‼️ Մեկ շաբաթվա ընթացքում ավելի քան 300 քաղաքացի բերման է ենթարկվել:

[ իրավապաշտպան Ռուբեն Մելիքյան ]

Հայկական ալիք | @hayaliq

‼️ Վերջին անգամ եմ ասում ձեզ, դուք հանցագործություն եք անում, ու՞մ հրամանն եք կատարում, չգիտեմ։

[ Սրբազանը՝ ոստիկաններին]

Հայկական ալիք | @hayaliq

‼️ Դուք դարձել եք հակասահմանադրական և հակապետական այս ամբողջ գործընթացի քավության նոխազը, Ձեր գլխին ա ջարդվելու էս ամբողջը։

[ Բագրատ Սրբազանը՝ փոխվարչապետ Մհեր Գրիգորյանին ]

Հայկական ալիք | @hayaliq

❗️ Այսօր վաղ առավոտից Կիրանց են ժամանել Տավուշի մարզպետ Հայկ Ղալումյանը, ՏԿԵ նախարար Գնել Սանոսյանը՝ ծանոթանալու չափագրման աշխատանքներին։

Այն տեղեկությունները, որ սահմանը կարող է անցնել նոր կառուցվող դպրոցի մերձակայքով, ցավոք, հաստատվեցին։

Ներկայիս իշխանությունները հապճեպորեն փորձում են ավարտին հասցնել միակողմանի զիջումները։ Այսօր արդեն գյուղ են ժամանել սահմանապահ զորքերը։

❗️Կիրանցեցին շարունակում է դեմ արտահայտվել ապօրինի սահմանազատմանը, գյուղի միջով սահման գծելուն։

Ըստ էության, իշխանությունների ձեռամբ կազմաքանդվում է Տավուշի առաջնագիծը։

Առանց որևէ նախապայմանի եւ անվտանգության երաշխիքի թշնամուն է ընծայվում առաջին պաշտպանական բնագիծը։

Այս ամենը փաստում է մի բանի մասին․ Կիրանցից մայրաքաղաք տեղափոխված Սրբազան պայքարի հաղթանակն այլընտրանք չունի։

[ ԱԺ պատգամավոր Գառնիկ Դանիելյան ]

Հայկական ալիք | @hayaliq

✊🏻🇦🇲 Այսօր, նախատեսվածի պես, տեղի ունեցան Բագրատ Սրբազանի հանդիպումները քաղաքական կուսակցությունների և խմբերի ներկայացուցիչների, արվեստի և մշակույթի գործիչների, պահեստազորի սպաների հետ:

📌 Քաղաքական ուժերի հետ հանդիպման ընթացքում Բագրատ Սրբազանը հատուկ կարևորություն տվեց տարբեր կուսակցությունների՝ մեկ սեղանի շուրջ նստելու իրողությանը։ Սրբազանը կոչ է արել մի կողմ դնել բոլոր տարաձայնությունները և համատեղ ուժերով հասնել երկրի կազմաքանդման գլխավոր պատճառի հեռացմանը։ Հանդիպման երկրորդ մասն անցկացվեց դռնփակ:

📌 Դրանից հետո Բագրատ Սրբազանը հանդիպում ունեցավ ավելի քան 300 մշակութային գործչի հետ, իսկ ապա դռնփակ պայմաններում հանդիպեց հարյուրավոր զինվորականների՝ սպաների և ռազմական գործիչների հետ։

📌 Նշենք, որ այսօր 19:00-ին Սբ. Աննա եկեղեցում հերթական անգամ տեղի կունենա օրվա ամփոփումն ու հետագա քայլերի սահմանումը:

📌 Վաղը՝ մայիսի 19-ին, ժամը 20:00-ին, «Անի Գրանդ» հյուրանոցում տեղի կունենա Բագրատ Սրբազանի հանդիպումն իրավաբանական համայնքի ներկայացուցիչների հետ։

📌 Իսկ ահա հաջորդ կիրակի՝ մայիսի 26-ին, կլինի կարևոր և մեծ հանրահավաքը, որի հաջորդ օրվանից՝ մայիսի 27-ից կմեկնարկեն կոնկրետ նախաձեռնությունները։

Հայկական ալիք | @hayaliq

🇦🇲🇮🇷Ամենայն Հայոց Կաթողիկոսը
ցավակցագիր է հղել Իրանի հոգևոր առաջնորդին:

Մայիսի 20-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցական նամակ է հղել Իրանի Իսլամական հեղափոխության առաջնորդ Այաթոլլա Սեյեդ Ալի Հոսեյնի Խամենեիին՝ ուղղաթիռի վթարի հետևանքով Իրանի Իսլամական Հանրապետության նախագահ Սեյիդ Իբրահիմ Ռաիսիի, ԱԳ նախարար Հոսեյն Ամիր Աբդոլլահյանի և ուղեկցող պաշտոնատար անձանց ողբերգական մահվան կապակցությամբ։

Նորին Սրբությունը հանուն Գերագույն հոգևոր խորհրդի և Մայր Աթոռ Սուրբ Էջմիածնի միաբանության վշտակցություն է հայտնել զոհերի սգակիր ընտանիքներին և Իրանի ժողովրդին` հայցելով, որ Բարձրյալը զորավիգ լինի Իրանի Իսլամական Հանրապետությանը հաղթահարելու դժվարին փորձությունը։

Հայկական ալիք | @hayaliq

⚡️ Իրավիճակը Կիրանցում.

📌 Երեկ հայտարարվել էր, որ Բագրատ Սրբազանն այսօր ժամը 09:00-ից շարժվելու է դեպի Կիրանց: Սրբազանը և իր հետ Կիրանց մեկնած քաղաքացիները, գյուղ հասնելուն պես, բախվել են հարյուրավոր ոստիկանների դիմադրությանը. ոստիկանները թույլ չեն տվել նրանց մտնել բնակավայր՝ նշելով, որ մուտքը միայն տվյալ գյուղի բնակիչների համար է։

📌 Այնուամենայնիվ, Սրբազանի հաջողվել է մտնել գյուղ, այցելել Կիրանցի եկեղեցի, շփվել գյուղացիների հետ. Սրբազանի ծննդյան առթիվ նրան մատաղ են հյուրասիրել:

🗣️ «Անկումային, շատ վատ, վիճակում էին մարդիկ, ընկճված, արտասուքների և ողբերգության մեջ: Ասացին` մենք Ձեր թիկունքին կանգնած ենք, գնացեք մինչև վերջ, չթողնեք որ էս իրավիճակը տարածվի ամբողջ Հայաստանով մեկ», - հայտնել է Բագրատ Սրբազանը կիրանցեցիների հետ հանդիպումից հետո:

❤️‍🩹 Նա նաև ասաց, որ հանդիպել է Լենա տատիկին, նրա ծննդյան նվերը փոխանցել։

‼️ Նշենք նաև, որ նախնական տվյալներով` գյուղ մուտք գործել փորձող առնվազն 11 մարդ է բերման ենթարկվել Կիրանցի ճանապարհին ոստիկանների գործողությունների հետևանքով: Վերջիններիս այցելության են գնացել ՀՀ ԱԺ «Հայաստան» խմբակցության պատգամավորները:

Հայկական ալիք | @hayaliq

‼️ ՀԱՅՏԱՐԱՐՈՒԹՅՈՒՆ ‼️

Հայաստանի բուհերի արհեստակցական կազմակերպությունների հանրապետական ճյուղային միությունը (Հայաստանի բուհերի արհմիություն) իր խորը մտահոգությունն է հայտնում վերջին շաբաթներին Երևանի պետական համալսարանում տեղի ունեցող աննախադեպ իրադարձությունների վերաբերյալ։

Երևանի պետական համալսարանի ռեկտոր Հովհաննես Հովհաննիսյանը, վերազանցելով իր լիազորությունները խախտելով ՀՀ սահմանադրությամբ երաշխավորված աշխատողների ազատ միավորման իրավունքը, ՀՀ աշխատանքային օրենսգրքով և «Արհեստակցական միությունների մասին» ՀՀ օրենքով Արհեստակցական կազմակերպությունների ազատության և անկախության սկզբունքները, ինչպես նաև խաթարելով տասնամյակներ Երևանի պետական համալսարանում գոյություն ունեցող սոցիալական գործընկերության շարունակականությունը, հանձն է առել մի անշնորհակալ գործ, որը ՀՀ քրեական օրենսգրքում ունի հստակ ձևակերպում, որակում և պատասխանատվության ժամկետներ։

Վերջին մեկ շաբաթվա ընթացքում Երևանի պետական համալսարանի ռեկտորը կամ իր հանձնարարությամբ ռեկտորատի այլ պաշտոնյաներ հորդորում և ստիպում են Երևանի պետական համալսարանի աշխատողներին դուրս գալ արհմիության անդամությունից՝ տրամադրելով նրանց արհմիության անդամությունից հրաժարվելու դիմումի ձև, որից հետո ստիպողաբար ստորագրված դիմումները վերցնում են աշխատողների ձեռքից և հավաքում իրենց մոտ։

Այս արարքը կոպտորեն խախտում է Արհեստակցական կազմակերպությունների ազատության և անկախության մասին ներպետական օրենսդրությունը և ՀՀ կողմից վավերացրած միջազգային (Աշխատանքի միջազգային կազմակերպություն) կոնվենցիաներն ու պայմանագրերը։
Ամեն ինչ շատ պարզ է՝ Երևանի պետական համալսարանի ռեկտորը, տեսնելով հանրապետությունում տեղի ունեցող քաղաքացիական բողոքի ակցիաներին համալսարանի աշխատողների ակտիվ ներգրավվածությունն ու մասնակցությունը, ցանկանում է գործատուի մոտ աշխատողների միակ պաշտպան հանդիսացող կառույցից՝ Երևանի պետական համալսարանի արհեստակցական կազմակերպությունից հանել աշխատողներին, քանի որ արհմիության անդամ չհանդիսացող աշխատողին աշխատանքից ազատելու դեպքում արհմիությունը չի կարող պաշտպանել տվյալ աշխատողի իրավական և սոցիալական շահերը: Ակնհայտ է, որ ռեկտորի այս գործողություններն ունեն մեկ նպատակ՝ Երևանի պետական համալսարանի քաղաքացիական ակտիվ դիրքորոշում ունեցող, բողոքի ակցիաներին մասնակցող և իրենց համար «անցանկալի» աշխատողներին աշխատանքից ազատելը դարձնել հնարավորինս հեշտ, անաղմուկ և առանց արհմիության համաձայնության։

Հայաստանի բուհերի արհմիությունը դատապարտում է վերջին օրերին Երևանի պետական համալսարանի աշխատողների հանդեպ տեղի ունեցող աննախադեպ ճնշումները և միաժամանակ կոչ է անում Երևանի պետական համալսարանի ռեկտորին վերջ տալ այս ապօրինի գործողություններին, չարաշահելով պաշտոնական դիրքը՝ դեկաններին և վարչական ստորաբաժանումների ղեկավարներին չներգրավել այսօրինակ քրեական պատասխանատվություն առաջացնող գործողություններում, վերադառնալ սոցիալական գործընկերության դաշտ, բանակցությունների և քննարկումների միջոցով կնքել նոր կոլեկտիվ պայմանագիր, որը կհամադրի գործատուի և աշխատողների շահերը, ինչպես նաև Երևանի պետական համալսարանի աշխատողներին կտա հավելյալ իրավական և սոցիալական երաշխիքներ։

[ Հայաստանի բուհերի արհեստակցական կազմակերպությունների
հանրապետական ճյուղային միություն ]

Հայկական ալիք | @hayaliq

⬛️ Հայաստանում Իրանի դեսպանությունից հայտնել են, որ դեսպանատանը մայիսի 22-ին կբացվի սգո մատյան:

Սգո մատյանում ցավակցական գրառումներ կատարելու համար դեսպանության մուտքն ազատ կլինի մայիսի 22-ին՝ ժամը 10:00-12:30, 15:30-17:30, մայիսի 23-ին՝ 10:00-13:00:

⬛️ Իսկ մայիսի 23-ին՝ ժամը 18:30-ին, Երևանի Կապույտ մզկիթի նիստերի դահլիճում տեղի կունենա հոգեհանգստյան արարողությունը՝ ի հիշատակ Իրանի նախագահ Էբրահիմ Ռայիսիի և նրան ուղեկցող պատվիրակության անդամների, հայտնել են ՀՀ-ում ԻԻՀ դեսպանության մշակույթի կենտրոնից:

Հայկական ալիք | @hayaliq

🤬 Ջարդարարների կողմից ծեծի է ենթարկվել "Տավուշը հանուն Հայրենիքի" շարժման մասնակից , ազատամարտիկ Մելքոն Թամրազյանը։

Այս ազնիվ , հայրենասեր, հայրենիքի համար մարտնչող մարդուն գետնին էին տապալել և անողոքաբար ծեծի էին ենթարկում։

Պատասխան պետք է տան բոլորը:

[ Հ. Յ. Դ. Իջևանի գրասենյակ ]

Հայկական ալիք | @hayaliq

‼️🇮🇷 Իրանում նախագահական ընտրությունները տեղի կունենան հունիսի 28-ին, հայտնել է ընտրական շտաբի մամուլի քարտուղարը:

Հայկական ալիք | @hayaliq

«Իմ առջև մեր երկրում փակ ճանապարհներ չկան»:

📌 Ոստիկաններն այսօր Բագրատ Սրբազանին արգելում էին այցելել Կիրանց: Որպես հետևանք՝ ընդամենը մեկ-երկու ժամ հետո նա ոստիկանական բլոկադայի մեջ գտնվող գյուղում էր: Ու այս ամենը՝ չնայած հարյուրավոր, եթե ոչ հազարավոր ոստիկանների: Ինչպե՞ս: Ինքն ասում է՝ հրեշտակի թևի վրա:

[ «Տավուշը հանուն հայրենիքի» նախաձեռնություն ]

Հայկական ալիք | @hayaliq

‼️🇹🇷🇦🇿 Թուրքիայի նախագահ Ռեջեփ Թայիփ Էրդողանն ու Ադրբեջանի նախագահ Իլհամ Ալիևը հեռախոսազրույց են ունեցել:

Վերջիններս քննարկել են տարածաշրջանում տիրող իրավիճակը:

Հայկական ալիք | @hayaliq

📍Ոստիկանության Նոյեմբերյանի բաժին տարված բոլոր 14 քաղաքացիները ազատ են արձակվել։ Նրանցից մեկը տեղափոխվել է Վանաձորի բժշկական կենտրոն։

[ ԱԺ պատգամավոր Գառնիկ Դանիելյան ]

Հայկական ալիք | @hayaliq

📌 Բագրատ Սրբազանի առաջնորդած շարժման շրջանակներում մայիսի 21-ին սպասվելիք հանդիպումների շարքը:

Հայկական ալիք | @hayaliq

❤️‍🩹 Բագրատ Սրբազանի և Լենա տատիկի հանդիպումը Կիրանցում:

Հայկական ալիք | @hayaliq

‼️ՀԱՅՏԱՐԱՐՈՒԹՅՈՒՆ‼️

Այսօր՝ մայիսի 21-ին, տեղի է ունենալու փաստաբանների գործադուլ՝ ի նշան փաստաբանությանը վերաբերող օրենսդրական խայտառակ փոփոխությունների դեմ բողոքի: Ի թիվս այլ անընդունելի չարեփոխումների՝ իշխող ուժը ցանկանում է հարկ սահմանել փաստաբանների կողմից անվճար ծառայությունների մատուցման վրա։ Դա լրացուցիչ խոչընդոտ կստեղծի քաղաքական ճնշումների ենթարկվող մեր հայրենակիցներին անշահախնդիր իրավական օգնության կազմակերպման համար։

Ամբողջությամբ կիսելով թե՛ գործադուլի նպատակը և թե՛ ընտրված միջոցը՝ մենք հայտարարում ենք, որ գործադուլին միանալու ենք մասնակիորեն։ Բացառություն են կազմելու քաղբանտարկյալների ու քաղաքական ճնշումների ենթարկվող այլ անձանց գործերը, որոնցով մենք չենք հրաժարվելու աշխատանքից։

[ «Հինգ իրավապաշտպանների» նախաձեռնություն ]

Հայկական ալիք | @hayaliq

🇦🇲 Բագրատ Սրբազանն այսօր հանդիպեց Արցախի Հանրապետության կառավարության, խորհրդարանի և հասարակական կառույցների ներկայացուցիչների հետ։

🗣️ «Ես շատ ուղիղ ու հստակ ասում եմ՝ պատերազմի հրահրողն էլ, հեղինակն էլ այսօրվա գործող իշխանությունն է, իր ղեկավարով հանդերձ։ Պատերազմն իրենք են բերել ու բերում իրենց ապաշնորհ լինելու պատճառով։

Իսկ մեր շարժման բուն նպատակն իրական խաղաղություն ունենալն է, թե՛ մտքի, թե՛ ֆիզիկական առումով», - հայտարարեց Սրբազանը:

Հայկական ալիք | @hayaliq

📌 Այս պահին Սրբազանը հանդիպում է ունենում փորձագետների, քաղաքագետների, ՀԿ ներկայացուցիչների հետ:

Հայկական ալիք | @hayaliq

‼️🇹🇷 Թուրքիայում մեկ օրով սուգ է հայտարարվել ի զորակցություն Իրանի ժողովրդին։

‼️🇦🇿 Ադրբեջանի արտգործնախարար Ջեյհուն Բայրամովն էլ հեռախոսազրույց է ունեցել ԻԻՀ ԱԳ նախարարի պաշտոնակատար Ալի Բաղերի Քանիի հետ, ցավակցություն հայտնել ԻԻՀ նախագահի, արտգործնախարարի և մյուս պաշտոնյաների զոհվելու կապակցությամբ:

Հայկական ալիք | @hayaliq