📌📌📌📌📌📌

ANDIJON VILOYATIDA ELEKTR ENERGIYASIDAN NOQONUNIY FOYDALANISH HOLATLARINI ANIQLASH BO‘YICHA REYD TADBIRLARI DAVOM ETMOQDA

Kuz–qish mavsumini betalofat o‘tkazish, shuningdek, elektr energiyasidan qonuniy va oqilona foydalanishni nazorat qilish maqsadida Andijon viloyati bo‘ylab muntazam ravishda reyd tadbirlari o‘tkazilmoqda.

Jumladan, “Hududiy elektr tarmoqlari” AJ Andijon hududiy filiali xodimlari tomonidan joriy yilning 11–12-noyabr kunlari Andijon shahri bo‘ylab o‘tkazilgan reyd tadbirlari davomida 100 ga yaqin iste’molchi ko‘rikdan o‘tkazildi. O’rganish jarayonida 21 ta holatda elektr energiyasidan noqonuniy foydalanish holatlari fosh etildi.

Xususan о‘rganishlar davomida, hisoblagich ulanish sxemasi buzilishi, tarmoqqa to‘g‘ridan to‘g‘ri ulanib foydalanish, hisoblagichga tashqi ta’sir ko‘rsatilsh hamda hisoblagichga pult moslamasi o‘rnatilib, hisoblagich sun’iy ravishda to‘xtatilgan holda elektr energiyasidan foydalanilgan holatlari aniqlangan.

Mazkur holatlar bo‘yicha rasmiylashtirilgan dalolatnomalar asosida yo‘qotilgan elektr energiyasi hajmi qayta hisob-kitob qilinib, yetkazilgan zarar miqdori 301,6 million so‘mni tashkil etgani aniqlandi.

Aniqlangan qonunbuzarliklar yuzasidan qonuniy chora ko‘rish maqsadida tegishli hujjatlar huquqni muhofaza qiluvchi idoralariga yuborildi.

Shu kabi reyd tadbirlari viloyat bo‘ylab muntazam ravishda davom ettirilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

AHOLIDAN KELIB TUSHGAN MUROJAATLAR O‘Z VAQTIDA YECHIM TOPMOQDA

Mamlakatimizda iste’molchilarga sifatli elektr energiyasi yetkazib berish, ularning murojaatlari va takliflariga tezkor javob berish masalalariga alohida e’tibor qaratilmoqda. Shu yo‘nalishda “Hududiy elektr tarmoqlari” AJ Xorazm hududiy filiali rahbariyati va xodimlari tomonidan aholining murojaatlarini o‘z vaqtida ko‘rib chiqish va amaliy yechim topish ustuvor vazifalardan biri etib belgilangan.

Xususan, Urganch tumani “Bo‘ston” mahallasida istiqomat qiluvchi fuqarolarning murojaatlari asosida hududda elektr ta’minotini yaxshilash ishlari olib borilmoqda. Aholi ehtiyojlarini inobatga olgan holda tuman elektr ta’minoti tomonidan quvvati 250 kVA bo‘lgan yangi transformator o‘rnatilib, ayni damda tarmoqqa ulash ishlari amalga oshirilmoqda.

Mazkur tadbir natijasida “Bo‘ston” mahallasidagi iste’molchilarning elektr energiyasi ta’minoti barqarorlashib, kuchlanish darajasi yaxshilanishi kutilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“Hududiy elektr tarmoqlari” AJ mutaxassislari kiberxavfsizlik boyicha malakasini oshirdi

“Hududiy elektr tarmoqlari” AJning  Axborot texnologiyalari va kiberxavfsizlik boyicha mas’ul mutaxassislari “Kiberxavfsizlik markazi” DUKda “Davlat tashkilotlarida kiberxavfsizlikni ta’minlash masalalari” mavzusida malaka oshirish kursini muvaffaqiyatli tamomladilar.

Kurs davomida mutaxassislar axborot xavfsizligi sohasidagi eng so’nggi milliy va xalqaro standartlar, yangilangan meyoriy-huquqiy hujjatlar, zamonaviy kiberhimoya vositalari va kiberkriminalistika usullari bilan chuqur tanishdilar.

Shu bilan bir qatorda kurslar davomida davlat tashkilotlari axborot tizimlarini kompleks himoya qilish, dolzarb kibertahdidlarni aniqlash va ularga samarali javob berish mexanizmlari to‘g‘risida ham ko‘nikmalar shakllantirildi.

Shuni alohida qayd etish lozimki, olingan nazariy bilimlar va amaliy ko’nikmalar mutaxassislarga jamiyatda kiberxavfsizlik tizimini mustahkamlash, ichki jarayonlarni xalqaro talablar darajasida takomillashtirish hamda raqamli infratuzilma barqarorligini ta’minlashda muhim rol oynash imkonini beradi.

  Bu esa, o’z navbatida, jamiyatning umumiy axborot xavfsizligi darajasini sezilarli darajada oshirishga va zamonaviy raqamli tahdidlarga qarshi bardoshliligini kuchaytirishga hamda jamiyatning raqamli xizmatlarini uzluksiz ishlaniga xizmat qiladi.

О‘quv kurslari yakunida tinglovchilarga Markazning maxsus sertifikatlari topshirildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“XONCHARBOG`” MAHALLASIGA YANGI TRANSFORMATOR PUNKTI O‘RNATILDI

“Toshkent shahar elektr tarmoqlari” MCHJ tomonidan hududlarda iste'molchilarni sifatli elektr energiyasi bilan ta'minlash hamda kuz-qish mavsumiga puxta tayyorgarlik ko‘rish maqsadida past kuchlanishli elektr uzatish tarmoqlarini yangilash va modernizatsiya qilish ishlari jadallik bilan davom etmoqda.

Jumladan, Olmazor tuman elektr ta`minoti korxonasi xodimlari tomonidan tumanning”Xonchorbog`” mahalla fuqarolar yig‘ini hududidagi yuklama bilan ishlab kelayotgan transformator punktiga qo‘shimcha ravishda yangi transformator punkti o‘rnatildi.

Tuman elektr ta’minoti mutaxassislari tomonidan o‘rnatilgan quvvati 630 kVA bo‘lgan yangi transformator punkti va undan chiquvchi elektr uzatish tarmoqlarini montaj qilish ishlari olib borilmoqda.

Tez orada mazkur loyiha o‘z yakuniga yetkazilib, yangi transformator va tarmoqlar iste'molchilarga foydalanishlari uchun topshiriladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz