فزاعيه بدايه محرم

جددنه عزه المظلوم
يازهراء جددنه

➖➖➖➖➖➖
يازهراء احظرينه
بسمج دوم نادينه
احنه وكل اهالينه
جاوبن اليساعدنه

➖➖➖➖➖➖
ماننسه يمولاتي
الهم كلها اهاتي
لعلي اليوم وناتي
حسين وكلشي ماعدنه

➖➖➖➖➖➖
ماعدنه محب غيره
كلها حزنت الديره
عالمادفنته اعشيره
جبنه اعلام علكنه
➖➖➖➖➖➖
لحسين العزه لدوم
ماننستك يالمضلوم
نلطم كل سنه وكل يوم
/ انعازيها زينب هاليله /
➖➖➖➖➖➖
نعازي زينب الحره
كلبها صاير شكبره
من الهم خلص صبره
/حيرانه زينب والحره /
➖➖➖➖➖➖

تمت بقلم خادمه اهل البيت
الشاعره
هيلين ام علي الدر الساعدي


https://telegram.me/Healea

فزاعيه للعباس ع


حيد حيد الكفال
محد كدرله


هجمو اعليه كفار
خله زلمهم طشار
الثار طلع الثار
شعل بالحومه النار


اعليه هجت الخيل
كلها صاحت الويل
وينه الرايد يعيل
الكاع كامت تميل


بيده شايل السيف
ياخذ منهم الحيف
يرهب بخزره ومخيف
ونوره ياشمس الصيف

كلها تنادي الكفال
اصار بالكوم الصار
داخل بيهم اعصار
دخل بالحومه انذار


لوغضب كالبركان
لوضرب عالنيشان
الكوم صارت نسوان
وهيج.ردنه الخوان


عباس ياملك الموت
كلها صاحتله بصوت
وسعوله رايد يفوت
عدوان حظرو التلبوت



➖➖➖➖➖➖

تمت بقلم خادمة اهل البيت
الشاعره
هيلين ام علي الدر الساعدي


https://telegram.me/Healea

فزاعيه لمولاتي العليله

عافو عليله بالنزل
محد اجه ومر بيها


محد اجه وشافاها
احسينها خلاها
بدار الهضم عافاها
لاواحد المر بيها


لاطارش المنكم يمر
معلوله خلصان العمر
ملت يبوها من الصبر
مرو انشدو اعليها


ضلت وحيده بلا اهل
كثرانه اعليها العلل
مكتوب منكم ماوصل
اسالو وكتبو شبيها


بالباب كاعد تنتظر
هذا المرض كلش خطر
الموت ليها يحتظر
منهو اليمد ايديها



يابويه ارجعلي صحت
انه وحيده اتعلعلت
اضعيفه يابويه صرت
تنتظر ياواليها


➖➖➖➖➖➖
تمت بقام خادمه اهل البيت
الشاعره
هيلين ام علي الدر الساعدي

https://telegram.me/Healea

فزاعيه السيده زينب ع


مالومه حيل ام الخدر
على فراك خوانها


مهمومه حيل محيره
ضلت وحيده امرمره
عفيه كلبها اصبره
ثكلت يويلي احزانها


محتاره حيل ام الخدر
خلصان من عدها الصبر
تبجي والمدمع يدر
اذوها ياعدوانها


حركو يويلي خيمتي
عباس شاهد حالتي
بعدك علت ياونتي
وزايدت نيرانها


بيتام ويلي اتكلفت
ضيم ومرار انه شفت
باليسر خويه تعلعلت
وتنادي اعله اخوانها


الصوط لاح امتونها
بالسلسله يجتفونها
عالهودج يصعدونها
وتنادي ياوليانها
➖➖➖➖➖➖
تمت بقلم خادمه اهل البيت
الشاعره
هيلين ام علي الدر الساعدي

https://telegram.me/Healea

هد متلثم العباس
بيهم تارس الحومه

➖➖➖➖➖➖
ملثم من دخل بيها
طب للحومه ينفيها
حلف اتراب اسويها
/ ايسويها تربان الطف /
➖➖➖➖➖➖
الحومه بروسهم فاضت
ملعب للكفل صارت
الغيره براسه هالثارت

/الخياله وشردت منه /

➖➖➖➖➖➖
هد ومحله هداته
تحير اعقول صولاته
يحامي لجل اخياته

/محتاره يالبيك الحومه/

➖➖➖➖➖➖
حته خيولهم هجت
من كثر الرعب رعشت
لعيون الكفل صدت

/لاضلت خيل وخياله/

➖➖➖➖➖➖
لاخيل ضلت لازلم
شردها عباس الشهم
طشار سواهم غنم
/امبجيها فرسان الطف/

➖➖➖➖➖➖
تمت بقلم خادمة اهل البيت
الشاعره
هيلين ام علي الدر الساعدي


https://telegram.me/Healea

قصيده للعليله عليها السلام

اريد اكتب لهنه اليوم مكتوب
واعتب عالمشو ما ودعوني
➖➖➖➖➖➖


اريد اكتب لهنا اليوم العتاب
اناطر جيتك يالغالي عالباب
عليله والمرض صوبني اصواب
اعتب عالمشو وماخذوني

➖➖➖➖➖➖
بقيت بدارهم اجذب الونه
عله احباب الكلب المشو عنه
ماكالو يبتنه اليوم شلنه
اضل بحسره كلبي ولوعوني

➖➖➖➖➖➖
اودي اكتاب ليهم بيد الطروش
اكلهم ها يهنه كلبي مخموش
والتمت عليكم كوم الوحوش
جم اصوب بيهم صوبوني

➖➖➖➖➖➖
عليله وناطره جيتك يالحسين
ولو مرسال منك ها يالحنين
خلص هالعمر بالحسره وونين
ومن كثر البجي راحت عيوني
➖➖➖➖➖➖

عمتي لا بقت يمي و رقيه
عفوني المرض يعيل بيه
وحيده انه بنزلهم هم خطيه
ماكو اخبار من اهلي الجفوني
➖➖➖➖➖➖

تمت بقلم خادمة اهل البيت
الشاعره
هيلين ام علي الدر الساعدي


https://telegram.me/Healea

شيلو بيرغه العباس
بالمجلس يشيعيه
➖➖➖➖➖➖
شيلو بيرغ الكافل
ميضلج حمل مايل
كافل بالحرب صايل
هذا ابن الهيابيه
➖➖➖➖➖➖

شيلو رايته الخظره
نطوف اليوم بالحظره
ابو فاضل حلو عطره
تربات الكباريه
➖➖➖➖➖➖

المجلس حله والميدان
يحجي بزوده ابن عدنان
سبع ومضحي للخوان
عينك سيدي اعليه
➖➖➖➖➖➖

حظرنه اليوم للمجلس
اجينه نلطم انهوس
ونذكر يوم المعرس
بالطمه يشيعيه

➖➖➖➖➖➖
هذا الحيد وبن الحيد
بسيفه من برز صنديد
يوم الحرب عنده العيد
سبع ابن السباعيه

➖➖➖➖➖
هنا يالجايه العباس
ابجاله دشيلي الراس
يالكله وفه وحساس
ينطي ليج العطيه
➖➖➖➖➖➖
تمت بقلم خادمه اهل البيت
الشاعرة
هيلين ام علي الدر الساعدي

https://telegram.me/Healea

لو عباس جاب الماي
ماخلاج عطشانه
➖➖➖➖➖➖

ماخلاج مهظومه
حسافه سالت دمومه
طول العمر مهظومه
وضلين حيرانه
➖➖➖➖➖➖

عله العباس وفعاله
من هجمت الخياله
بخيل انداست اطفاله
امصوبه وحزنانه
➖➖➖➖➖➖

حزينه ودمعتج بالعين
على العباس شتكولين
هذا امضحي الجفين
وين الطمت ويانه

➖➖➖➖➖➖
الطمي ويانه عالعباس
ودكي حيل فوك الراس
رايح مايرد ياناس
ياخويه يملفانه

➖➖➖➖➖➖
سكنه ضلت بحيره
تدير الوجه لديره
عمها فركته جبيره
راح وبعد ماجانه
➖➖➖➖➖➖
تمت بقلم خادمه اهل البيت
الشاعرة
هيلين ام علي الدر الساعدي

https://telegram.me/Healea

من كالو حسين المات كلبي تهدم حيله

ياليله الميشومه
اه يالحسين ويومه
تحرم علينه النومه
ماجتني ليه علومه
طول العمر مالومه
راحت الغالي ارسومه
لدوم اضل مهمومه



اليله نبطل النوم
يحرم علينه بهاليوم
نبجي الك يالمضلوم
يالمابقت بيك رسوم
بكلبك سهم المسموم
لوتنذره والله نسوم
وين اليجيبلنه اعلوم


شفته خالي الميمون
ماضلت اعلينه عيون
سر الله انته المكنون
زينب نعازيها شلون
ليله نورم المتون



طاح الولي فوك الكاع
عود الشمع لمن ماع
الكاع متروسه سباع
هذا الخبر عم وشاع
اليوم يوم الوداع
اليوم الشمل كله ضاع
وزادت بيه الوجاع

➖➖➖➖
تمت بقلم خادمه اهل البيت
هيلين ام علي الدر الساعدي

https://telegram.me/Healea

الشيخه تلوك لمثالك يعباس
ياهيبه ابو فاضل رافع الراس
➖➖➖➖➖

الشيخه تلوك الك بس انته ياحيد
يلاعب  بالحرايب ها يصنديد
ياوكت المعارك جن الك عيد
/ الشيخه تلوك الراعيها /
➖➖➖➖➖➖➖

الشيخه تلوك الك ياابن الهيابه
وين الكابلك يصيح يايابه
يمشرد العساكر الجنهم ذيابه
/ امبجيها ياصكر الديره /
➖➖➖➖➖➖
والعطوات يمك هاينوماس
يالصيتك علم ورافعه الناس
سبع فدوات الك يالشايل الراس
/ زينب ممنونه الوكفاته/
➖➖➖➖➖
زينب تفتخر جيف انته كافلها
سبع يازين والميله امعدلها
ورايات العده انته لمهدلها
/ رايات الزود مرفوعه /

➖➖➖➖➖
يابو الزود يالكلك هيابيه
حاربت العده ماشارب اميه
هذا زماط زينب تكعد افيه
/ محتاره زينب بوصافه/

➖➖➖➖➖➖➖
تمت بقلم خادمه اهل البيت
الشاعره
هيلين ام علي الدر الساعدي


https://telegram.me/Healea

معصومه تون مات واليها
عمت عين الزمان الجاسر اعليها


معصومه تون اليوم وحدها
تبجي اعله الولي وغيره ماعدها
كومن ياحبايب خل نساعدها
غدر بيها الوكت والدمعه تجريها


تجري ادموعها والعين عميانه
كالت ياحسافه الولي عافانه
ضلت ناحله وحيل حزنانه
عله هاي الفجيعه الطمه اعدليها



عدلن لطمت المسجون هاليله
مات من الضلم وتهدمت العيله
ضل مسموم ماواحد رضه يشيله
/ يشيعونه. جاوين احبابه/


يشيعون الجنازه اليوم احبابه
دمعتهم تهل اعليه طلابه
مثله ما جره ياوادم امصابه
/ يسمونه يسمونه هوه بطاموره/



ثلث تيام مولانه يخلونه
عله اهله وحبابه شابحه عيونه
وين اساده ولده خل يشيعونه
/ايشيلونه بعز وهيبه /


تمت بقلم خادمه اهل البيت
هيلين ام علي الدر الساعدي


https://telegram.me/Healea

قصيدة حول الامام علي ع وكأني بالسيدة زينب ع



مصيوب  السبع  وصوابه بالهامه
بدم راسه صبغ مصبوغه العمامه



مصيوب  السبع  والهامه مطبوره
كلي شكال خويه حسين دكتوره
مأجوره   ببوج    يكلها    ماجوره
بدء ويانه الوكت ياخويه بسهامه
مصيوب  السبع  وصوابه  بالهامه



خيمتنه   وسندنه   وفخر  دنيانه
عله ابونه انوب هذا لوكت وازانه
اليله   شحالنه    مطبور     ملفانه
عليه مكسور كلبي كسرت الجامه
مصيوب  السبع  وصوابه بالهامه



عليه مكسور كلبي  وحيلي هديته
ماينشد   يجرحه   وكوه   شديته
علي  بويه بونينك  كلبي  كسريته
عمرنه اخلاف ابونه ترخص ايامه
مصيوب  السبع  وصوابه  بالهامه



ينزف   ما تلايم من  عمت عيني
احاجيه ويون  مابيه   يحاجيني
جنه يكول  زينب بويه ضمديني
وجنه يشيل عيب يتمم اصيامه
مصيوب  السبع وصوابه  بالهامه



تغير  لون  ابوي   وعينه  غمضها
مسلهم  والوساده بدمه  فيضها
رض روحي بونينه ياخلك رضها
ياجد   الولد  هل  وكت   مادامه
مصيوب السبع  وصوابه بالهامه




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
https://t.me/shrahpk

فزاعيه للعباس ع


توه حله توه حله
الميدان بسم المرجله

وصال بيهم صوله
فدوه اله يروحوله
موت احمر يصيحوله
يرهب الكافل طوله
توه حله


حيدر علي بصولاته
بي غيره وشمحلاته
تجدح جدح نظراته
زلزال جن خطواته
توه حله

جاوين اليعادونه
ترهب تراها عيونه
بالسيف تحله متونه
حيدر علي يسمونه
توه حله

من توه صايل بيهم
كالب الدنيه عليهم
ساحلهم امبجيهم
وين الدرب دليهم
توه حله

طشار سواهم وذر
للخوه وفه هالنذر
مايسمع اعليهم عذر
العوج هوه العدله
توه حله

➖➖➖➖➖➖
تمت بقلم خادمه اهل البيت
هيلين ام علي الدر الساعدي

https://telegram.me/Healea

حيدريه طلب حاجه للاماع علي عليه السلام


عندي حاجه اكضيها ليه ياعلي
عندي حاجه ياولي ونعم الولي

ادري متخيب اضنون اليطلبك
انه حرمه وجايه ليك اطلبك
انته عند الله يوالي شمعضمك
هيه بس حاجه اكضيها ياعلي



انته حلال المشاكل والشدد
جيت شكايه وصيحلك مدد
اتوجهتلك سيدي وانت السند
حرمه يمك وانت تسمع ياعلي


حاجتي صعبت يمولاي العجل
انته يامولاي ياخير العمل
تحكم اميزان حكمك وبعدل
ناخيه بابك ونادي ياعلي


مالي غيرك من بعد ربك دعيت
تفرج همومي يمولاي ونخيت
تكضي الصعبات وباسمك بديت
اطلابه عندي حلها ليه ياعلي


تخلص الشداد بسمك ياشهم
كافل الايتام وتعلي الاسم
خادمك انه اجيتك ياعلم
تفرج هموم اليحبك لوصحتلك ياعلي

➖➖➖➖➖➖

تمت بقلم خادمة اهل البيت هيلين ام علي الدر الساعدي


https://telegram.me/Healea

فزاعيه للحسين عليه السلام

جسم حسين كله سهام
لا تكرب يذباحه

➖➖➖➖➖➖
وفوك الذبح هم خيول
زينب والعقل مذهول
والذباح ضل يجول
لا تكرب يذباحه


➖➖➖➖➖
جسمه مكطع تكله
ياكافر ولك مهله
بكلبي صارت العله
لاتكرب يذباحه

➖➖➖➖➖
يريد الراس ويشيله
اغطي عيوني بالشيله
اخويي منهدم حيله
لاتكرب يذباحه

➖➖➖➖➖
خذونه لليسر من طاح
جسمه عاري مامرتاح
احجار وشمس ويه ارماح
لاتكرب يذباحه

➖➖➖➖➖
مكطع عفته عالغبره
كلبي خلص من صبره
حزينه بصدري العبره
لا تكرب يذباحه
➖➖➖➖➖
امدد محد بحاله
حسين وحالته حاله
بكت تصارخ اعياله
لا تكرب يذباحه

➖➖➖➖➖
تمت بقلم خادمة اهل البيت هيلين ام علي الدر الساعديه


https://telegram.me/Healea

الخيل التمت اعله حسين
مابيها رحم يمه

➖➖➖➖➖
عشره الخيل داسنه
ماخلن اثر منه
وخرن لا تاذنه
اسمعه يجهر الونه
الخيل التمت اعله حسين

➖➖➖➖➖
اضلوعه الطشرن عالكاع
فص عيني ييمه ماع
زادت بيها هالاوجاع
وموت حسين يمه انشاع
الخيل التمت اعله حسين

➖➖➖➖➖
شفت الخنصر المكطوع
صوته بعد ما مسموع
كلب زينب صبح مشلوع
بس العين تجري دموع
الخيل التمت اعله حسين

➖➖➖➖➖
وينك ياعلي عنه
تجيله تسمع الونه
جسمه مابكه منه
ومن نحره اشمنه
الخيل التمت اعله حسين
➖➖➖➖➖
عله التربان خليته
عالناكه وتعديته
من بعيد صديته
عتابي اله وديته
حسين التمت اعله حسين

➖➖➖➖➖➖
تمت بقلم خادمة اهلا البيت
هيلين ام علي الدر الساعديه


https://telegram.me/Healea