صباح الخير
قاوم چا شسوي بعد .

صوت ميثم التمار من سنوات واني أسمعه ببيتنا كل يومية العصر والصبح بسبب أمي لأن تحبه تسمع القرآن بصوته والدعاء بصوته وكُلشي

قبل فترة طويلة داسمع قرآن واستمريت انزل سور مكررة للأستماع هسه كاعدة اسمع واجتني لحظة ادراك انُ كلهن بصوت ميثم التمار وبنفس الطور اللي تسمعه امي وصرت مثلها اسمع الصبح والعصر وحتى مشغلته من أنام

وهالشيء بدون ما أحس على نفسي مسويته شگد تأثير الأم عظيم وشگد الفعل يغير اكثر من الكلام شگد الحچي دوره شبه معدوم وشگد الفعل اله الدور الاكبر
(لِمِثۡلِ هَٰذَا فَلۡيَعۡمَلِ ٱلۡعَٰمِلُونَ ).

أنت ما مطلوب منك تنجح بگد ما مطلوب منك أنُ تسعى وتجتهد وتدرس وتقدم كُلشي تگدر عليه الله سبحانه وتعالى گال (وَقُلِ ٱعۡمَلُواْ ) ماگال نجحوا لان النجاح مو بيدكُم بيده هَو أنت بيدك السعي والله راح يقدر هالسعي وينطيك نتيجة على أساسه
( وَأَنَّ سَعۡيَهُۥ سَوۡفَ يُرَىٰ )
لذلك النتيجة مو هي المهمة لتفكر بـ 99 والامتياز والاوائل فكر انُ سعيك واجتهادك راضي عنه؟ مقدم كُلشي تگدر عليه؟ اذا چان جوابك أي خلص اتوكل (وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا )🩶.

اني اختاريت خُطتك ياالله لأنها دائمًا أحلى واعظم من خطتي فلا تخيبني🩶!

صباح الخير
ميخالف تهون .

ثُمَّ إنكِ يا فاطِمة تُعلمينَ الناسَ دُعاءُ
النور ، فامسحي علىٰ رأسي فإنني
مَكروب .

انتهت معركة الإحصاء للأبد ، الحمدلله الله خلاني عايشة وعشت هذا الشعور العظيم وشفت الانتصار ✨

كل شيء
ما دمت معي
هيّن و محفوفًا بالطمأنينة .

جزء كبير من سعادة الإنسان أو تعاسته قادم من علاقته بعائلته، كل شيء آخر يؤثر بالفعل، وهو مهم وضروري،لكنه في الميزان العام يتراجع أمام تأثير العائلة.

أن أجيء إليكَ
وأن أعود منك
يا للعمر الضائعِ
لولا هاتين اللحظتين .

بهاي اللحظة مااجه ببالي غير صوت الحسين يوم عاشوراء :
أن كان هذا يُرضيك فخذ حتى ترضى
وبس ..

المُشتكى لله .

شگد گلنا "عادي" و "مو مهم"
بس هي مو عادي وهواي مهمة بالنسبة لگلوبنا .

حَبِّبْ إِلَيْنَا مَا نَكْرَهُ مِنْ قَضَائِكَ
وَ سَهِّلْ عَلَيْنَا مَا نَسْتَصْعِبُ مِنْ حُكْمِكَ .

كل هذا وبعدنا نحاول نصير
وبعدنا ندور أرقام لصفرنا🫂🩶

صباح الخير،
أما بعد إذا لم تنجح الخطة أ
فالأبجدية تملك 28 حرفًا آخر، ابقَ هادئًا فقط

كُلشي چذاب بحلمنه
الصبر چذاب احنه متنه
الدنيا مو وردية سودة
والحزن بان بضحكنه
والسوالف مو صدگ چلمات موت
نگولهن عن لا تمل العين منه
وينكسر خيط الفرح وايدك تهدنه
كُلشي چذبة الگاع والديرة وسعفها
وكحلة الحلوات ذيچ الماتت الدنيا بسلفها
والعشگ ذاك العليه دفنه الظفاير حنة حمرة
وتالي گالوا عنه غالي وباعوا الدنيا عله سعره!
كُلشي چذبة وداعتك حتى أنتَ چذبة
وماتت الضحكة بحزنه
وصلت الدنيا علينه بغير عَتبة
كلشي چان من البداية أسود نشوفه
بس رضينه لخاطر نكمل اللعبة
اللعبة؟
حتى هاي اللعبة چذبة ..

_ضُحـى العَطـية

منا السعي ومنكَ السعة ياالله .

يعيشُ الأنسانُ ببركَة دُعاء أُمه
فأذكَرينا فِي دعائكِ أُماه يَا زهِراء .