من السخافة إنك تدافع عن حد وانت شايف غلطه وإنك تنصح و متشفش قدامك غير شخصية مهوسة بالعظمة و النفاق و الأسخف إنك تحاول تغيره اعتقاد منك إنه بيحبك و هيطوعك ذي ما بتعمل بس ده مش حقيقي مش ديما معملتك مع الناس بتنتهي بشكل كويس الأغلبية دلوقتي بقي فيها جحود وابن الاصول اللي كان معاك إمبارح ممكن ميبقاش هو دلوقتي

المميز في صاحب عمرك إنه ديماً هنا مهما حصل ما بينكوا هي قاعده عتاب كله بيتصلح ،بنراعي مشاعر بعض ، بنخاف ع بعض و مهما خدتنا الأيام بنرجع نحكي كل ده بشغف وكأننا سيبين بعض إمبارح ،مش بيحسب عليك الغلط و يختفي و يسيبك علشان هو مبيمشيش وبيشيل همك كأنه همه و بيطمنك كمان 🖤
صاحب عمرك ده مريتك بيحكي حكياتك بعين بتلمع و بيكبرك ديما بيحفظ السر و اصله من اصلك ....حاجات كتير أوي لازم تنقيها صح وتحافظ عليها علشان مش اي حد ذي أخوك و مش كل الناس صاحب عمرك🖤

العلاقات مبنية ع التبادل ودي حاجة وضحتها لشخص كان قريب ليا زمان و كان بيسمع مني و يسكت و ياخد و ميديش حتي اللي طلبته و ذي ما داين تدان فانا شيفاه بيدي كتير دلوقتي قصاد ولا حاجه بيتعب أوي علشان يخلي باله من اللي حوليه و هو مش أهم حد في حياتهم ..وانا بدل ما احس انه هو ده اللي يستهله حاسه العكس وأنه صعبان عليا إحساسه بأنه لوحده ع الأقل واحنا سوا كان عندي ناس غيره لكن هو حوليه لمه كتير بس السند في الارض
فا من قلبي ربنا معاه و يكتبله ناس حقيقية بجد يمكن يفهم قصدي وقتها❤️

اللهم ارحم قلوباً ذهبت للقائك في الصلاة فأنتقلت لحضرة يداك واشفي من قاوم واعفو على من غُلب ع أمره و ارزقهم الخَلاص يا كريم

شوف نفسك في عين اللي بيحبك و اللي قلبه فيه خير يشيل قلبك متزرعش وردة وسط الصبار و تستني منها تتأقلم ؛متوجعش قلبك وسط صبار🤍

ليه تتعشم في العباد و رب العباد إِذَا أَرَادَ شَيْئًا أَن يَقُولَ لَهُ كُن فَيَكُونُ؛حافظ ع طاقتك وشيلها لمكنها المناسب فلا تضيِّعُ الودائِعَ🖤

التأقلم والرضا لكل حاجه مكتوبلك في الحياة نعمة كبيرة وكل ما تكون راضي ربنا هيزيدك من نعمه و فضله و كرمه و هيرزقك الخير
"رَضِيَ اللَّهُ عَنْهُمْ وَرَضُوا عَنْهُ"🖤

لم يبقي بداخلي ذرة ثقل لا تتحمد فاعوام الحياة أقل أهمية من ضياعها في وسط زحام الصراعات و اليأس فالرضا بم كُتب لك يمنح قلبك السلام و يلملم اشلاء الاستمرارية و تنعم بالسعادة ع أدق التفاصيل واصغرها
لا تقف هنا فالعمر لا ينتظر مرورك معه🖤

الشافعي 🖤

حصاد الدنيا حصاد نوايا ومن احب الخير للخير تفاجأ من كرم رب كريم في أدق تفصيله المُغلفة باليسر و البركات ومن ظن انه يحب الخير ويفعله فعليه تأمل حياته و قلبه و ما ذكر الله في كتابه الكريم "الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا" فحصاد الاخرة ليس بهين والله اعلم🖤

انا شخص بيحس باللي قريبين منه بشكل مُبالغ حتي لو مش بنتكلم فا وجعهم واصل لقلبي بطريقة مباشرة و ببقي حاسس مين فيهم بظبط.
خدت سنين اول ما احسن بتصل و اطمن و بطلع ديما صح لحد مرة وهي المرة دي كانت كافيلة اني اتعصر ذيهم بس مشركهمش .. لحد ما يطلعوا مني خالص
" توهمت العشق و لم اري سوي،خرج شعاعه من قلبي و توهمته داخل قلوبهم"🤍

يابن ادم انا لك محب،فبحقي عليك كن لي محبآ 🖤

اللهم استجابة لما في قلبي وقلوبكم 🖤

لو بتشوف مشاكل حياتك مش مستهلة كل الغضب ده من اللي حوليك وان كل حاجه ممكن تعدي بس هما اختاروا يقفلوا أبواب النقاش ومفيش نقطة بنرجعلها اننا سوا مش ضد بعض يبقي العمر راح في دواير غلط🤍

تفتكر مين هيقضي معاك اول الليل في القبر؟
كانت قاعدة هادية لحد ما اتسألت السؤال ده ..حتي لو مش هتخاف من الموت هتهابه وتَخيُلك إنك خلاص نازل لوحدك مكان مش هتحس فيه غير بالدعاء من اللي فوق هياخد من قلبك حته
مفكرتش كتير ولقيت اكتر من اسم في بالي منهم اهل واصحاب وقرايب محدش فيهم هيسبني من غير ما يشيل معايا جزء خير في الآخرة
دنيا فانيا مش كدا بس خيرها في الناس اللي هتفضل ديما فكراك بدعوة بصدقة بذكرة وان مهما اتلهينا ومكناش سوا فأتاكد ان دعواتهم هتوصلك بأسمائهم كل ليلة
انت بتعامل ربك في الناس وهو عمره ما هيضيع ده🖤

لا تضع لهم ترتيب مُميز اتركهم يقاتلون للحصول ع مقعد أول بداخلك 🤍

الكنز الحقيقي من وجهة نظري هو إنك تراهن على شخص وميخيبش ظنك أبدًا .. وكل شوية يثبتلك إنه قد المكانة اللي أنت حطيته فيها وإنه جدير جدًا بيها ، تراهن ومتندمش على ثقتك اللي اديتهاله لأنه دائمًا بيطمنك بكلامه وأفعاله ، شخص يعرف احتياجك من نبرة صوتك . ويبقى حزنك هو عدوه الأول ، شخص مهما ساءت الأمور بيحبك ، ومهما الأمور اتحسنت بيحبك بردو ، الظروف تتغير بس هو ميتغيرش

تفتكر وجود الناس في حياتك مفيد!
بعيد عن أي انحياز وخبرة شخصية بس الإجابة اكيد اه ، الناس اللي حوليك بيعدوا جواك يخدوا حلو ويسيبه الأحلى حتي لو مكملناش فا وجود الخير والأصل بنا بيخلينا ديما بخير.
فا لو سألت نفسك في يوم معقولة كل دول مشيوا ومحدش حبني بجد!
فأنت محتاج تراجع حسباتك يا صديقي يمكن الغلط عندك من الأول ❤️