وعلى واهسكم
خبطنا الماي الازرك
طالبين بدين واعرض دينه
وعلى واهسكم
لكينا الكصبة كعبة
نزور حزها ولو سفاهة بعينه
وعلى واهسكم
عرفنا الموت الاول
واستحى
وعينه انثنت من عينا
وجان ليل الخوف لفحة ريح شتوة
ولو شبجنا الكاع يعرك ليلنا
هاذبين
وجانت الظلمة جوالي
تناثرت ضحكة بحوافر خيلنا
وعلى ريحتكم
تلكتنا الشواطي بفرح نثية
وعانكتنا
وطحنا جلمة ثنينّا
جلمة بيها الماي ذبّل كل زراكه
جلمة بيها العين
غبّش كل فرحها وخضّرت باكات بخدود الرفاكة
وباكة باكة
الموت من يحصد الوادم باكة باكة
وباكة باكة
الصوت من يصحى على ظالم باكة باكة
هلي
وبتنا كلوبنا ولاية
وسوالفنا ظفيرة
وشوكنا لدهلة ومحبتنا وخبزنا ظنوننا
وخطارنا تراب الجزيرة
وديرة ديرة
الموت من يشرب الوادم ديرة ديرة
وديرة ديرة
الفيض من يمحي المعالم ديرة ديرة
وصبّحت ياهلي على جفوني الخواطر غاليات
وطيفكم عاود على عيوني حنينه
وجرّعت روحي لاجلكم حنضل الوحشة
ولكيت الروح بالصفنات امينة
وذاك من ذاك اللكة النجمة العزيزة بلا سما ودكّلها عينه
وذاك من ذاك
اليحط كلبه على جفه ويغسل بآخر نزف وجه المدينة
وبينا بينا
شما تعب لفّ المغازل بينا بينا
وبينا بينا
شما ثكل صوت الهلاهل بينا بينا
وجان جفّي يلاعب النسمة وذرى الكذلة عشب
وجان كلبي يريد يكبر
اكبر من اسمه
من ذاته
ويكره
ويشكى
ويحب
وجنت اسمّيكم الذمّة
وجنت اشيلنكم وصية بغير حز
ماتنكتب
عفية نهران شكثر خدران املها
ومايها الراجد عذب
ومرّت الوحشة على جفوفي خرز سبحة
وتعب روجة بلم
وسالفة وضحكة بدوية تموت باطراف الندم
ومرت الظلمة تغش الشوف الابيض
والطوارش شماهوت هام البخت توكف علم
هلي
وسيّرتوا عليه بوحشتي حجاية بريد وبيت نايل
مثل المصوّب الاهله مايدارونه
كلما يطيب الجرح عمداً يلجمونه
واشتهيتوني اكتبلكم عن وفا البردي
وحنين الناي
ودموع السنابل
وعن العيون التلم الليل دمعة
وتعتلك وكت الوفا شموع ومشاعل
وعن الكلوب التموت بلااسم وبلاية راية
وعن شمس طلكت باسمها وعسّرت باول قضية
وغربتي
وصوت النواعي يلوحني ويلتم باديّة
الصوت بي ريحة عيوني
وبي هلي ووحشة مسية
هلي يامن ضيّعوني
وكحة النفس ماتفعل تلين
منبت حزن ومخالف سنين
الليل لو سدّ الروازين
شمسين حمرة يخضّر الطين
هلي يامن ....وهي هي
العين من تكضي السوالف هي هي
الكاع من تجفي وتوالف هي هي
هلي
وليلة حضنتنا بتعبنا بخوفنا بيوت العشيرة
وجان اول بيت ضحكة
وجان ثالث بيت رجفة
وجان سابع بيت عين
وجان دخان المواكد جلمة مروّة وهلا ونغطة جنين
وصوّغتنا عيونهم طابك دنان ولبن شجوة
وجلمة مكطوعة نفس طول السنين
وعين عين
انشدّت بتالي الطوارف عين عين
وعين عين
بلهفة تنشد عالسوالف عين عين
وعين لفّتنا بحزنها وزوّكت وجه الجرح
وعين هزّتنا ونختنا يغزر ويانه الملح
وعين نشدتنا : من اجيتوا , ما عثر بيكم صبح ؟
هلي
وزتتنا الضماير والضفاير والخناجر والدفو الغطّا الجفوف
وجانت الهلهولة خرسة تضيع بالشفا وتطوف
الكاع من يكبر كلبها يشب عشبها
وتوصل حجاياتها لتالي الجروف
هلي
وشرّعني هواكم باب للخطوة الغريبة
وخايرتني عيونكم :ذل ؟ لو جتل؟
وانه والموت التحمنا بمايكم ساك وحجل
الروح شاخص والعمر بركة كمر والموت ظل
ويه من كلبي رصاصة
وويه كل لهبة اصرخ بدمي اشتعل
الدنيا من يشح ضواها الدم بكل حيله يهل
هلي وآخر مكاتيبي كتبته الكم على الكاع
ابنكم باعته الدنيا ولا باع
#عريان_سيد_خلف
خبطنا الماي الازرك
طالبين بدين واعرض دينه
وعلى واهسكم
لكينا الكصبة كعبة
نزور حزها ولو سفاهة بعينه
وعلى واهسكم
عرفنا الموت الاول
واستحى
وعينه انثنت من عينا
وجان ليل الخوف لفحة ريح شتوة
ولو شبجنا الكاع يعرك ليلنا
هاذبين
وجانت الظلمة جوالي
تناثرت ضحكة بحوافر خيلنا
وعلى ريحتكم
تلكتنا الشواطي بفرح نثية
وعانكتنا
وطحنا جلمة ثنينّا
جلمة بيها الماي ذبّل كل زراكه
جلمة بيها العين
غبّش كل فرحها وخضّرت باكات بخدود الرفاكة
وباكة باكة
الموت من يحصد الوادم باكة باكة
وباكة باكة
الصوت من يصحى على ظالم باكة باكة
هلي
وبتنا كلوبنا ولاية
وسوالفنا ظفيرة
وشوكنا لدهلة ومحبتنا وخبزنا ظنوننا
وخطارنا تراب الجزيرة
وديرة ديرة
الموت من يشرب الوادم ديرة ديرة
وديرة ديرة
الفيض من يمحي المعالم ديرة ديرة
وصبّحت ياهلي على جفوني الخواطر غاليات
وطيفكم عاود على عيوني حنينه
وجرّعت روحي لاجلكم حنضل الوحشة
ولكيت الروح بالصفنات امينة
وذاك من ذاك اللكة النجمة العزيزة بلا سما ودكّلها عينه
وذاك من ذاك
اليحط كلبه على جفه ويغسل بآخر نزف وجه المدينة
وبينا بينا
شما تعب لفّ المغازل بينا بينا
وبينا بينا
شما ثكل صوت الهلاهل بينا بينا
وجان جفّي يلاعب النسمة وذرى الكذلة عشب
وجان كلبي يريد يكبر
اكبر من اسمه
من ذاته
ويكره
ويشكى
ويحب
وجنت اسمّيكم الذمّة
وجنت اشيلنكم وصية بغير حز
ماتنكتب
عفية نهران شكثر خدران املها
ومايها الراجد عذب
ومرّت الوحشة على جفوفي خرز سبحة
وتعب روجة بلم
وسالفة وضحكة بدوية تموت باطراف الندم
ومرت الظلمة تغش الشوف الابيض
والطوارش شماهوت هام البخت توكف علم
هلي
وسيّرتوا عليه بوحشتي حجاية بريد وبيت نايل
مثل المصوّب الاهله مايدارونه
كلما يطيب الجرح عمداً يلجمونه
واشتهيتوني اكتبلكم عن وفا البردي
وحنين الناي
ودموع السنابل
وعن العيون التلم الليل دمعة
وتعتلك وكت الوفا شموع ومشاعل
وعن الكلوب التموت بلااسم وبلاية راية
وعن شمس طلكت باسمها وعسّرت باول قضية
وغربتي
وصوت النواعي يلوحني ويلتم باديّة
الصوت بي ريحة عيوني
وبي هلي ووحشة مسية
هلي يامن ضيّعوني
وكحة النفس ماتفعل تلين
منبت حزن ومخالف سنين
الليل لو سدّ الروازين
شمسين حمرة يخضّر الطين
هلي يامن ....وهي هي
العين من تكضي السوالف هي هي
الكاع من تجفي وتوالف هي هي
هلي
وليلة حضنتنا بتعبنا بخوفنا بيوت العشيرة
وجان اول بيت ضحكة
وجان ثالث بيت رجفة
وجان سابع بيت عين
وجان دخان المواكد جلمة مروّة وهلا ونغطة جنين
وصوّغتنا عيونهم طابك دنان ولبن شجوة
وجلمة مكطوعة نفس طول السنين
وعين عين
انشدّت بتالي الطوارف عين عين
وعين عين
بلهفة تنشد عالسوالف عين عين
وعين لفّتنا بحزنها وزوّكت وجه الجرح
وعين هزّتنا ونختنا يغزر ويانه الملح
وعين نشدتنا : من اجيتوا , ما عثر بيكم صبح ؟
هلي
وزتتنا الضماير والضفاير والخناجر والدفو الغطّا الجفوف
وجانت الهلهولة خرسة تضيع بالشفا وتطوف
الكاع من يكبر كلبها يشب عشبها
وتوصل حجاياتها لتالي الجروف
هلي
وشرّعني هواكم باب للخطوة الغريبة
وخايرتني عيونكم :ذل ؟ لو جتل؟
وانه والموت التحمنا بمايكم ساك وحجل
الروح شاخص والعمر بركة كمر والموت ظل
ويه من كلبي رصاصة
وويه كل لهبة اصرخ بدمي اشتعل
الدنيا من يشح ضواها الدم بكل حيله يهل
هلي وآخر مكاتيبي كتبته الكم على الكاع
ابنكم باعته الدنيا ولا باع
#عريان_سيد_خلف
❤1
(كل كطره دم بشرياني)الى الاديب (جابر الكاضمي)
يا هالعايش على رموشي حلم كل لحظة يتجسم
سحر شوقك يبو الأكبر يسايرني بخلايا الدم
جسد وأتمثله كوكب أصد لجروحك أتوهم
أشوفن كل جرح منك ثغر للدنيا يتبسم
عجيبة تنذبح ظامي يلن كل عين إلك زمزم
والأعجب تنزف جروحك وأنت لكل جرح بلسم
دنيانا المشغوفة بحبك بيك تغنت يا حسين
مو بس العابس جنيته كلها انجنت يا حسين
كلها تلهج غدت باسمك .. دمي مو أغلى دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
لون عابس وقف بالطف يصيح الشوق جنني
ملايين أصبحت مثله لونّك عنها تسألني
عشاقى وكل فرد منهم غدا بعابس يذكرني
وكل من أنشده يجاوب يقول حسين هيمني
وأنا بعالم لهيب الطف سيوف الهم يباريني
عجيبة يوذرن جسمك ولا مثلك يوذرني
شبهت جروحك بعيوني والدم يجري يا حسين
والحافر ما هشم صدرك هشم صدري يا حسين
وآنا ريت أنصرع يمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
حليف الهم كلف يقدر ودليله بصبره يتورع
على مصابك يبو اليمة وراعة قلبي ما تنفع
تريد أصبر بعد شصبر وأشوفك دامي بالمصرع
اشتظن جفن المحب يغفى وحبيبه على الثرى مقطع
يبو الأكبر لون يذبل نخبره بحالك ويسمع
يفتت كل صخر غيظه ويجود عليك بالمدمع
لو يسمع بمصابك يذبل جان تفطر يا حسين
واشلون آنا العاشق وأصبر بيش أتصبر يا حسين
وآنا همي بكثر همك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
الحديد تلين لداوود عجيبة عليك يتصلب
ويصير سيوف ويقطع جسد فوق الثرى مخضب
الشمس لو مر عليها الغيم بثياب الخجل تتحجب
اشعجب ما غابت وجسمك تشوفه بكربلا مترب
عجيبة الماي يظل يجري ولا عن خجل يتنضب
ويشوفك ظامي وبكتره دليلك بالعطش يلهب
بهذا الماي اشلون أتهنى وقلبك ظامي يا حسين
اشلون تنام الليلة عيوني وجسمك دامي يا حسين
بروحي وبدمي أخدمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
لون خيم علي ليلي بسواد العاشر أتذكر
صور عن ليلة العاشر أعيش وياها وأتحسر
أعانق لجمة جروحي بفضاوة قلبي وأتصبر
ولا صحوة سما بعيني تريضني يبو الأكبر
سوادة ليلي ترسم لي وداعك ويه هالخدر
وأشد على الحزن حيلي لون خيط أسفر
كل مصباح أتذكر يومك يوم العاشر يا حسين
بس موجات المدمع ترحم قلب الشاجر يا حسين
دمعي دم يجري ويكلمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
صرت كل ما أصد للنار أذكر جمرة خيامك
لون أسمع طفل يبجي أنوحن وأذكر أيتامك
إذا مني عضو تألم أهيم بسجة آلامك
إذا يومي يخالفني أون لمخالف أيامك
أنا وكل أهلي وأصحابي نذر لتراب أجدامك
يا غالي وأغلى من عمري رخيصة عيوني جدامك
روحي وجسمي وكل ما أملك باسمك صاحن يا حسين
كل ذرات العالم مثلي لجلك ناحن يا حسين
دمي لو تطلب أسلك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
يا هالعايش على رموشي حلم كل لحظة يتجسم
سحر شوقك يبو الأكبر يسايرني بخلايا الدم
جسد وأتمثله كوكب أصد لجروحك أتوهم
أشوفن كل جرح منك ثغر للدنيا يتبسم
عجيبة تنذبح ظامي يلن كل عين إلك زمزم
والأعجب تنزف جروحك وأنت لكل جرح بلسم
دنيانا المشغوفة بحبك بيك تغنت يا حسين
مو بس العابس جنيته كلها انجنت يا حسين
كلها تلهج غدت باسمك .. دمي مو أغلى دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
لون عابس وقف بالطف يصيح الشوق جنني
ملايين أصبحت مثله لونّك عنها تسألني
عشاقى وكل فرد منهم غدا بعابس يذكرني
وكل من أنشده يجاوب يقول حسين هيمني
وأنا بعالم لهيب الطف سيوف الهم يباريني
عجيبة يوذرن جسمك ولا مثلك يوذرني
شبهت جروحك بعيوني والدم يجري يا حسين
والحافر ما هشم صدرك هشم صدري يا حسين
وآنا ريت أنصرع يمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
حليف الهم كلف يقدر ودليله بصبره يتورع
على مصابك يبو اليمة وراعة قلبي ما تنفع
تريد أصبر بعد شصبر وأشوفك دامي بالمصرع
اشتظن جفن المحب يغفى وحبيبه على الثرى مقطع
يبو الأكبر لون يذبل نخبره بحالك ويسمع
يفتت كل صخر غيظه ويجود عليك بالمدمع
لو يسمع بمصابك يذبل جان تفطر يا حسين
واشلون آنا العاشق وأصبر بيش أتصبر يا حسين
وآنا همي بكثر همك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
الحديد تلين لداوود عجيبة عليك يتصلب
ويصير سيوف ويقطع جسد فوق الثرى مخضب
الشمس لو مر عليها الغيم بثياب الخجل تتحجب
اشعجب ما غابت وجسمك تشوفه بكربلا مترب
عجيبة الماي يظل يجري ولا عن خجل يتنضب
ويشوفك ظامي وبكتره دليلك بالعطش يلهب
بهذا الماي اشلون أتهنى وقلبك ظامي يا حسين
اشلون تنام الليلة عيوني وجسمك دامي يا حسين
بروحي وبدمي أخدمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
لون خيم علي ليلي بسواد العاشر أتذكر
صور عن ليلة العاشر أعيش وياها وأتحسر
أعانق لجمة جروحي بفضاوة قلبي وأتصبر
ولا صحوة سما بعيني تريضني يبو الأكبر
سوادة ليلي ترسم لي وداعك ويه هالخدر
وأشد على الحزن حيلي لون خيط أسفر
كل مصباح أتذكر يومك يوم العاشر يا حسين
بس موجات المدمع ترحم قلب الشاجر يا حسين
دمعي دم يجري ويكلمك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
صرت كل ما أصد للنار أذكر جمرة خيامك
لون أسمع طفل يبجي أنوحن وأذكر أيتامك
إذا مني عضو تألم أهيم بسجة آلامك
إذا يومي يخالفني أون لمخالف أيامك
أنا وكل أهلي وأصحابي نذر لتراب أجدامك
يا غالي وأغلى من عمري رخيصة عيوني جدامك
روحي وجسمي وكل ما أملك باسمك صاحن يا حسين
كل ذرات العالم مثلي لجلك ناحن يا حسين
دمي لو تطلب أسلك .. دمي مو أغلى من دمك
كل قطرة دم بشرياني تهتف باسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك .. دمي مو أغلى من دمك
❤3
لمني يا حلم الصبا بجفك رماد
لمني ياطيف الحنين لمني وتركلي العناد
لمني خل اتلملم بجفك خرز بلكي استريح
لمني يا اخر جرح لمني بضماد
واني كبلك ماعرفت لنوم رحله
وريل ياخذ بالك بسجه طويله عللمخاد
رحله بيها الطيف عينك بيها نص احلامي
عطرك بيها كل ما استحقه بهل بلاد
رحله بيها انته حلم بس مو حلم جنك حقيقه
رحله بيها الكلب تيه ماعرف يندل طريقه
رحله بيها الروح شبحه نوت من الجسد ترحل
مارضت ترجع صديقه
وتيهيتك ياحبيبي وحلمي خلص واني واعي
والرساله لبيها احبك مارضه يوصلها ساعي
اني من تعب اليالي العصر يجبل يمي ناعي
وهم يكلي عليك اسولف حتى يسمع
ناعي من احجيله عنك تعمه عيني وعينه يدمع
من كثر لطمي عليهن عيوني من جفوني تطلع
انته اقرب شي اليه ودمرتني بمشتهاك
دوريتك بيت بيت وسجه سجه اني ادورك
ولكلب دور عليك وما لكاك
انته اصعب لغز بيه
هواي احبك وابقا احبك بالرغم شابعني اذيه
بالرغم ما انته تجرحني وتروح وحبي بيك يزيد حده
والحنين العلرفوف انمله تراب وصار مده
مده بيها المايفكر باني دنيه
واني ماباني بخيالي غير شخصك
لو اشوفنك حبيبي ما اضن تلكه اليخلصك
جاي اخلص ليلي بيك وجاي اخلص نص نهاري
وانته وعيونك يخايب غافلت كلبي نتحاري
ياحبيبي شكد احبك وانته راكبلي العناد
خل اذكرك ياحبيبي لمني ياحلم الصبا بجفك رماد
#حيدر_موسى ..♥️
لمني ياطيف الحنين لمني وتركلي العناد
لمني خل اتلملم بجفك خرز بلكي استريح
لمني يا اخر جرح لمني بضماد
واني كبلك ماعرفت لنوم رحله
وريل ياخذ بالك بسجه طويله عللمخاد
رحله بيها الطيف عينك بيها نص احلامي
عطرك بيها كل ما استحقه بهل بلاد
رحله بيها انته حلم بس مو حلم جنك حقيقه
رحله بيها الكلب تيه ماعرف يندل طريقه
رحله بيها الروح شبحه نوت من الجسد ترحل
مارضت ترجع صديقه
وتيهيتك ياحبيبي وحلمي خلص واني واعي
والرساله لبيها احبك مارضه يوصلها ساعي
اني من تعب اليالي العصر يجبل يمي ناعي
وهم يكلي عليك اسولف حتى يسمع
ناعي من احجيله عنك تعمه عيني وعينه يدمع
من كثر لطمي عليهن عيوني من جفوني تطلع
انته اقرب شي اليه ودمرتني بمشتهاك
دوريتك بيت بيت وسجه سجه اني ادورك
ولكلب دور عليك وما لكاك
انته اصعب لغز بيه
هواي احبك وابقا احبك بالرغم شابعني اذيه
بالرغم ما انته تجرحني وتروح وحبي بيك يزيد حده
والحنين العلرفوف انمله تراب وصار مده
مده بيها المايفكر باني دنيه
واني ماباني بخيالي غير شخصك
لو اشوفنك حبيبي ما اضن تلكه اليخلصك
جاي اخلص ليلي بيك وجاي اخلص نص نهاري
وانته وعيونك يخايب غافلت كلبي نتحاري
ياحبيبي شكد احبك وانته راكبلي العناد
خل اذكرك ياحبيبي لمني ياحلم الصبا بجفك رماد
#حيدر_موسى ..♥️
❤1