📌📌📌📌📌📌

SAMARQANDDA YUNESKO BOSH KONFERENSIYASINING 43-SESSIYASI BO‘LIB O‘TADI!

Joriy yilning 30-oktabridan 13-noyabrigacha O‘zbekistonning qadimiy va navqiron Samarqand shahri YUNESKO Bosh konferensiyasining 43-sessiyasiga mezbonlik qiladi.

Mazkur yirik xalqaro anjumanga tayyorgarlik jarayonida shahar infratuzilmasini, ayniqsa, elektr ta’minot tizimini ishonchli holatga keltirish bo‘yicha amaliy ishlar olib borildi.

Bu borada “Hududiy elektr tarmoqlari” aksiyadorlik jamiyati va uning Samarqand hududiy filiali mutaxassislari tomonidan elektr uzatish tarmoqlari to‘liq texnik ko‘rikdan o‘tkazilib, zarur joylarda joriy ta’mirlash ishlari bajarildi. Shuningdek, teplovizor nazorati orqali aniqlangan kamchiliklar bartaraf etilib, tizimning ishonchliligi yanada mustahkamlandi.

Xorijiy mehmonlar tashrif buyuradigan konferensiya majmualari, tarixiy obidalar va mehmonxonalarni uzluksiz energiya bilan ta’minlash maqsadida 20 ta UPS hamda 6 ta dizel generator qurilmasi o‘rnatildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

Xodimlarning muntazam ravishda tajriba almashishlarini ta’minlash, ularning malaka oshirishlarini tizimli yo‘lga qo‘yish maqsadida, 2025-yil uchun tasdiqlangan rejaga asosan “Hududiy elektr tarmoqlari” AJ tomonidan tizimli ishlar qilinmoqda.

Xususan, ayni kunlarda "Xodimlarni qayta tayyorlash va malakasini oshirish markazi” filiali tomonidan Jamiyat tarkibiy korxona va filiallarining tuman va shahar elektr ta’minoti bosh muhandislari va muhandis-texnik xodimlari ishtirokida о‘quv-seminarlari tashkil etilgan.

Yoqilg‘i energiya resurslarini iqtisod qilish, muqobil energiya resurslaridan samarali foydalanish, tarmoqlardagi yо‘qotishlarni kamaytirish choralarini kо‘rish hamda yuqori kuchlanishli podstansiyalarni ekspluatatsiya qilish mavzusida tashkil etilgan о‘quv dasturlarida tinglovchilar nazariy bilimlarni amaliyotga bog‘liq tarzda о‘tkazmoqdalar.

Jumladan ishtirokchilar Yashnobod tumanidagi “Olmos” podstansiyada bо‘lib, zarur amaliy kо‘nikmalarga ega bо‘lishdi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

O‘zbekiston Respublikasi Prezidentining 2023-yil 11-martdagi 91-sonli “Toshkent shahridagi iste’molchilarni energiya resurslari bilan barqaror ta’minlash chora-tadbirlari to‘g‘risida”gi 91-sonli Qarorga asosan Yunusobod tumanidagi iste’molchilarni barqaror elektr energiyasi bilan ta’minlash maqsadida "Hududiy qurilish-montaj direksiyasi" filiali tomonidan  24 soatlik ish rejimi tashkil etilib, 110/35/10 kVli "Yunusobod" podstansiyasida modernizatsiya ishlari olib borilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ISITISH MAVSUMIDA EHTIYOJMAND OILALARGA 1 MILLION SO‘MDAN MODDIY YORDAM BERILADI

Prezident qaroriga ko‘ra, aholining ijtimoiy himoyaga muhtoj qatlamini qo‘llab-quvvatlash uchun bu yil 1,1 milliondan ortiq oila ro‘yxatga olindi.

Ulardan 822 mingtasi ijtimoiy reyestrda mavjud, yana 290 mingdan ortig‘i esa “Mahalla yettiligi” tomonidan qo‘shimcha aniqlangan.

Qo‘shimcha ro‘yxatga quyidagi toifadagi oilalar kiradi:
• boquvchisini yo‘qotganlar – 33,8 mingta;
• nogironligi bo‘lgan a’zosi bor oilalar – 76,3 mingta;
• og‘ir kasallikka chalingan shaxs yashaydigan oilalar – 23,7 mingta;
• yolg‘iz keksalar – 7 mingta;
• gaz tarmog‘iga ulanmagan oilalar – 2 mingta;
• bir uyda uchtadan ortiq oila yashaydiganlar – 26,2 mingta;
• boquvchisi mehnat migratsiyasida bo‘lganlar – 34,7 mingta;
• vaqtincha ishsizlar – 15,1 mingta;
• faqat pensiya hisobiga yashovchi oilalar – 69,7 mingta;
• yolg‘iz yashovchi shaxslar – 2,3 mingta.

Ma’lumot uchun, o‘tgan yili 120 mingta oilaga 270 ming so‘mdan yordam berilgan edi. Bu yilgi miqdor o‘tgan yilga nisbatan 2,5 baravar ko‘p.

Mazkur dastur doirasida jami 1,2 trillion so‘m mablag‘ Davlat byudjetidan ajratilishi rejalashtirilgan.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz