‼️ တစ်ခါတလေမှာ လူတစ်ချို့ဟာ ကိုယ့်အပေါ် မကောင်းမှန်း၊ Toxic ဖြစ်မှန်း သိပေမဲ့ ရုန်းမထွက်နိုင်ကြပါဘူး။ စွန့်လွှတ်ခဲ့တယ် ဆိုရင်တောင်မှ အချိန်တန်ရင် ဒီမကောင်းတဲ့ လူဆီကိုပဲ တဝဲလည်လည် ပြန်သွားမိတတ်ကြပါတယ်။

✅ ကိုယ့်ရဲ့ ချစ်သူရည်းစား၊ အိမ်ထောင်ဖက်ဟာ ကိုယ့်ကို စိတ်ပိုင်းဆိုင်ရာအားဖြင့်ဖြစ်စေ၊ ရုပ်ပိုင်းဆိုင်ရာအားဖြင့် ဖြစ်စေ အမြဲ အနိုင်ကျင့်တယ်၊ စော်ကားတယ်၊ ထိခိုက်အောင်လုပ်တယ်၊ စိတ်ခံစားချက်တွေကို အမြဲ လျစ်လျူရှုပြီး ဒီဆက်ဆံရေးကြီးက Toxic ဖြစ်နေတယ် ဆိုရင် ဒီဆက်ဆံရေးကို အဆုံးသတ်ပြီး လွှတ်ချခဲ့ရတာဟာ ဒါဖြစ်သင့်တဲ့အရာပါ။

‼️ ဒါပေမဲ့ လူတွေဟာ မကောင်းတဲ့အရာတွေဆိုရင် ပိုပြီး ငြိတွယ်လွယ်ကြပါတယ်။ မကောင်းတဲ့ အရပ်ဒေသတွေက ရုန်းထွက်နိုင်ဖို့အတွက် ပိုပြီးတော့ ခက်ခဲလေ့ရှိပါတယ်။ ဒါကြောင့်မိုလို့ မကောင်းတာကို မကောင်းမှန်းသိပေမဲ့ လူတွေဟာ မစွန့်လွှတ်နိုင်ကြတာ ဖြစ်ပါတယ်။

ကိုယ့်အပေါ် မကောင်းတဲ့သူတွေဆီကို ခဏခဏ ခွင့်လွှတ်ပြီး ထပ်ခါတလဲလဲ ပြန်သွားနေရတဲ့ အကြောင်းအရင်းရှိပါတယ်။

➡️ ပထမ တစ်ချက်ကတော့ အချိန်ကြာလာတာနဲ့အမျှ သူတို့တွေ ကိုယ့်အပေါ် ပြုမူဆက်ဆံခဲ့သမျှကို မေ့ပျောက်လာလို့ ဖြစ်ပါတယ်။
➡️ အထီးကျန်တဲ့အခါမှာလည်း ကိုယ့်အပေါ် မကောင်းတဲ့လူတစ်ယောက်ဆီကို ပြန်သွားတတ်ပါတယ်။
➡️ နောက်တစ်ချက်ကတော့ သူတို့ ကောင်းလာမလား၊ ပြောင်းလဲလာမလားဆိုတဲ့ မျှော်လင့်ချက်နဲ့ ဆက်ဆံရေးတွေကို ပြန်ပြီး ဖန်တီးတတ်ပါတယ်။
➡️ မိမိကိုယ်မိမိ ပိုကောင်းတဲ့ အရာတွေနဲ့ ထိုက်တန်တယ်လို့ မယုံကြည်ဘဲ လူတွေကျေနပ်အောင်ပဲ လိုက်နေတတ်တဲ့ people-pleasing behaviorများကြောင့်လည်း မကောင်းတဲ့လူတွေဆီ ပြန်ပြီးသွားတတ်သလို
➡️ နောက်ဆုံးတစ်ချက်ကတော့ မိမိကိုယ်မိမိ Boundary မထားနိုင်တဲ့အပြင် ကိုယ့်အပေါ် ပြုမူဆက်ဆံတဲ့ မကောင်းတဲ့အရာတွေနဲ့ ယဉ်ပါးနေခြင်းကြောင့် ဖြစ်တတ်ပါတယ်။

‼️ မကောင်းတဲ့လူတွေဆိုတာ မကောင်းတဲ့ အသီးတစ်လုံးလိုပါပဲ။ ပုပ်နေရင် ပုပ်နေတဲ့ အသီးကို ဖယ်ပစ်ရမှာ ထုံးစံပါပဲ။ မဟုတ်ရင် ကျန်တဲ့အသီးတွေပါ လိုက်ပုပ်ကုန်မှာပေါ့။ ဒီသဘောပါပဲ။ ဒါကြောင့် ဘဝမှာ မကောင်းတဲ့ လူတွေနဲ့ ကြုံတွေ့ရတဲ့အခါ ကိုယ့်ရဲ့ boundaryကို သေချာချထားတတ်ဖို့ လိုတယ်။ မိမိကိုယ်မိမိ လေးစားတတ်ဖို့ လိုပါတယ်။
လူတစ်ယောက်ဟာ မိမိကိုယ်မိမိ လေးစားနိုင်မှ သူတစ်ပါးက လေးစားတာဖြစ်ပါတယ်။

🌱 စိတ်ခံစားချက်တွေကို လက်ခံရင်မဆိုင်ဘဲ ရှောင်ပြေးမိနေလား။ ဒါမှမဟုတ် တစ်ခုခုကို စိတ်အာရုံလွှဲပြီး ထွက်ပြေးမိနေသလား။

‼️ ဒါဆိုရင် သင်ဟာ Emotional Bypass လုပ်နေမိပါပြီ။

➡️ Emotional Bypassing ဆိုတာ ဘာလဲ?

🌱 Emotional Bypass ဖြစ်တယ်ဆိုတာကတော့ မကောင်းတဲ့ စိတ်ခံစားချက်တွေကိုဆို လက်မခံဘဲ မသိကျေးကျွံပြုထားမယ်၊ အမြဲတမ်း အကောင်းမြင်စိတ်ကိုပဲ ဖြစ်ဖို့ ကြိုးစားမယ်၊ မကောင်းတဲ့စိတ်ခံစားချက်တွေကို ရှောင်လွှဲပြီး တစ်ခုခုနဲ့ အာရုံပြောင်း အစားထိုးမယ် စတာတွေဟာ စိတ်အာရုံလွှဲခြင်း (Emotional Bypassing) ဖြစ်ပါတယ်။

🌱 အထူးသဖြင့်တော့ စိတ်ပိုင်းဆိုင်ရာ ထိခိုက်နာကျင်မှု တစ်ခုခုနဲ့ ကြုံတွေ့ထားရတဲ့သူတွေဟာ emotional bypass အများဆုံး လုပ်လေ့ရှိပါတယ်။ သူတို့ကို trigger ဖြစ်စေမဲ့ အလားတူဖြစ်ရပ်တွေကို ရှောင်လွှဲချင်တဲ့အတွက် စိတ်အာရုံကို လွှဲလိုက်ကြတယ်။ အာရုံပြောင်းလိုက်ရင် မသိချင်ယောင်ဆောင်လိုက်ရင် ဒီစိတ်ခံစားချက်က ပြေလည်သွားမယ်၊ ပျောက်သွားမယ်လို့ ထင်တတ်ကြလို့ ဖြစ်ပါတယ်။ ဒါကြောင့်မိုလို့ပဲ စိတ်ခံစားချက်တွေကို process လုပ်ရမဲ့အစား bypass လုပ်လိုက်ကြတာ ဖြစ်ပါတယ်။

‼️ Emotional Bypassing ရဲ့ လက္ခဏာများ

➡️ မိမိရဲ့ စိတ်ခံစားချက်တွေကို Trigger ဖြစ်စေတဲ့ အကြောင်းအရာများ၊ အခြေအနေများကို ရှောင်လွှဲခြင်း၊ မသိချင်ယောင်ဆောင်နေခြင်း
➡️ အကောင်းမြင်စိတ်ကို မဖြစ်မနေ တာဝန်ကြီးတစ်ခုလို ထားနေရခြင်း
➡️ ဝမ်းနည်းနေပေမဲ့ ဟန်ဆောင်ပျော်ရွှင်ပြခြင်း
➡️ စိတ်ထွက်ပေါက်အနေနဲ့ အရက်နှင့် ဆေးဝါးများအသုံးပြုခြင်း စတဲ့ unhealthy coping များဖြင့် စိတ်အာရုံလွှဲခြင်း
➡️ မိမိကိုယ်မိမိ အခြားသူများနှင့် အဆက်သွယ်ဖြတ်ပြီး တစ်ယောက်တည်း နေခြင်း စတာတွေဟာ emotional bypass ဖြစ်နေခြင်းရဲ့ လက္ခဏာတွေ ဖြစ်ပါတယ်။

✅ Emotional Bypass အစား Emotional Process လုပ်ပါ။ မိမိရဲ့ စိတ်ခံစားချက်တွေဆိုတာ ကောင်းတာ ဖြစ်ဖြစ်၊ ဆိုးတာဖြစ်ဖြစ် ပစ်ပယ်ရမဲ့အရာမဟုတ်ဘဲ လက်ခံဖြေရှင်းရမဲ့ အရာ ဖြစ်ပါတယ်။ စိတ်ခံစားချက်တွေကို ရှောင်မပြေးဘဲ addressလုပ်ပါ။ ဘာကြောင့် ဘယ်လိုဖြစ်လာသလဲ အဖြေရှာပါ။ ကိုယ်တိုင် မဖြေရှင်းနိုင်ခဲ့ရင် တတ်ကျွမ်းနားလည်တဲ့ စိတ်ပညာရှင်တွေ၊ counselor တွေနဲ့ တိုင်ပင်ဆွေးနွေးဖို့ လိုအပ်ပါတယ်။ ဒါမှသာ မိမိရဲ့ စိတ်ပိုင်းဆိုင်ရာ ပြဿနာတွေကို နည်းလမ်းမှန်မှန်နဲ့ ဖြေရှင်းနိုင်မှာ ဖြစ်ပါတယ်။

စိိတ်ပိုင်းဆိုင်ရာနဲ့ ပက်သက်ပြီး ကျွမ်းကျင်ပညာရှင်တို့နဲ့ ဆွေးနွေးချင်တယ်ဆိုရင် Honest Hour ရဲ့ Application လေးကနေတစ်ဆင့် Mental Health Proffessionl များနဲ့ Appoinntment ရယူပြီး ကိုယ့်ရဲ့ Healing Journey ကိုစတင်လိုက်ပါ။

🔰 Honest Hour Application ရယူနိုင်ရန် Application Download link :
▪️𝐅𝐨𝐫 𝐀𝐧𝐝𝐫𝐨𝐢𝐝 & 𝐈𝐎𝐒
https://onelink.to/9h8v9h
▪️𝐅𝐨𝐫 𝐌𝐢 𝐏𝐡𝐨𝐧𝐞 𝐚𝐧𝐝 𝐀𝐧𝐝𝐫𝐨𝐢𝐝 𝐔𝐬𝐞𝐫𝐬
https://app.honesthourmm.com/download/HonestHour1.2.apk

အခြားမိ‌တ်ဆွေ သူငယ်ချင်းတွေရဲ့ စိတ်ပိုင်းဆိုင်ရာ ခံစားချက်တွေကို ဂရုစိုက်ပေးတဲ့အနေနဲ့ အခုပို့စ်လေးကို like and share လုပ်ဖို့ မမေ့ပါနဲ့နော်။

‼️ Trigger တွေဆိုတာ လူတိုင်းမှာ ရှိနိုင်တဲ့ စိတ်ထိခိုက်စရာဖြစ်ရပ်တွေ၊ အတိတ်ရဲ့စိတ်ဒဏ်ရာတွေကို ပြန်လည်တုန့်ပြန်စေတဲ့ အရာတွေဖြစ်ပါတယ်။ ကိုယ့်ရဲ့ စိတ်ကို မသက်သာဖြစ်စေပြီး triggerတွေဆိုရင် လူတိုင်းက ရှောင်လွှဲချင်ကြပါတယ်။ ဘာကြောင့်လဲဆိုတော့ တချို့ trigger တွေကို ရင်ဆိုင်ရတာဟာ စိတ်ညစ်စရာကောင်းပြီး၊ တချို့အခါမျိုးမှာတော့ ကိုယ် ပြန်မလိုချင်၊ မဖြစ်ချင်တဲ့ အတိတ်က အရာတွေကို ပြန်လည်ခံစားမိတတ်တာကြောင့် ဖြစ်ပါတယ်။
‼️ ဒါကြောင့်ပဲ လူတွေဟာ Trigger တွေဆိုရင် ရှောင်ချင်ကြတယ်။ တကယ်တမ်းတော့ Trigger တွေဆိုတာ ရှောင်ဖို့မဟုတ်ဘဲ ကျွန်မတို့မှာ ကျန်ရှိနေတဲ့ unresolved traumaတွေ၊ ကြောက်ရွံမှုတွေကို ဖော်ပြနေတာ ဖြစ်ပါတယ်။ ကျွန်မရဲ့ address လိုက်လုပ်ကြည့်ရမဲ့ ပြဿနာရဲ့ အရင်းအမြစ်တွေ ဖြစ်နေပါတယ်။
ကျွန်မတို့ရဲ့ ဘယ်လို triggerတွေက ဘယ်လို ကြောက်ရွံနာကျင်မှုတွေကို ဖော်ပြပေးနေလဲ အနည်းငယ်လောက် လေ့လာကြည့်ကြရအောင်။
➡️ အကယ်၍ လူတစ်ယောက်ဟာ တစ်စုံတစ်ယောက်က သူ့ကို ထားခဲ့မှာ၊ သူကျန်ခဲ့မှာမျိုးတွေကို အလွန်အမင်းကြောက်တယ်ဆိုရင် ဒါဟာ သူ့မှာ Abandonment/ rejection issue တစ်ခုခုနဲ့ ပတ်သက်ပြီး စိတ်ဒဏ်ရာရှိနေလို့ ဖြစ်ပါတယ်။
➡️ မိမိကိုယ်မိမိ ဘယ်တော့မဆို မထိုက်တန်ဘူး၊ မတော်ဘူး၊ မကောင်းဘူး၊ တန်ဖိုးမရှိဘူးလို့ တွေးနေတတတ်တာဟာလည်း ငယ်စဉ်က ချစ်ခြင်းမေတ္တာငတ်မွတ်ခဲ့မှု၊ အချစ်မခံခဲ့ရမှုတွေနဲ့ ပတ်သက်နေတတ်ပြီး ကိုယ့်ကိုယ်ကိုယ် အချစ်ခံရဖ်ို့ မထိုက်တန်ဘူးလို့ ယုံကြည်စေတာဖြစ်ပါတယ်။
➡️ ပိုက်ဆံသုံးခြင်းနဲ့ ပတ်သက်ပြီး မိမိကိုယ်မိမိ သက်သောင့်သက်သာ မဖြစ်တဲ့သူတွေလည်း ရှိတတ်ပါတယ်။ သူတစ်ပါးအတွက်တောင် မဟုတ်ဘဲ မိမိရဲ့ လိုအပ်ချက်အတွက် ပိုက်ဆံအသုံးပြုရတာကိုတောင်မှ guiltyဖြစ်တယ်၊ စိတ်မသက်သာဘူးဆိုတာက ငယ်စဉ်က ဆင်းရဲချို့တဲ့ခဲ့မှုကြောင့်ရတဲ့ နောက်ဆက်တွဲ စိတ်ဒဏ်ရာ ဖြစ်နိုင်သလို ငယ်စဉ်ကတည်းက scarcity mindsetနဲ့ ပြုစုပျိုးထောင်ခံခဲ့ရခြင်းတွေကြောင့်လည်း ဖြစ်နိုင်ပါတယ်။
➡️ မိမိကိုယ််မိမိ အရေးမပါဘူး၊ စိတ်ခံစားချက်တွေကို ကောင်းကောင်းမဖော်ပြနိုင်ဘူး ဆိုတာကလည်း မိမိရဲ့ စိတ်ခံစားချက်တွေကို ကောင်းကောင်းဖော်ပြခွင့် မရခဲ့လို့၊ စိတ်ခံစားချက်တွေကို ဖိနှိပ်ခံခဲ့ရလို့ ဖြစ်ပါတယ်။
‼️ ဒါတွေဟာ Trigger တွေကို addressလုပ်ကြည့်မှ သိနိုင်မဲ့ အရာတွေ ဖြစ်ပါတယ်။ ကြောက်နေတဲ့အရာတွေကို ရင်ဆိုင်ရတာ မလွယ်ကူပေမဲ့လို့ သတ္တိမွေးပြီး ရင်ဆိုင်ကြည့်လိုက်တဲ့အခါ နောက်တစ်ခါ ထပ်မကြောက်ရတော့ပါဘူး။ ဒါကြောင့် Trigger တွေကို မရှောင်လွှဲပါနဲ့။ Trigger တစ်ခုပေါ်လာတိုင်း ငါဘာတွေကို ကြောက်နေသလဲ။ ဒီ triggerက ဘာကြောင့် ပေါ်လာတာလဲ သေချာ addressလုပ်ပြီး ဖြေရှင်းနိုင်အောင် ကြိုးစားပါ။
💪🏻"The only way out is through" မိုလို့ Triggerတွေကို ရှောင်မပြေးဘဲ ရင်ဆိုင်ကြည့်ကြရအောင်ပါ။

🌱 ဒီနေ့ခေတ်မှာ Relationship အမျိုးအစားတွေ အများကြီး ပေါ်လာကြပါတယ်။ တွဲတော့ တွဲတယ် ရည်းစားတော့ မဟုတ်ဘူး။ ချစ်တော့ ချစ်တယ် ရည်းစားတော့ မဟုတ်ဘူးဆိုတဲ့ ဆက်ဆံရေးတွေ situationshipတွေ ခေတ်စားလာကြပါတယ်။
🌱 တစ်ချို့ကလည်း ပေါ့ပေါ့ပါးပါးပဲ ဒီတိုင်း တွေ့ကြမယ်၊ ဒိတ်ကြည့်မယ်၊ ရည်းစားတော့ မထားချင်ဘူးဆိုပြီး ပေါ့ပေါ့ပါးပါး တွေးကြသလို commited relationshipကို သွားချင်တဲ့ လူအများစုကတော့ situationshipထားတာမျိုးတွေကို သဘောမကျတတ်ကြပါဘူး။ ဘာကြောင့်လဲဆိုတော့ အချိန်ကုန်တဲ့အပြင် မိမိရဲ့ စိတ်ပိုင်းဆိုင်ရာကိုပါ ထိခိုက်ပျက်စီးစေနိုင်လို့ ဖြစ်ပါတယ်။
‼️ အထူးသဖြင့်တော့ situationshipတွေမှာ အဖြစ်များတဲ့ Breadcrumbing လုပ်တဲ့ကိစ္စပါ။ တစ်ချိူ့ relationshipတွေမှာတောင်မှ breadcrumb လုပ်ကြတဲ့လူတွေ ရှိတတ်ပါတယ်။
➡️ ကိုယ့်ကို ဆက်သွယ်လိုက် မဆက်သွယ်လိုက် လုပ်မယ်။ စာပို့လိုက် မပို့လိုက်နဲ့။ သူစကားပြောချင်တဲ့ အချိန်မှ ပြောမယ်။ ချစ်ပြချင်ရင် အရမ်းချစ်ပြလိုက်၊ ဂရုစိုက်ချင်ရင် အရမ်းဂရုစိုက်လိုက်နဲ့ ပြီးရင် ပစ်စလခတ် ပစ်ထားလိုက် လုပ်မယ်။ နောက်ပြီး ဟိုလိုလို ဒီလိုလိုနဲ့ တစ်ဖက်သူကို မျှော်လင့်ချက်တွေပေးတဲ့ စကားတွေ ပြောမယ်။ ပြီးရင် ဘာမှမဟုတ်ပါဘူးဆိုပြီး ပြန်လျှော်သွားမယ်။
➡️ တွဲတော့ တွဲတယ်၊ အနေအထားတစ်ခုအထိ ရောက်နေပေမဲ့ ချစ်သူတွေလို့ ခေါင်းစဉ်မတပ်ချင်ဘူး။ commitment မပေးချင်ဘဲ ဘာဖြစ်ချင်လို့ ဖြစ်ချင်နေမှန်း မသိတာမျိုး၊ flirt တော့ flirtတယ် ကိုယ့်ကို ဘာ clarity မှ ဆက်မပေးဘဲ အီလည်လည်ကြီးနဲ့ ထားတာမျိုးတွေကို တွေကို breadcrumb လုပ်တယ်လို့ ခေါ်ပါတယ်။
➡️ Breadcrumb လုပ်တတ်တဲ့သူတွေဟာ သူတို့ရဲ့ အပြောနဲ့ လုပ်ရပ်က ဘယ်တော့မှ မညီဘဲ စကားတခြား လုပ်ရပ်တခြား ဖြစ်နေတတ်ပါတယ်။ အနာဂတ်ကိစ္စတွေ ပြောတဲ့အခါတိုင်း ခေါင်းရှောင်တတ်ကြပါတယ်။ နောက်ပြီး သူတို့ လိုအင် ဆန္ဒတစ်ခုခုရှိမှသာ ကိုယ့်ကို ကောင်းကောင်းမွန်မွန် ပြောဆိုဆက်ဆံတတ်ပြီး ကျန်တဲ့အချိန်တွေမှာတော့ ပလစ်ထားတတ်ပါတယ်။
‼️ Breadcrumbing ဘာကြောင့် လုပ်ကြသလဲ?
✅ Breadcrumb လုပ်တဲ့ လူအများစုဟာ လူတွေနဲ့ အမှန်တကယ် ရင်းနှီးကျွမ်းဝင်မှု (intimacy) ကို ကြောက်ကြလို့၊ commitment ပေးရမှာကြောက်ကြလို့ လေထဲတိုက်အိမ်ဆောက်ရတဲ့ အလုပ်ကိုပဲ ပိုပြီး နှစ်သက်ကြတာဖြစ်တယ်လို့ ဆိုပါတယ်။ နောက်ပြီး ငြင်းပယ်ခံရမှာ ကြောက်ကြတယ်။ နောက်ပြီး အခြားသူတွေဆီက attentionရချင်တာ၊ emotional validation ရချင်တာကြောင့် breadcrumbလုပ်တတ်ကြပါတယ်။
‼️ Breadcrumb အလုပ်မခံရအောင် ဒီလို ကာကွယ်ပါ
🌱 Breadcrumbing Signတွေကို သတိပြုပါ။
🌱 ကိုယ့်ရဲ့ Boundary တွေကို သေချာချထားပါ။
🌱 လူတိုင်းအတွက် အချိန်တိုင်းမှာ Available ဖြစ်ပေးစရာ မလိုပါ။
🌱 ကိုယ့်ကို Toxic ဖြစ်စေတယ်ဆိုရင် အဲ့ဒီလူတွေဆီကနေ လှည့်ပြန်ပါ။
🌱 ကိုယ့်ကိုယ်ကိုယ် ဂရုစိုက်ပါ။
🌱 လိုအပ်ရင် professional အကူညီများ ရယူပါ။
🌱 မိမိကိုယ်မိမိ တန်ဖိုးထားခြင်း၊ လေးစားခြင်း၊ ကောင်းမွန်တဲ့ societyတစ်ခုမှာ နေထိုင်ခြင်းဖြင့် breadcrumberများနဲ့ ကင်းဝေးအောင် နေထိုင်ပါ။

"Pause. Breathe. Repeat. 💛"

အသက်ရှူဖို့ မမေ့နဲ့နော်…..
လူတိုင်းကတော့ အသက်ရှူဖို့တော့မမေ့ကြပါဘူး…. နေ့စဥ််နဲ့အမျှ အသက်ကတော့ရှူနေကြတာပါပဲ

ဒါပေမဲ့ ဒီအသက်ရှူတဲ့အပေါ်မှာ သတိလေးကပ်ပြီး ရှူဖို့တော့မေ့နေတတ်ကြပါတယ်။

ပြေးလွှားနေတဲ့ စိတ်တွေ၊ လှုပ်ရှားနေတဲ့ ခန္ဓာကိုယ်ရယ်ကို ခဏလောက် ရပ်လိုက်ပြီး အသက်ရှူတဲ့အပေါ်မှာ အာရုံစူးစိုက်ကာ ငြိမ်းချမ်းမှုကို ရှာဖွေကြည့်ပါဦးနော်။

သင့်စိတ်လေးကို တည်ငြိမ်စေပြီး စိိတ်ဖိစီးမှုတွေကို လျှော့ချပေးပါလိမ့်မယ်။
#Honest_Hour
#For_your_wellness

💧Stay hydrated, Stay refreshed and focused

တစ်နေ့တာလုံး အလုပ်တွေလုပ်နေရင်း ရေသောက်ဖို့လည်း မမေ့နဲ့အုံးနော်....

ရေဂရုတစိုက်သောက်ပေးခြင်းဟာ ကုန်ဆုံးသွားတဲ့ စွမ်းအင်တွေကို ပြန်ပြီး ပြည့်စေသလို ၊ အာရုံစူးစိုက်နိုင်စွမ်းကိုလည်း ကောင်းမွန်စေတဲ့အပြင် ကျန်းမာရေးကိုလည်း စောင့်ရှောက်ပြီးသားဖြစ်စေပါတယ်။

ဖြစ်နိုင်ရင် ကိုယ့်ဘေးမှာ ရေဘူးလေးဆောင်ထားပြီး ရေကို သတိထားသောက်ပေးအုံးနော်.....🤗

✅ နည်းပညာတွေ တိုးတက်လာတဲ့ ဒီနေ့ခေတ်မှာ ဆိုရှယ်မီဒီယာ အသုံးပြုခြင်းဟာ လူမှုဆက်ဆံရေးတွေအတွက် အထောက်အကူပြုသလို ချစ်သူနှစ်ဦးကြမှာလည်း အရေးပါလာပါတယ်။ ဆိုရှယ်မီဒီယာကနေတဆင့် နေရာမရွေး စကားပြောလို့ရသလို အချိန်မရွေး ကိုယ့်ရဲ့ချစ်သူကို သတိရတဲ့အခါမှာ စာလေးတွေပို့ပြီး ချစ်ခြင်းမေတ္တာကို ဖော်ပြနိုင်တယ်။ ဆက်သွယ်နိုင်ပါတယ်။

ဒါပေမဲ့ ဆိုရှယ်မီဒီယာက ကောင်းကျိုးတွေ အများကြီးရှိသလို တစ်ဖက်မှာလည်း ဆက်ဆံရေးတွေကြား ဆိုးကျိုးတွေ ရှိလာနိုင်ပါတယ်။

➡️ Communication Gap ဖြစ်ခြင်း
Social Mediaကနေတစ်ဆင့် ဘယ်လောက်ပဲ ဆက်သွယ်ရအဆင်ပြေလာပါတယ် ပြောပြောတာ တစ်ခါတလေ ဆက်ဆံရေးတွေကြားထဲမှာ barrier တွေ ရှိတတ်ပါတယ်။ တစ်ယောက်ပြောချင်တဲ့ ဆိုလိုရင်းကို တစ်ယောက်က နားမလည်တာ၊ အထင်လွဲတာမျိုးတွေ ရှိပါတယ်။ အထူးသဖြင့် Text နဲ့ စကားပြောတဲ့အခါမှာ စကားအတိမ်အနက်ကစလို့ တစ်ဖက်သူမှာ တွေးစရာဖြစ်ပေါ်စေတတ်ပါတယ်။

➡️ စိတ်မလုံခြုံမှု၊ သဝန်တိုမှုများကို ခံစားရစေခြင်း
Social Mediaဆိုတာ လူမျိုးစုံနဲ့ ဆက်သွယ်ရာနေရာပါ။ ကိုယ်စီ ကိုယ်စီ လူမှုရေးတွေ၊ ခင်မင်မှုတွေဆိုတာ ရှိပါတယ်။ ဒါ့အပြင် အခြားသူတွေနဲ့ ပတ်သက်မှုတွေကိုလည်း အလွယ်တကူ သိနိုင်ပါတယ်။ ဒီလိုကိစ္စမျိုးတွေက တစ်ခါတလေမှာ ကိုယ်ချစ်သူအပေါ် သဝန်တိုမိတာ၊ စိတ်မချတာ၊ ဒါနဲ့ပတ်သက်ပြီး ကိုယ်တိုင်ပါ စိတ်မလုံခြုံမှုများကို ခံစားရနိုင်ပါတယ်။

➡️ နှိုင်းယှဉ်မှုများ
တကယ်တော့ Social Media မှာ ချပြနေကြတဲ့ ပုံရိပ်တွေဟာ လူတွေကို ပေးသိစေချင်တဲ့ တစ်စိတ်တစ်ပိုင်းလောက်သာပါ။ နောက်ကွယ်မှာ လူတိုင်းဟာ သူ့ပြဿနာနဲ့သူပါ။ ဒါပေမဲ့ လူတော်တော်များများက Social Mediaပေါ်က အရာတိုင်းကို အဟုတ်ထင်ပြီး အားကျတတ်ကြပါတယ်။ သာယာပျော်ရွှင်နေတဲ့ ဆက်ဆံရေးတွေ မြင်ရင် အားကျတယ်၊ တခြားကောင်မလေးတွေ အချစ်ခံနေရရင်၊ surprise လက်ဆောင်တွေ အများကြီး ရတာတွေ့ရင် အားကျကြတယ်။
ဒါတွေဟာ Social Media ရဲ့ လွှမ်းမိုးမှုတွေ ဖြစ်ပါတယ်။ ဒါတွေကို ကြည့်ပြီး မိမိကိုယ်မိမိ နှိုင်းယှဉ်မှုတွေ ပြုလုပ်ကြတဲ့အခါ ကိုယ့်ကိုယ်ကိုယ် enough မဖြစ်ဘူး၊ အချစ်မခံရဘူး စသဖြင့် ခံစားလာရနိုင်ပါတယ်။

‼️ ဒါကြောင့်မိုလို့ တစ်ခါတလေ Social Media မှာ အချိန်ကုန်တာ များလာတဲ့အခါ မိမိရဲ့ ဆက်ဆံရေးတွေမှာသာမက မိမိရဲ့ စိတ်ကျန်းမာရေးကိုပါ ထိခိုက်စေလာနိုင်ပါတယ်။ Social Media ကို အတိုင်းအဆ ချင့်ချိန်ပြီး အသုံးပြုပါ။ လိုအပ်ရင် Social Media Break ယူပါ။ အဲဒီအစား ကိုယ့်ရဲ့ ချစ်သူနဲ့ များများ communicate လုပ်ပါ။ စကားပြောပါ။ အချိန်ပေးပါ။
Social Mediaရဲ့ လွှမ်းမိုးမှုက ကိုယ့်ရဲ့ ဆက်ဆံရေးအပေါ် အများကြီး မသက်ရောက်ပါစေနဲ့။

Relationship နဲ့ပက်သက်လို့ ရင်ဖွင့်ဆွေးနွေးချင်တယ်ဆိုရင်တော့ Honest Hour ရဲ့ Application လေးကနေတစ်ဆင့်
Professional Counsellor CP01
Professional Counsellor CP03
Professional Counsellor C14 တို့နဲ့ Appointment ရယူပြီးဆွေးနွေးနိုင်ပါတယ်နော်…

Honest Hour Application ရယူနိုင်ရန်
Application Download link - For Android & IOS
https://onelink.to/9h8v9h
For Mi Phone and Android Users
https://app.honesthourmm.com/download/HonestHour1.2.apk

Relationship နဲ့ ပက်သက်ပြီး Practical Guide To Healthy Relationship Course လေးကို Honest Online Learning Website မှာလည်း လေ့လာနိုင်ပါတယ်ရှင်…..

👉🏻 https://www.honestonlinelearning.com/

#Honest_Hour
#Well_being_services
#Relationship

🍀စိတ်ဖိစီးမှုအားလုံးလွှတ်ချပြီး Inner Peace ကို ရှာဖွေချင်တဲ့အခါ Sound Therapy လေး ခံယူကြည့်ပါ”
Sound Therapy ခံယူပြီး စိတ်ဖိစီးမှုတွေကိုလွှတ်ချမယ်၊ စိတ်အညစ်အကြေးတွေကိုရှင်းထုတ်မယ်၊ စိတ်ရဲ့ ငြိမ်းချမ်းမှုကို ရှာဖွေချင်တယ်ဆိုရင်တော့ 𝐃𝐞𝐜𝐞𝐦𝐛𝐞𝐫 𝟏𝟒 ရက်နေ့မှာ ပြုလုပ်သွားမယ့် 𝐒𝐨𝐮𝐧𝐝 𝐇𝐞𝐚𝐥𝐢𝐧𝐠 𝐒𝐞𝐬𝐬𝐢𝐨𝐧 လေးမှာ ပါဝင်ဖို့ ဖိတ်ခေါ်လိုက်ပါတယ်ရှင်…..
💁🏻‍♀️Sound Healing Session လေးမှာပါဝင်ပြီး ခံစားရမယ့် အကျိုးကျေးဇူးတွေကတော့
- စိတ်ဖိစီးမှုကိုလျော့စေပါတယ်။
- Deep Relaxation ရစေပါတယ်။
- စိတ်ထဲကအဆိပ်အတောက်တွေ ဖယ်ရှားပေးနိုင်ပါတယ်။
- သွေးအားလည်ပတ်မှုအားကောင်းစေပြီး စိတ်ကို နက်နက်နဲနဲ တည်ငြိမ်မှု ရရှိစေပါတယ်။
- Sound healing တစ်ကြိမ်ခံယူပြီးသွားရင် ရှိရှိသမျှ Stress တွေအကုန်ဆွဲထုတ်ပစ်လိုက်သလို စိတ်တွေပေါ့ပါးသွားစေပါတယ်။
Sound Healing Session မှာတော့ Yoga/Chakra Instructor တစ်ဦးအဖြစ် ဆယ်နှစ်နှစ်ကျော် အတွေ့အကြုံရှိတဲ့ ဆရာမချိုမြတ်နွယ်က ဦးဆောင်ပေးသွားမှာ ဖြစ်ပါတယ်။
‼️𝐃𝐞𝐭𝐚𝐢𝐥𝐬
Date : 14.12.2024
Time: 7:00 AM - 9:00 AM
Price: 150,000 MMK
Location: 19/B, 1st floor, Min Ye Kyaw Swar Street, Kyouk Kone, Yankin Tsp, Yangon
📣ဆရာမရဲ့ အတန်းတွေမှာ ပါဝင်ဖူးသူတွေဟာ 𝟏𝟎% 𝐝𝐢𝐬𝐜𝐨𝐮𝐧𝐭 နဲ့ Sound Healing Session လေးမှာ ပါဝင်နိုင်မှာ ဖြစ်ပါတယ်။
ဒီ session လေးမှာပါဝင်ပြီး မိမိရဲ့ Inner Peace ကိုရှာဖွေဖို့ စိတ်ဝင်စားပါက Honest Hour Facebook Page မှာ ဖြစ်စေ၊ 09792824522ကို ဖြစ်စေ ဆက်သွယ်စုံစမ်းနိုင်ပါတယ်ရှင်။
#HonestHour
#Counselling_services
#Emotional_support
#Well_being
#Healing

လူတိုင်းလူတိုင်းရဲ့ ဘဝမှာ စိတ်ထိခိုက်ပြိုလဲစရာတွေနဲ့ ကြုံတွေ့ရတဲ့ အချိန်ဆိုတာ ရှိကြပါတယ်။ စီးပွါးရေးအဆင်မပြေတာ၊ ချစ်ခင်ရသူတွေကို ဆုံးရှုံးရတာ၊ အလုပ်အဆင်မပြေတာ၊ အသည်းကွဲတာ၊ ဘေးအန္တရာယ် ကြီးကြီးမားမားတွေနဲ့ ကြုံရတာ စသဖြင့် စိတ်ထိခိုက်စရာတွေ ကြုံရတဲ့အခါ စိတ်ပိုင်းဆိုင် ပြိုလဲပြီး ပူဆွေးသောကတွေရောက်တတ်ပါတယ်။
ပူဆွေးသောကရောက်တဲ့အခါ Grief Cycle အဆင်ဆင့်ကို ဖြတ်ကျော်ပြီးမှ လက်ခံနိုင်တဲ့အဆင့်ကို ရောက်တာပါ။ ဒါကြောင့် ပူဆွေးသောကတွေကို နည်းမှန် လမ်းမှန်နဲ့ ဖြေရှင်းတတ်ဖို့ လိုပါတယ်။ ဒါဆို ပူဆွေးသောက (Grief) တွေကို ဘယ်လို ရင်ဆိုင်ကြမလဲ?
➡️ စိတ်ခံစားချက်တွေကို လက်ခံပါ
ပူဆွေးသောကတွေနဲ့ ရင်ဆိုင်ရချိန်မှာ စိတ်ခံစားချက် အတက်အကျ မျိုးစုံကို ကြုံတွေ့ ရနိုင်ပါတယ်။ အဲဒီခံစားချက်တွေ အားလုံးကို လက်ခံ ခံစားဖို့အတွက် အဆင်ပြေပါတယ်။ ၀မ်းနည်းလို့ရတယ်။ နာကျည်းလို့ရတယ်။ ဒေါသထွက်လို့ ရပါတယ်။ ပျော်ရွှင်လို့ရတယ်။ ငိုလို့ရတယ်။ အမှတ်တရတွေကို ပြန်ပြီးတမ်းတလို့ရတယ်။ သတိရလို့ရတယ်။ ချစ်လို့ရပါတယ်။
ဒါတွေအားလုံးဟာ သဘာ၀ကျတဲ့ တုံ့ပြန်မှုတွေဖြစ်ပါတယ်။ ဒါကြောင့် ဘယ်လိုခံစားချက်တွေပဲ ဖြစ်လာဖြစ်လာ အရင်ဦးဆုံး လက်ခံလိုက်ပါ။ ဘယ်လိုစိတ်ခံစားချက်မျိုးကိုမဆို ခံစားခွင့်ရှိပါတယ်။ ဒီလိုနဲ့ပဲ တဖြည်းဖြည်းသိလာမှာက ပူဆွေးသောကတွေကို ရင်ဆိုင်တယ်ဆိုတာက အတိတ်ကအရာတွေကို မေ့ပစ်ပြီး ရှေ့ဆက်တာမျိုးမဟုတ်ဘဲ ပူဆွေးသောကတွေ၊ နာကျင်မှုတွေကို ရင်းနှီးနားလည်အောင်လုပ်ပြီး ဘ၀ကို ရှင်သန်ရှေ့ဆက်နေခြင်း တစ်မျိုးဖြစ်ပါတယ်။
➡️ တစ်ယောက်တည်းမခံစားပါနဲ့
ဘယ်အရာကိုမှ ကိုယ်တစ်ယောက်တည်း ခံစားစရာ မလိုပါဘူး။ ကိုယ့်ရဲ့ဘေးကို ပြန်ကြည့်လိုက်ပါ။ ကိုယ့်ကို ချစ်တဲ့သူတွေ၊ ကိုယ်ကချစ်တဲ့သူတွေ အများကြီး ရှိပါတယ်။ လေးလံတဲ့ ၀န်ထုပ်ကြီးကို တစ်ယောက်တည်း ထမ်းပိုးပြီး ကြိတ်မှိတ်မခံစားပါနဲ့။ ကိုယ်ချစ်ခင်ရပြီး ယုံကြည်လို့ရမဲ့ သူတွေဆီမှာ ရင်ဖွင့်တိုင်ပင်ပါ။
➡️ လုပ်စရာရှိတာ ဆက်လုပ်နေပါ
ပူဆွေးသောကရောက်ပြီးနောက်ပိုင်း ရင်ဆိုင်ကျော်လွှားတဲ့အဆင့်မှာတော့ ကျွန်မတို့ရဲ့ နေ့စဥ်ပုံမှန်အလုပ်တွေဆီ ပြန်ပြီးလာရလိမ့်မယ်။ လုပ်စရာရှိတဲ့အလုပ်တွေကို ပုံမှန်လေး ပြန်စလုပ်ဖို့လိုပါတယ်။
အဓိကကတော့ လုပ်စရာရှိတာတွေကို ဆက်လုပ်သွားနေဖို့ပါပဲ။ လုပ်စရာဆိုတဲ့နေရာမှာ ကြီးကြီးကျယ်ကျယ် အလုပ်ကြီးတွေကို​ပြောတာမဟုတ်ပါဘူး။
နေ့စဥ်ဘ၀ရဲ့ အစားအသောက်စားတာ၊ အိပ်စက်အနားယူတာ စတဲ့ ဒီလိုပုံမှန်အလုပ်လေးတွေ အပေါ်မှာတောင် အကောင်းဆုံးလုပ်ဖို့ဖြစ်ပါတယ်။
အစားအသောက်စားတဲ့အခါ အချိန်မှန်အောင်၊ ကျန်းမာရေးနဲ့ညီညွတ်အောင် အာဟာရဖြစ်အောင် ကြိုးစားပြီးစားတာမျိုး၊ အိပ်စက်အနားယူတဲ့အခါ အိပ်ရေး၀အောင်၊ အိပ်ချိန်မှန်အောင် ဂရုတစိုက် အားလေးထုတ်ပြီး အိပ်ဖို့ကြိုးစားသလိုမျိုး နေ့စဥ်လုပ်နေရတဲ့အလုပ်သေးသေးလေးတွေအပေါ် အကောင်းဆုံးကြိုးစားပြီး လုပ်ကြည့်ပါ။
➡️ Professional အကူညီရယူပါ
ပူဆွေးသောကတွေဟာ တစ်ယောက်နဲ့တစ်ယောက် ပုံစံမတူပါဘူး။ ဒါ့အပြင် တစ်ယောက်နဲ့တစ်ယောက်
ခံနိုင်ရည်အားတွေ မတူညီကြတဲ့အတွက် ပူဆွေးသောကတွေကို ရင်ဆိုင်တုံ့ပြန်တဲ့ပုံစံတွေကလဲ တူညီမှာ မဟုတ်ပါဘူး။ တစ်ချို့က ၁လကြာချင်ကြာမယ်၊ ၃လကြာချင်ကြာမယ်၊ ၆လကြာချင်ကြာပါမယ်၊ ဒါမှမဟုတ် အချိန်တွေနှစ်နဲ့ချီပြီး ကြာကောင်းကြာနိုင်ပါတယ်။ တစ်ချို့ဟာ ပူဆွေးသောကတွေကို ကြံ့ကြံ့ခိုင် ရင်ဆိုင်နိုင်ကြသူတွေရှိသလို တစ်ယောက်တည်း
ရင်မဆိုင်နိုင်တဲ့သူတွေလဲရှိပါတယ်။
ကိုယ်တစ်ယောက်တည်း မရင်ဆိုင်နိုင်တာ၊ မရင်ဆိုင်တတ်တာ၊ ရင်ဆိုင်ရင်းနဲ့မှ အခြေအနေတွေ ပိုဆိုးရွာလာတာ၊ မစားနိုင်မသောက်နိုင်နဲ့ အိပ်ယာထဲလဲနေတာ အချိန်ကြာလာပြီ ဆိုရင်တော့ ကျွမ်းကျင်တဲ့ စိတ်ပညာရှင်တွေနဲ့ ဆွေးနွေးတိုင်ပင်ဖို့ လိုအပ်ပါတယ်။ Professional တွေနဲ့ ဆွေးနွေးတိုင်ပင်ခြင်းက
မိမိခံစားနေရတဲ့ စိတ်ခံစားချက်တွေကို နည်းစနစ်တကျ ကုစားသက်သာစေတဲ့အပြင် ပူဆွေးသောကတွေကို နည်းလမ်းမှန်မှန် ရင်ဆိုင်တတ်စေဖို့ ကူညီပေးနိုင်ပါလိမ့်မယ်။
စိတ်ပိုင်းဆိုင်ရာ ပြဿနာတွေအတွက် ရင်ဖွင့်ဆွေးနွေးဖို့ စိတ်ချရတဲ့ နေရာလေးရှာနေတယ်ဆိုရင်တော့ Honest Hour မှာ Counselling ရယူနိုင်ပါပြီရှင်။
Honest Hour Application မှတစ်ဆင့် appointment booking ရယူနိုင်သလို 09792824522ကိုလည်း ဆက်သွယ်နိုင်ပါတယ်ရှင်.....
Honest Hour Application ရယူနိုင်ရန်
Application Download link - For Android & IOS
https://onelink.to/9h8v9h
For Mi Phone and Android Users
https://app.honesthourmm.com/download/HonestHour1.2.apk
#HonestHour
#Counselling_services
#Emotional_support
#Grief

မိဘတိုင်း မဖြစ်မနေသိရှိထားသင့်တဲ့ Parenting Education 📢

သင်က မိဘတစ်ယောက်ဖြစ်တယ်၊ အုပ်ထိန်းသူ တစ်ယောက်ဖြစ်တယ်၊ ကလေးတွေကို စီမံခန့်ခွဲသူနေသူ၊ ထိန်းကျောင်းနေသူတစ်ဦးဖြစ်နေတယ်ဆိုရင်တော့ ဒီ 2days Workshop က မိတ်ဆွေအတွက်ပါပဲ🔺

နှစ်ရက်တာ Parenting Education Workshop မှာဆိုရင်

👉 Parenting Education ဆိုတာဘာလဲ?

👉 မတူညီတဲ့ Parenting Styles တွေအကြောင်းနဲ့ အဲ့ဒီအရာတွေက ကလေးတွေအပေါ် ဘယ်လောက်ထိ သက်ရောက်မှုရှိနေမလဲ?

👉 Parenting Styles တွေကြောင့် ဖြစ်လာနိုင်တဲ့အခြေအနေတွေနဲ့ နောက်ဆက်တွဲ အကျိုးဆက်တွေအကြောင်း လေ့လာရမှာဖြစ်သလို

👉 အုပ်ထိန်းလမ်းပြသူနဲ့ ကလေးနဲ့ကြားက ဆက်ဆံရေးတည်ဆောက်ပုံတွေကို လေ့လာသင်ယူကြရမှာ ဖြစ်ပါတယ်။

Parenting Education Workshop လေးကိုတက်ရောက်တဲ့သူတိုင်းက

🔹ကလေးတွေရဲ့ အပြုအမူတွေ၊ စိတ်ခံစားချက်တွေရဲ့ ပြောင်းလဲပုံတွေကို သိရှိနားလည်ပြီး ထိန်းကျောင်းတဲ့အခါ ပိုမို လွယ်ကူလာစေမယ်။

🔹အိမ်မှာရော၊ ကျောင်းမှာပါ ကလေးတွေကို လုံခြုံစိတ်ချစေတယ်ဆိုတဲ့ ခံစားကို ပေးစွမ်းနိုင်မယ်။

🔹အုပ်ထိန်းလမ်းပြသူနဲ့ ကလေးကြားထဲက ပြောဆိုဆက်ဆံရေးက ပိုမိုယုံကြည်လာကြပြီး တိုးတက်လာစေမယ်။

🔹အုပ်ထိန်းလမ်းပြသူရဲ့ Well-being ကိုလည်း ပိုမိုကောင်းမွန်လာစေမှာဖြစ်လို့ ကလေးအတွက် စံပြဖြစ်လာစေပါလိမ့်မယ်။

ဒီလိုမျိုး အုပ်ထိန်းလမ်းပြသူရော၊ ကလေးတွေအတွက်ပါ အကျိုးရှိစေတဲ့ 2 Days Workshop ဖြစ်တာမို့ လက်လွတ်မခံပါနဲ့နော်။

Parenting Education 2 Days Workshop
Date: 28th and 29th Dec 2024
(Saturday and Sunday)
Time: 7:30 to 9:00 PM
Zoom Session
Original Price: 65,000 MMK
Early Bird Price (5) ppl : 55,000 MMK

ပါဝင်တက်ရောက်လိုသူများအနေနဲ့ Page Chatbox မှဖြစ်စေ၊ 09792824522 ကိုဖြစ်စေ ဆက်သွယ်စုံစမ်း စာရင်းပေးနိုင်ပါတယ်ရှင်။

#Honest_Hour
#Well_Being_Services
#Counselling
#Emotional_Support
#Parenting #Child
#Relisilence #Trust #Relationship