲ့ ဘယ်လိုအတူနေမလဲ၊ ဘယ်လိုထိန်းချုပ်မလဲ၊ ကိုယ့်ကိုယ်ကို ဘယ်လိုပြန်ချိတ်ဆက်မလဲ ဆိုတာတွေကို “Stress Less, Live More” Workshop video လေးကနေ လေ့လာကြည့်ရအောင်...

ဒီနေ့ခေတ်မှာ အလုပ်၊ တာဝန်ယူမှုတွေ၊ မပြတ်တောက်တဲ့ စိတ်ပင်ပန်းမှုတွေကြားထဲမှာ နေထိုင်ရင်း “အဆင်ပြေနေတယ်” လို့ ကိုယ်ကိုယ်ကို ပြောနေတတ်ကြပေမယ့် အတွင်းမှာတော့ မျက်မြင်မရတဲ့ stress တွေ စုနေတတ်ပါတယ်။

ဒီ workshop မှာတော့ stress ကို ဖယ်ရှားဖို့ မဟုတ်ပဲ—
stress နဲ့ ဘယ်လိုအတူနေမလဲ၊ ဘယ်လိုထိန်းချုပ်မလဲ၊ ကိုယ့်ကိုယ်ကို ဘယ်လိုပြန်ချိတ်ဆက်မလဲ ဆိုတာတွေကို လေ့လာနိုင်ပါမယ်။ ကိုယ့်ရဲ့ stress triggers တွေကို သိမြင်လာနိုင်ခြင်း၊ emotional awareness တိုးတက်လာခြင်းနဲ့ အတူ နေ့စဉ်ဘဝမှာ လက်တွေ့အသုံးချလို့ရမယ့် breathing techniques, grounding exercises နဲ့ mind reset practices တွေကိုပါဝင်တဲ့ Interactive Workshop ပုံစံမျိုးဖြစ်ပါတယ်။

ဒီ workshop လေးမှာ Honest Hour ရဲ့ Therapist တစ်ဦးဖြစ်တဲ့ Dr.Soe Lwin မှ ဆွေးနွေးပေးထားတာဖြစ်ပါတယ်။

Workshop Video လေးကို Honest Hour Youtube Channel ကနေတစ်ဆင့် ကြည့်ရှုနိုင်ပါတယ်။

Stree Less, Live More Part -1
https://youtu.be/Q-TgoU9n9oQ

Stress Less,Live More Part- 2
https://youtu.be/vVHj_u5jF58

#HonestHour #MentalHealth #workshop #free_workshop #stress #well_being

လူမှုဆက်ဆံရေးမှာ ကျန်နေခဲ့တဲ့ စိတ်ဒဏ်ရာတွေကြောင့် ရှေ့ဆက်ဖို့ ဝန်လေးနေတာမျိုး၊ ဒါမှမဟုတ် ချစ်ခင်ရသူတွေနဲ့ ဘာကြောင့် အဆင်မပြေဖြစ်နေရတာလဲဆိုတဲ့ အဖြေကို ရှာမတွေ့ဘဲ အထီးကျန်သလို ခံစားနေရလား?

ဒီလို ခံစားချက်တွေကို အဖြေရှာကြည့်ဖို့ Relationship Reboot Class လေးကမနက်ဖြန်ဆိုရင် Level 1 စတော့မှာပဲဖြစ်ပါတယ်။
အတန်းလေးမစခင် Orientation Session ကို Free Workshop အနေနဲ့ မနက်ဖြန် (မေလ ၅ ရက်နေ့) မှာ ပြုလုပ်မယ့် ဒီ workshop လေးကို Register မလုပ်ထားရသေးသူတွေလည်း Walk-in တက်ရောက်နိုင်အောင် စီစဉ်ပေးထားပါတယ်။

🌿 Relationship Reboot: Free Orientation Workshop
ဒီ Workshop လေးကနေ...

👉🏻မိမိကိုယ်ကို ပြန်လည်နားလည်လာစေဖို့
👉🏻အတိတ်က စိတ်ဒဏ်ရာတွေကို အတူတူကုစားဖို့
👉🏻ပိုမိုကျန်းမာပြီး ပျော်ရွှင်စရာကောင်းတဲ့ ဆက်ဆံရေးတွေကို ဖန်တီးတည်ဆောက်ဖို့

Counsellor & Coach တစ်ယောက်ဖြစ်တဲ့ “Lilly” မှ ကိုယ့်ရဲ့ ဆက်ဆံရေးတွေကို ဘယ်လို ပုံဖော်နေသလဲဆိုတာကို စိတ်ပညာသီအိုရီများစွာနဲ့ လေ့လာဆန်းစစ်သွားကြမှာဖြစ်ပါတယ်။

Workshop Details:
Date: 5th May 2026 (Tuesday)
Time: 7:00 PM to 9:00 PM
Platform: Zoom (Online)

Zoom Link : https://us06web.zoom.us/j/7198489158...
Meeting ID : 719 848 9158
Passcode : Honest

ကိုယ့်ရဲ့ စိတ်အနာရွတ်တွေကို နွေးထွေးတဲ့ နားလည်မှုတွေနဲ့ ကုစားပြီး ကောင်းမွန်တဲ့ဆက်ဆံရေးတွေကို ပြန်စကြရအောင်။

#RelationshipReboot #MentalHealth #HealthyRelationships #SelfHealing #HonestHour

✨ Mindful Vitality & Inner Balance Retreat ✨

ပင်ပန်းနွမ်းနယ်နေတဲ့ စိတ်နဲ့ရုပ်ကို တစ်မနက်ခင်းစာ အချိန်ပေးပြီး Reset လုပ်ကြမလား? 🌿

နေ့စဉ် Stress တွေကြားမှာ ကိုယ့်ရဲ့ Inner Energy တွေ ပိတ်ဆို့နေသလို ခံစားနေရရင် ဒီ Retreat လေးက သင့်အတွက်ပါ။ Inner Balance ကိုအခြေခံပြီး စိတ်ကြည်လင်လန်းဆန်းသွားစေမယ့် "Mindful Vitality & Inner Balance" အစီအစဉ်လေးကို
𝐓𝐫 𝐂𝐡𝐨 𝐌𝐲𝐚𝐭 𝐍𝐰𝐞 က ဦးဆောင်သွားမှာဖြစ်ပါတယ်။

𝓓𝓮𝓽𝓪𝓲𝓵𝓼
𝐃𝐚𝐭𝐞: 6.6.2026 (Saturday)
𝐓𝐢𝐦𝐞: 8:00 AM to 12:00 PM
𝐕𝐞𝐧𝐮𝐞: The Moon Gallery Café and Bistro (Bagan Room), ကမာရွတ်။ (CB Bank အပေါ်ထပ်၊ Regency Office 2nd Floor)

🧘 ဒီ ၄ နာရီအတွင်းမှာ ဘာတွေလုပ်ကြမလဲ?

𝟎𝟖:𝟎𝟎 - 𝟎𝟗:𝟎𝟎: ဘဝနေထိုင်မှုပုံစံနှင့် ခန္ဓာကိုယ်၏ 𝑽𝒊𝒕𝒂𝒍𝒊𝒕𝒚 𝑷𝒐𝒊𝒏𝒕𝒔 ဆက်စပ်ပုံကို နားလည်ခြင်း။
𝟎𝟗:𝟎𝟎 - 𝟎𝟗:𝟐𝟎: 𝑷𝒓𝒂𝒏𝒂𝒚𝒂𝒎𝒂 & 𝑶𝑴 𝑪𝒉𝒂𝒏𝒕𝒊𝒏𝒈 - စနစ်တကျ အသက်ရှူသွင်း၊ ရှူထုတ်ခြင်းဖြင့် အတွင်းစိတ်ကို ငြိမ်သက်စေခြင်း။
𝟎𝟗:𝟑𝟎 - 𝟏𝟎:𝟑𝟎: 𝑰𝒏𝒏𝒆𝒓 𝑩𝒂𝒍𝒂𝒏𝒄𝒆 𝒀𝒐𝒈𝒂 - ခန္ဓာကိုယ်အတွင်းရှိ စွမ်းအင်စီးဆင်းမှုကို ကောင်းမွန်စေမည့် ယောဂလေ့ကျင့်ခန်းများ။
𝟏𝟎:𝟑𝟎 - 𝟏𝟏:𝟑𝟎: 𝑽𝒊𝒕𝒂𝒍𝒊𝒕𝒚 𝑴𝒆𝒅𝒊𝒕𝒂𝒕𝒊𝒐𝒏 - စိတ်ဖိစီးမှုတွေကို လျှော့ချပြီး စိတ်ခွန်အားဖြည့်တင်းပေးမည့် meditation
𝟏𝟏:𝟑𝟎 - 𝟏𝟐:𝟎𝟎: 𝑯𝒆𝒂𝒓𝒕-𝒕𝒐-𝑯𝒆𝒂𝒓𝒕 𝑺𝒉𝒂𝒓𝒊𝒏𝒈 - ပါဝင်သူအချင်းချင်း အတွေ့အကြုံများ ဖလှယ်ခြင်းနှင့် မေးခွန်းများ ဆွေးနွေးခြင်း။

လူဦးရေ ၂၀ ဦးသာ ကန့်သတ်ထားတာမို့ စိတ်အေးချမ်းမှုနဲ့ ကျန်းမာခြင်းကို တန်ဖိုးထားသူများအတွက် အမြန်ဆုံး စာရင်းပေးသွင်းဖို့ ဖိတ်ခေါ်ပါတယ်။
✅Original Price: 150,000 MMK
✅Early Bird Discount: 120,000 MMK (သတ်မှတ်ရက်အတွင်း အပ်နှံသူများအတွက်)

"အတွင်းစိတ် ငြိမ်းချမ်းမှုကနေတစ်ဆင့် ပိုမိုတက်ကြွတဲ့ ရှင်သန်ခြင်းတွေကို တည်ဆောက်လိုက်ပါ"
စာရင်းပေးသွင်းရန်နှင့် အသေးစိတ်သိရှိလိုပါက Honest Hour ရဲ့ Messenger မှဖြစ်စေ Phone – 09 79 282 4522 သို့ဖြစ်စေ ဆက်သွယ်နိုင်ပါသည်။ 📩

#HonestHour #Chakra #Mental_Health

ပင်ပန်းသမျှ ခဏချထား... စိတ်အပန်းပြေဖို့အတွက် ဖန်တီးထားတဲ့ "ခိုလှုံရာလေး" ဆီ ခဏလာခဲ့ပါ 🌿

“Mental Break” လို့ ရိုးရိုးလေးနာမည်ပေးထားတဲ့ ဒီ Event လေးမှာတော့ ရည်ရွယ်ချက်လေးတစ်ခုရှိပါတယ်။

ဒါကတော့ ကိုယ့်ရဲ့ Wellbeing ကို တန်ဖိုးထားပြီး၊ စိတ်တူကိုယ်တူ Vibe တူတဲ့သူတွေနဲ့ နွေးထွေးစွာ ထိတွေ့ဆက်ဆံနိုင်မယ့် Safe Space လေးတစ်ခု ဖန်တီးပေးချင်လို့ပါ။ ဒီလို In-person ထိတွေ့နိုင်မယ့် အခွင့်အရေးလေးကိုလည်း တစ်လ တစ်ခါပေးချင်တာကြောင့် Monthly ပြုလုပ်သွားဖို့လည်း စီစဉ်ထားပါတယ်။

ကာလ၊ ဒေသ၊ ပယောဂ (၃) ပါးလုံး ကောင်းမွန်ခြင်းတွေနဲ့ ပြည့်စုံစေမယ့် Honest Hour ရဲ့ ၄ နာရီတာ Community Gathering လေးမှာ အနားယူဖို့ ဖိတ်ခေါ်ချင်ပါတယ်။ ဒီလရဲ့ Monthly In-person Event မှာတော့ Dr. Soe Lwin နဲ့အတူ နွေးထွေးတဲ့ အသိုက်အဝန်းလေးထဲမှာ အခုလို အစီအစဉ်လေးတွေနဲ့ ဖြတ်သန်းသွားကြမှာပါ။

✨ ဘာတွေက သင့်ကို စောင့်ကြိုနေမလဲ?
• Trash Can Exercise: ပင်ပန်းစေတဲ့ တာဝန်တွေနဲ့ ဖိစီးမှုတွေကို အမှိုက်ပုံးထဲ စွန့်ပစ်ပြီး စိတ်ကို ပေါ့ပါးအောင် အတူလုပ်ကြမယ်။
• Mindful Walk & Reflection: သဘာဝနဲ့နီးစပ်တဲ့ ပတ်ဝန်းကျင်မှာ လမ်းလျှောက်ရင်း ကိုယ့်စိတ်ကို ပြန်လည် နားထောင်မယ်။
• Arts & Music: အနုပညာနဲ့ တေးဂီတရဲ့ ကုစားမှုနဲ့အတူ စိတ်ကို အနားပေးမယ်။
• Life Assessment & Self-care Plan: ကိုယ့်ဘဝရဲ့ မျှခြေကို ပြန်စစ်ဆေးပြီး ရှေ့ဆက်ဖို့ ခွန်အားဖြစ်စေမယ့် ဂရုစိုက်မှုအစီအစဉ်တွေ ဆွဲကြမယ်။
•
ကိုယ့်ကို နားလည်ပေးမယ့် အပေါင်းအသင်းကောင်းတွေနဲ့အတူ စိတ်ချင်းနီးနီးကပ်ကပ် အနားယူရင်း၊ စိတ်ဓာတ်ခွန်အားတွေ ပြန်လည်ပြည့်ဝသွားစေမယ့် အကောင်းဆုံး "Mental Break" တစ်ခုကို ပိုင်ဆိုင်ဖို့ ဒီ Event လေးမှာ စာရင်သွင်းချင်တယ်ဆိုရင်တော့ အောက်က Registration form လေးမှာ စာရင်းပေးသွင်းလို့ရပါတယ်။
Registration Link – https://forms.gle/pwwJ58nmEVqHhKrw6

Event Details
---------------
Date: 23rd May 2026
Time: 2:00 PM to 5:00 PM
Registration Fees: 30,000 MMK
Special Discount အနေနဲ့ 👇
Honest Hour Application Page ကို Like & Share ပြုလုပ်ပြီး ဒီ post ရဲ့ comment မှာ Screen Shot လေးပြပေးမယ်ဆိုရင်တော့ 10,000 MMK discount ရရှိပြီး အလိုအလျှောက် Registration Fees:20,000 MMK နဲ့ တက်ရောက်ခွင့်ရမှာဖြစ်ပါတယ်။

Facebook Page Link: https://www.facebook.com/honesthourapplication

နေရာ - The Moon Gallery Café and Bistro (Poppa Room), 2nd Floor, Regency Office (CB Bank အပေါ်ထပ်)၊ ပြည်လမ်း၊ ကမာရွတ် မြို့နယ်

လူဦးရေအကန့်အသတ်ရှိတာကြောင့် အမြန်ဆုံး စာရင်းပေးသွင်းထားလိုက်တော့နော်...

#HonestHour #Mental_Health #Wellbeing #MentalBreak #Pause

(English Below)
ကျွန်မတို့အားလုံး ရင်ဆိုင်နေရတဲ့ အခြေအနေတွေက "ခဏတဖြုတ် အကျပ်အတည်း” ဆိုတာထက် မသေချာမှုတွေကြားမှာပဲ နေသားတကျဖြစ်အောင် နေထိုင်ရတဲ့ "ရေရှည် မတည်ငြိမ်မှု" (Chronic instability) ထဲ ရောက်နေတာပါ။

ဒီလိုအခြေအနေမှာ Survival Mode (ရှင်သန်နိုင်ရေးကိုပဲ အာရုံစိုက်ရတဲ့ စိတ်အခြေအနေ) က ခဏတဖြုတ် မဟုတ်တော့ဘဲ ကျွန်မတို့ရဲ့ ပုံမှန် Standard တစ်ခုလို ဖြစ်လာတယ်။

အမြဲတမ်း ပင်ပန်းနေမယ်။
စိတ်ရှည်နိုင်စွမ်းတွေ နည်းလာမယ်။
အကောင်းမြင်စိတ်တွေကိုလျော့ကျစေမယ်။
အနာဂတ်အတွက်ဆိုတာထက် "ဒီနေ့ကို ဘယ်လိုဖြတ်ကျော်မလဲ" ဆိုတာကိုပဲ တွေးနိုင်တော့မယ်။

ဒါဟာ လူတစ်ယောက်ချင်းစီတင် မဟုတ်ဘဲ လုပ်ငန်းခွင်တွေမှာပါ သက်ရောက်မှုရှိလာပါတယ်။ ဒီအချိန်မှာ Wellbeing (စိတ်ကျန်းမာရေးနဲ့ ကိုယ်စိတ်အေးချမ်းမှု) ဆိုတာ "ရှိရင်ကောင်းတယ်" ဆိုတဲ့ အပိုပစ္စည်း မဟုတ်တော့ပါဘူး။ ဒါက ရေရှည်မှာ ဆက်ပြီး လျှောက်လှမ်းနိုင်ဖို့အတွက် အဓိက လိုအပ်တဲ့ Fuel (လောင်စာ) ဖြစ်လာပါပြီ။

ကျွန်မတို့ရဲ့ မေးခွန်းက "ဘယ်လို အလုပ်တွေ ပိုပြီး အောင်မြင်အောင် လုပ်မလဲ?" ဆိုတာထက် "ဘယ်လိုမျိုး ရေရှည်တည်တံ့အောင် ရှေ့ဆက်မလဲ?" ဆိုတာ ဖြစ်သင့်ပါတယ်။
ဒီမေးခွန်းလေးကိုဖြေချင်တဲ့ တစ်ဦးတစ်ယောက်ချင်းစီဖြစ်စေ၊ Organization ကဖြစ်စေ အခြေအနေတွေကြားမှာ ခိုင်ခိုင်မာမာ ရပ်တည်နိုင်မယ့် ကိုယ့်ရဲ့ "Internal Capacity" ကိုတော့ Honest Hour နဲ့အတူ ပြန်လည်တည်ဆောက်နိုင်ပါတယ်။

Honest Hour ရဲ့ Employee Assistance Program အကြောင်း အသေးစိတ်သိရှိလိုတယ်ဆိုရင်တော့
📞09 79 282 4522 သို့ဖြစ်စေ 📧info@honesthourmm.com သို့ဖြစ်စေ ဆက်သွယ်စုံစမ်းမေးမြန်းနိုင်ပါတယ်။

We’re no longer just facing a “temporary crisis.”

We’re living in a state of chronic instability — where uncertainty has become part of our daily reality.
In times like this, Survival Mode is no longer short-term.

It quietly becomes our default setting.
You may notice it in subtle ways:
– Feeling constantly exhausted
– Having less patience
– Losing optimism
– Shifting your focus from “building a future” to simply “getting through today”

This doesn’t just affect individuals — it shows up in our workplaces, our teams, and our organizations too.
That’s why wellbeing is no longer a “nice-to-have.”

It’s essential. It’s the fuel that helps us keep going — sustainably.
The question is no longer:
“How can we achieve more?”
But rather:
“How can we keep going — and stay steady — in the long run?”

Whether you’re an individual or an organization, this is the moment to rebuild your internal capacity — the strength within that helps you stand firm through uncertainty.

And that’s a journey you don’t have to take alone.
Honest Hour is here to walk it with you.

For detailed information regarding Honest Hour’s Employee Assistance Program (EAP), please feel free to reach out to us at 📞 09 79 282 4522 or email us at 📧 info@honesthourmm.com.

#HonestHour #Wellbeing #Survival #EmotionalWellbeing