يا رحيم وكما تُورِق النبتة بالري ، تُورقني رأفتك الخفيّة تقنيني كل دمعة سقطت لأجلك ، بل لا أعرفني إلا من خلالك ، أستمنحك المسرَّات يا وهابها ،أستمنحك الطمأنينة يا مرساها أصلي أنّ تُديني منكَ حد أنجبار الجراح ،وحد نيل المراح ،يُعزّيني أن ملقاي إليكَ ، فمَا أكبر سروري .

سُبحانكَ إنّي توّاقْ ، لكنّي لا أملكُ من أمري شيئًا ،لا يعنيني هذا الدورانُ المجنونُ على مرأى الدنيا لا أعبأ بالركضِ كما المهووسِ بأسبابي وبأغلالي وبأسئلتي ، سبحانكَ أنتَ الرزّاق .

يارب ..

وَحَمْدِي لَكَ فِي كُلِّ حَالاتِي حَتَّى لَا أَفْرَحَ بِمَا آتَيْتَنِي مِنَ الدُّنْيَا، وَلَا أَحْزَنَ عَلَى مَا مَنَعْتَنِي فِيهَا.

شكرًا يارب على الدعوات العابرة اللي تستجيبها النا رغم بساطتهن ومتستكثر علينا اجابتك شكرًا لأنكَ قبلت دعواتنا الصغيرة اللي ندعيها واحنا نركض، يارب الدكتور بعده مجاي ، يارب اخذ درجة عالية بهذا الامتحان ، يارب يتأجل الامتحان ، يارب يفوز الفريق اللي نشجعه ، يارب الگه لون القميص اللي اريده، يارب الحگ على ابو الخط واطلع للبيت بسرعة ، وكل دعواتنا الصغيرة اللي يمكن مالها قيمة شكرًا لأنكَ سمعتها واحتويتنا رغم غربة هذا العالم 🩶.

يارب ..

اليوم ولادة السيدة معصومة عليها السلام عند الايرانين يسموونه عيد البنت ويوزعون كيك وحلويات للبنات ويگلولهم هنيالچ بالايراني يعني هنيالچ لان انخلقتي بنية 🥹♥️

بعد ماگعدت وي نفسي هواي ولگيت انُ لكُلشي اكو مُبرر ، حتى البچي بدون سبب حتى المبالغة بالحزن بالنهاية كل واحد بينا يعبر بطريقته يكتب ، يبچي ، يعبر ، بس كلنا متساوين بشيء واحد كُلنا مانتخطى ، مرات اكتب بنص الحچي كلمة ومحد ينتبهلها ويحسبلها حساب واضوج لان اعتبروها عادية مو مثل ما اني اشوفها او احس بحزنها ، نفس الشيء هالتعب والحزن مو عادي ، مو بدون سبب ، مو فراغ .
٢٠٢٤/٥/١٢

ادعولي هواي🩶.

{‏وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ}

بكرمكَ لا بجُهدي يارب .

كل عام وأنا أضحك✨♥️

ماهتم للاشياء على انُ هي غالية او مميزة ، بگد مااهتم أن تكون حقيقة واحس بيها والمسها بدون خوف وقلق بدون ماحس راح تتلاشى من ايدي .

أسوأ مراحل التعب لمن السكوت يكون هو ردة فعلك تجاهها .

يارب جهدي قليل وكرمُك واسع 🩶.

صباح الخير
قاوم چا شسوي بعد .

صوت ميثم التمار من سنوات واني أسمعه ببيتنا كل يومية العصر والصبح بسبب أمي لأن تحبه تسمع القرآن بصوته والدعاء بصوته وكُلشي

قبل فترة طويلة داسمع قرآن واستمريت انزل سور مكررة للأستماع هسه كاعدة اسمع واجتني لحظة ادراك انُ كلهن بصوت ميثم التمار وبنفس الطور اللي تسمعه امي وصرت مثلها اسمع الصبح والعصر وحتى مشغلته من أنام

وهالشيء بدون ما أحس على نفسي مسويته شگد تأثير الأم عظيم وشگد الفعل يغير اكثر من الكلام شگد الحچي دوره شبه معدوم وشگد الفعل اله الدور الاكبر
(لِمِثۡلِ هَٰذَا فَلۡيَعۡمَلِ ٱلۡعَٰمِلُونَ ).

أنت ما مطلوب منك تنجح بگد ما مطلوب منك أنُ تسعى وتجتهد وتدرس وتقدم كُلشي تگدر عليه الله سبحانه وتعالى گال (وَقُلِ ٱعۡمَلُواْ ) ماگال نجحوا لان النجاح مو بيدكُم بيده هَو أنت بيدك السعي والله راح يقدر هالسعي وينطيك نتيجة على أساسه
( وَأَنَّ سَعۡيَهُۥ سَوۡفَ يُرَىٰ )
لذلك النتيجة مو هي المهمة لتفكر بـ 99 والامتياز والاوائل فكر انُ سعيك واجتهادك راضي عنه؟ مقدم كُلشي تگدر عليه؟ اذا چان جوابك أي خلص اتوكل (وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا )🩶.