لا أشكو ولكن أرجو، أرجو رحمتك التي وسعت كل شيء أن تسعني.

_

گلبي بخاطره شايل
وانه وروحي بطلنا نسولف بيك
بس المشكلة نحايل!
وحگ عينك ترف گلبي
وصفه من الحمل مايل
لو تدري شكثر شايل!
_ضُحـى العَطـية

بعد كل هالتعب والطريق الطويل اكتشفت انُ التعب يخليك تتنازل عن زعلك ، وشغفك ، وأحلامك ، وحُبك ، وكلشي ثمين بحياتك يخليك تتنازل عنه في سبيل تحصل مكان هادئ ويحتويك حتلو يبقى التعب المهم ماعاد اكو قابلية لكلشي كل همك تجي نهاية اليوم وتنام .

افرح افرح ولو ماضل
شيء يفرحك
ولو أنه ادري الفرح
مثل الحزن وأكثر يجرحك
اضحك بوجهي حبيبي
ولو ناسين الضحك
مو على البال شلون نضحك؟
_ عبد الكريم القصاب

ياوليدي ياحبيبي
ابچي بس عاين بعيد
ابچي بس لا تنطي نفسك للعبيد

خلي عينك ياوليدي
بعين باچر
احلى من كل عيد باچر✨♥️

احبك واليحب يخاف ..
ذاك الخوف المكتر على بيبان كل عاشگ
خوف من التعب لو عله عيونك طاف
خوف من الليالي الباردة تأذيك
لو صاير حزنها لحاف!
خوفي تخاف!
خوفي أنتَ ، من يلفن عليك الصعب تحملهن
ويبينن عليك خفاف ..
احبك واليحب يجفل لون ما باليحب انشاف!
_ضُحـى العَطـية

اَللَّهُمَّ إِنِّي أَسْاَلُكَ إِيمَاناً تُبَاشِرُ بِهِ قَلْبِي ، وَيَقِيناً حَتَّى أَعْلَمَ أَنَّهُ لَن يُّصِيبَنِي إِلَّا مَا كَتَبْتَ لِي ، وَرَضِّنِي مِنَ الْعَيْشِ بِمَا قَسَمْتَ لِي يَا أَرْحَمَ الرَّاحِمِينَ .

اَلحَمدُ للهِ وَالحَمدُ حَقُّهُ كَما يَستِحِقُّهُ حَمدًا كَثِيرًا

يا رحيم وكما تُورِق النبتة بالري ، تُورقني رأفتك الخفيّة تقنيني كل دمعة سقطت لأجلك ، بل لا أعرفني إلا من خلالك ، أستمنحك المسرَّات يا وهابها ،أستمنحك الطمأنينة يا مرساها أصلي أنّ تُديني منكَ حد أنجبار الجراح ،وحد نيل المراح ،يُعزّيني أن ملقاي إليكَ ، فمَا أكبر سروري .

سُبحانكَ إنّي توّاقْ ، لكنّي لا أملكُ من أمري شيئًا ،لا يعنيني هذا الدورانُ المجنونُ على مرأى الدنيا لا أعبأ بالركضِ كما المهووسِ بأسبابي وبأغلالي وبأسئلتي ، سبحانكَ أنتَ الرزّاق .

يارب ..

وَحَمْدِي لَكَ فِي كُلِّ حَالاتِي حَتَّى لَا أَفْرَحَ بِمَا آتَيْتَنِي مِنَ الدُّنْيَا، وَلَا أَحْزَنَ عَلَى مَا مَنَعْتَنِي فِيهَا.

شكرًا يارب على الدعوات العابرة اللي تستجيبها النا رغم بساطتهن ومتستكثر علينا اجابتك شكرًا لأنكَ قبلت دعواتنا الصغيرة اللي ندعيها واحنا نركض، يارب الدكتور بعده مجاي ، يارب اخذ درجة عالية بهذا الامتحان ، يارب يتأجل الامتحان ، يارب يفوز الفريق اللي نشجعه ، يارب الگه لون القميص اللي اريده، يارب الحگ على ابو الخط واطلع للبيت بسرعة ، وكل دعواتنا الصغيرة اللي يمكن مالها قيمة شكرًا لأنكَ سمعتها واحتويتنا رغم غربة هذا العالم 🩶.

يارب ..

اليوم ولادة السيدة معصومة عليها السلام عند الايرانين يسموونه عيد البنت ويوزعون كيك وحلويات للبنات ويگلولهم هنيالچ بالايراني يعني هنيالچ لان انخلقتي بنية 🥹♥️

بعد ماگعدت وي نفسي هواي ولگيت انُ لكُلشي اكو مُبرر ، حتى البچي بدون سبب حتى المبالغة بالحزن بالنهاية كل واحد بينا يعبر بطريقته يكتب ، يبچي ، يعبر ، بس كلنا متساوين بشيء واحد كُلنا مانتخطى ، مرات اكتب بنص الحچي كلمة ومحد ينتبهلها ويحسبلها حساب واضوج لان اعتبروها عادية مو مثل ما اني اشوفها او احس بحزنها ، نفس الشيء هالتعب والحزن مو عادي ، مو بدون سبب ، مو فراغ .
٢٠٢٤/٥/١٢

ادعولي هواي🩶.