Uning ifori dimog‘imdan bir necha kun ketmay yurdi. Nimani hidlasam uning nafasi bilan qo‘shilib ichimga kirardi. Xuddiki, dunyoda boshqa hid qolmagandek, go‘yo.

U shunday ifor ediki, ozginasiyam mast qilmasdan qolmasdi. Agar o‘sha kuni metro silkinib, u menga bir zum suyanib qolmaganida va men uni ushlab o‘nglab qo‘ymaganimda shunday ifordan, aql-hushingni yo‘qotib yuboradigan latofatdan mosuva bo‘lardim.

Taftining iliqligi tanimni isitib, qalbimni eritgan bo‘lsa, oppoq va nozik bilaklari es-hushimdan ayirgandi. Dunyo lazzatlarining chin ma'nodagisi shu bo‘lsa kerak, deb o‘ylagandim. Yo‘q, yo‘q, xayolingiz buzilmasin. Bu judayam toza hissiyotlar edi.

Shu paytda hushim oshganidan, voqeani tuzuk-quruq eslolmayapman. Qanday hid ediya?.. Tong saharda shudring bilan o‘pishgan qizil atrgulni hidlab ko‘rganmisiz? Sal sovuqroq bo‘ladi, ammo juda go‘zal va top-tozza. Vohki, endi shu go‘zallik va toza hidga ilmiq nafas, oppoq va nozik, ayni damda, qaynoq va titroq tanni qo‘shing, harorat o‘zgarishini his qilib ko‘ring.

Bir zumga ertaklar olamiga tushib qolgandim. U malika, men shahzoda. Xalq saroy to‘rida bizni olqishlashar, yosh-yalang havas bilan boqishardi. Ular bir vagon edi.

Davomi👈😁

@hazratikursdosh

Men uchun ijtimoiy tarmoqning sinonimi — bu yolg‘on. Hamma o‘zini va atrofidagilarni aldagan, yasama chehralar, zo‘rma-zo‘raki tabassumlar, orqasi noma'lum tasvirlar va hokazo yolg‘on hayot urchib ketgan. Undan ko‘ra kitobdagi yolg‘onlarni, to‘qima obrazlarni ma'qul ko‘raman. Chunki ularni badiiy to‘qima ekanini bilib turib o‘qiysan. Shu joyi yolg‘on emas.

Bu gapim bilan nima demoqchiman, yuqoridagi post ham badiiy to‘qima edi. Shunchaki, reaksiyangizni bilgim keldi. Qolaversa, balkon men uchun emas)

@hazratikursdosh

1-iyun — Xalqaro bolalarni himoya qilish kuni

Bolalar hayotimiz mazmuni. Ular og‘risa og‘rinamiz, quvonsa quvonamiz. Ularni asrab-avaylash, himoya qilish har birimizning eng katta vazifamiz hisoblanadi. Farzandlarimiz nigohida sevinch arimasin. Jonlari omon bo‘lgurlar, borlariga shukr!

@hazratikursdosh

Maza qildim.

@hazratikursdosh

Bugun bolalar kuni. O‘g‘lim bilan telefonda gaplashayotib, bir zumga xayol qochdi. Agar u Falastinda och, Ukrainada boshpanasiz qolayotgan tengdoshlarini, ularning qo‘rquvdan katta-katta bo‘lib ketgan ko‘zlarini, titroq tanalarini ko‘rganida yoki dunyoda nimalar sodir bo‘layotganini tushunganida "Dada, menga bu bayram kerakmas, uyda o‘tiraman" deb xonasiga qamalib olardi. Tatimaydi-da. Unda mening xarakterim bor. Aniq shunday bo‘lardi. Yaxshiyamki hali bunday narslarga aqli yetmaydi.

Zamonamiz doim tinch bo‘lsin, dunyo quvonchingizga to‘lsin, nigohingizda faqat sevinch porlab tursin. Biz sizlarni yaxshi ko‘ramiz, aziz bolajonlar!

@hazratikursdosh

Koʻrib turinglar, sal turib izoh yozaman, albatta. 🤦‍♂️

@hazratikursdosh

Bu qizning taqdiri nima bo‘ladi? Taxmin qilib ko‘ramiz.

1. Aniq intizomiy chora oladi.
2. Uzr so‘rab chiqishi tayin.
3. Kuni kelib samosud bo‘ladi. Hammasidan ham shunisi aniq.
4. Yana chiqib farqi yo‘q, degani bilan hozir ichi o‘tib yotibdi, o‘zidan o‘tganini o‘zi biladi.
5. Afsuski, bu hayotdan shundayligicha o‘tib ketadi. O‘zgarmaydi.

P.s: buni ertalab yozib qoʻygandim. Joylash esdan chiqibdi. Uji u qamagʻda ekan-ku)

@hazratikursdosh

Shu toza toshkentlik birodarlargayam rahmat, viloyatdan kevolib shevasini buzib-buzib gapirib tashlayapmiz, g‘ing demayapti.

To‘g‘risiyam, bunaqa narsalarda seniki-meniki ketmaydi. Bir ming bir yuz kilometr uzoqdagi Xorazm shevasiyam bizniki, tosh shahar Toshkent shevasiyam o‘z-o‘zimizniki. Qo‘lingdan kelsa andijoncha gapir, eplasang namangancha so‘zla, bari o‘zbekniki.

Uni buni qo‘ying, 2003 lar, hammasi joyidami? ✊😁

@hazratikursdosh

❗️Bakalavr, magistratura yoki doktoranturaga kirish maqsadida milliy yoxud xorijiy til sertifikatini tezkor olmoqchi boʻlgan jigarlarim, men bilan onlayn turk tili darslari kursida qatnashing.

Darslarni xalqaro toifadagi sertifikat sohibi Dilmurod Boymurod o‘g‘li o‘tyapti. Birinchi, ikkinchi, uchinchi darslar g‘irt tekin ekan. Uch darsdan keyin oylik toʻlov atigi 200 ming soʻmdan. Men bilan kursdosh bo‘layotganingiz uchun chegirma bu, desam.

Ayni paytda iyun oyi uchun yangi "Başarılı öğrenciler" (dushanba , chorshanba, juma) guruhi ochilyapti ekan. Darslar haftada 3 kun va kechki 21:30 da boshlanadi. Birinchi dars barcha uchun 7- iyun juma kuni 21:30 da boʻlib o‘tadi.

Bor yo‘g‘i 600 ming so‘m sarflab, 3 oyda turk tilini B2 va C1 darajada o‘rganish imkonini qo‘ldan boy bermaymiz. Hade, arkadaşım!

📌Batafsil maʼlumot va guruhga yozilish uchun:
Telefon: +998970336870
Telegram: @Dilmurod_Boymurod_ogli_6_02_2000

@hazratikursdosh

Muhammad Yusufning ushbu misralarini ayni yoshimda ko‘proq tushungan, yanayam his qilgan bo‘ldim.

Yomon kunlar bir kun
Yaxshi bo‘lar-u,
Yomon odam yaxshi
Bo‘lmas hech qachon…

Shunchaki, qoyil.

@hazratikursdosh

Kimni imzosi qanaqa?

Bugun 20 tadan ortiq ikki nusxadagi hujjatga imzo qo‘ydim. Agar kun kelib shunday imzolar chekishimni bilganimda pasport olishda oson va qisqa variantni tanlagan bo‘lardim. 🤦🏻‍♂️

O‘ziyam imzomisan imzo-da, odamlar uni to‘rtga bo‘lib qo‘yadi. Biroq, ming uringani bilan qalbakilashtira olishmaydi, o‘rnimga imzo qo‘yolmaydi. Bu tarafi yaxshi.

@hazratikursdosh

— Talabalaringiz orasida alohida belgilari bilan boshqalardan yaqqol ajralib turadiganlari bori?
— Bor. Haliyam "Ingichka zaryatka" so'raydiganlari bor. Bo‘ladimi?

@hazratikursdosh

Qabul boshlandi, sayt ishlamadi!

Ana, jigarlarim, bugundan safimiz kengayishi uchun talabgorlar saytga ma'lumot joylashga oshiqmoqda. Lekin sayt ishlamayapti.

Vaholanki, prezident farmoniga ko‘ra, bugun, 5-iyundan boshlab abituriyentlar my.uzbmb.uz sayti orqali onlayn ro'yxatdan o'tishlari mumkin, deya xabar berilgan edi.

Yana bir yangilik, saytga xususiy OTMlarning ma'lumotlari ham yuklanyapti, bunda maqsad nima ekanini hozircha bilmaymiz.

Ammo katta ehtimol kelgusida xususiy OTMlarga kirish ham DTM (BMB) orqali amalga oshirilishi mumkin.

@hazratikursdosh

Yangi turmush qurgan kelin-kuyovlarga havas bilan qaray boshladingmi, demak bo‘ydoqlik joningga tekkan. Chindan ham havas qilgulik-da, bay-bay-bay. Eng zo‘r davr, voh-e, voh-voh-e!

@hazratikursdosh

Bugun, 06.06.2024 sanasi bilan ID-karta oldim. Bu safar avvalgi pasportimdan ko‘ra chiroyliroq rasmga tushdim. Imzo esa yanada mukammallashdi. Ancha ulg‘ayibman)

Davlat xizmatlari markazlari juda yaxshi faoliyat olib boryapti. Navbat kutishni emas, jarayon boshlanishini hisobga olsak, ko‘pam vaqtimni olgani yo‘q. Baraka topishsin.

@hazratikursdosh

Birinchi xonim sindirdi. U ID-kartasini 11.11.2022 sanasi bilan olgan ekan. Telegramda yozganimni ko‘rib, shaxsiyga tashlabdi basharamga shapataq etib otib yuborgandek. Nimayam deyman, qo‘limizni 🙆🏻‍♂️

@hazratikursdosh

Hamma tanish singilchalarni turmushga chiqarib, unashtirib boʻldim. Bitta tabi nozik ukam qolgan, hech unamayapti-da.

Uka, buyogʻiga odamlar shubhalanishni boshlaydi. Aytib qoʻyay, akalik burchim. Keyin mendan o‘pkalab yurmagin. Yana bir gap, keyin yoshrogʻini umid qilma. Vijdoning boʻlsa, albatta. Zero ular ham yoshrogʻiga munosibdir.

@hazratikursdosh

Shartta davlat ishini yig‘ishtirib, videokontent va loyihalar bilan ishlashni boshlavorsammi, deb qolaman ba'zida. Boshlanishiga biroz moddiy ko‘mak zaruratini aytmasa, bu borada tajriba va bilim yetarli. Imkoniyatlar 99 foizni tashkil qiladi. Internet bilan muomala, veb-sayt va ijtimoiy tarmoqlarning har qanday turidan mukammal foydalana olamiz. Har birining tilini yaxshi tushunamiz, boshqacha aytganda. Jamoa to‘plash, idea qilish esa muammo bo‘lmaydi, Xudo xohlasa. Qolganini bang‘illatvorardu.

Ishimni yaxshi ko‘raman-da, bo‘lmasa...

@hazratikursdosh