مامش صبر يحسين جيتك
اسحل بروحي بنص ثنيتك
مامش مچان بروحي مرتاح
من التعب مردت الاصفاح
خليني يمك كون راضي
انه وتعب گلبي وغراضي
رايد زوية بنص ضريحك
احچي البگلبي وبس اصيحك
تگلي اخذها وروح فرحان
ريشة ترد من كون غرگان
لو بس اندبنك ياعطشان
مااغفى وانه بروحي طلبة
وماردن من الباب خايب
چا انت ماترد الحبايب
مديتلك چفين وعيون
وادري بطلبتي عليك متهون
خليني انامن وانه انه
موش الدمع يأخذه مچانه
صير انت يا عزنه ودوانه.

_ضُحـى العَطـية

لأبد ان تكون الأخوة عباس
وان تكون الاخوات زينب
والا فلا وجود لرابط الإخوة .

رَحِم الله عَمّنا العَباس كانَ نافِذَ البَصيرةَ .

بائع الخضار في حَينا رجلٌ فقير
يُبيع مجانًا بأسم العباس
تُرى مَنْ يقنع أولاده أنهُ لم يكُن مجنونًا!
_ ضُحـى العَطيـة

طولك صفاته نهر
وچفك صفاته دهر
وانت على بالك ترد
تاليها كلشي مشه
ومارجع بس القهر!
يا ماي يا مشرعة
انتَ رسالة سفر
بهاي القضية ردت
توصل اطراف النهر
ماضكت مايه عمد
ندري بقرار الگمر
وماردت ترجع بعد
فارس بطفه استقر.

_ضُحـى العَطـية

بالله يا نهر .. ماشفت أثر !؟

من گد مازفتك حلوة ياجسام
ولدنا على السواتر دمه ينزفون
ومن گد ماحلو وعرست بالموت
اذا شافوا عرك ع الدم يركضون
چم جاسم بطفنا انطينا لحسين
وچم جاسم وجاسم بعد يرحون
_ضُحـى العَطـية

عِريس وزفوا للحومَه
من رَد متغيرات إرسومَه
وأمه تدور عَن إعلومَه
جابوا، بَس شجابوا إلها؟
بالدَم محَنّايه هدومَه
عِريس وزفوا للحومَه.

عَذراء كاظُم.

قصة أولاد الحسن ..

قصة علي الأكبر ..

"لتنسون صاحب الزمان من دعواتكم هو وحده من يستحق الدعاء والمواساة "

طر الصبح وانكطع صوت العصفور
وصوت الحرب طش بالخيام حچاية
العدها تراچي العنده محبس مضموم
خل يحسبلهن ساعة وتصير اية
ويصير دمهن مَثل بين العربان
والچانت مخدرة تصير سباية
_ضُحـى العَطـية

خلصت هاي هي وياك يحسين..

عاجل|


الامام الحسين وحيداً في كربلاء…!

#مراسل_15_شعبان.

أترى تجيء فجيعةٌ
بأمضَّ من تلكَ الفجيعة؟
حيثُ الحسينُ على الثرى
خيلُ العِدى طحنت ضُلوعه..