غوربەت
شوێنێکە زۆر زۆر دوور
خۆشەویستان
کردوویانە بە نیشتمان!

#ک_د_ئازاد

" لە پاش مەرگم"

لە پاش مەرگم
وڵات پڕ دەبێ لە دەنگۆ
بەڵام هەیهۆ
من هەر دوو خۆشەویستم بوون
یەک نیشتمان
یەکیشیان تۆ!


#ک_د_ئازاد

زمانی دایک
زمانی عەشق و
خۆشەویستی و ئازادییە
دژی شەڕ و
توند و تیژی و بێدادییە!

#ک_د_ئازاد

خۆشەویستی
شەڕێکی نابەرابەرە
لایەک زام و
لایەک خوێن و
لایەک دابڕان و کەسەرە!

#ک_د_ئازاد

لە سەگوەڕی
شەوانی تاریک ناترسم
تەمەنێکە
لە ناو گورگەکان دا دەژیم!

#ک_د_ئازاد

کورد
جارێک دێتە سەر دونیا
بەڵام
ڕۆژی جارێک دەمرێ!

#ک_د_ئازاد

ئەو بارانەی
لە چاوەکانم دەبارێ
بۆ نیشتمانێک دەگەڕێ
تینوو نەبێ بە خوێن و زام!

#ک_د_ئازاد

هەموو ئەوانەی کە تینووی
دەسەڵاتن
نە خۆشەویستی دەناسن
نە ناو دڵی
خەڵکێک دەکەن بە نیشتمان!

#ک_د_ئازاد

قژەکانت
سازێکە
ـ هەموو تەمەنم ـ
هەر ئاوازێک کە پێم خۆشە
بە پەنجەکانم ئەیژەنم!

#ک_د_ئازاد
@azadbane

" کـــۆچــــ "

من پێم وتی:
غوربەت پڕە لە کێشە و جەنگ
تۆ ڕۆیشتی!

وتم: لەوێ،
زریان دڕە،
سەرما هارە
زستان سەخت و ژین دژوارە
تۆ ڕۆیشتی!

وتم: ئەوین،
وەک مەلی بێ هێلانەیە
وتم:
تۆران بەهانەیە!
تۆ ڕۆیشتی!

وتم: دڕندەی لاشخۆری ئەو گەرمێنە
دڵ تۆقێنە
تۆ ڕۆیشتی!

وتم: سنوور،
تاوانی گەورەی مێژووە
مەی بەزێنە
تۆ ڕۆیشتی!

وتم: داهاتوو خەونێکە
لێرە و لەوێ هەر دێتە دی
تۆ ڕۆیشتی!

وتم: مەڕۆ
تا دێیەوە،
هەموو ئەم خاکە دەگۆڕێ
غەیری چیا
غەیری دەریا!
تۆ ڕۆیشتی!

وتت: ئەو ڕۆژە دێمەوە
خۆشەویستی تاوان نەبێ
کەس لەم خاکە
بۆ شادی چاوەڕوان نەبێ!

#ک_د_ئازاد
♥️🧿♥️🧿♥️

ئێستا هەموو
گۆرانییەکان
چاوەڕوانی
خەم و شادی
لە تۆ دەدوێن ئەی ئازادی!

🌹🕊🌹
#ک_د_ئازاد

"وشە"

ئەوان،
هەر سێ شت دەزانن:
زیندان و سێدارە و مردن!

ئێمەش؛
سەدان وشەی نەرم!
کە سەر تۆپی هەرهەموویان
ئاشتی و ئازادی و لێبوردن!

#ک_د_ئازاد

((مەرگ))

لێرە ئازادی تاوانە!
ژیان سەخت و
مەرگ تا بڵێی ئاسانە!

خەڵک ڕەنگە برسی نەبن
بەڵام تێرن لەم ژیانە!

#ک.د.ئازاد

نیشتمانم
پێتەختی کەونارای زامە
ساڵەهایە تەشەنایە
ساڕێژ،
ـ وەکوو ڕێبوارێکیش ـ
بە نیشتمانم دا نایە!

#ک_د_ئازاد

لە خاکێک دا
دەتکەم بە سروود
کە باسی شۆڕش تاوانە!

#ک_د_ئازاد

هەر زوو زوو سانسۆرم دەکەن؛
ڕۆژێک پێم دەڵێن: ڕۆژهەڵات
ڕۆژێک باکوور
ڕۆژێک شیمال
ڕۆژێک باشوور!
نازانم کەی
زمانیان ڕادێ
کە بزانن نیشتمانم
کوردستانم!

#ک_د_ئازاد

چاوەکانی
بە پانتایی دەریای ئیجە و
منی کوردی بێ نیشتمان
چەندە حەزم لە خنکانە!

#ک_د_ئازاد

ئەو شەوانەی،
میوانی تۆم
حەبەکانی دڵم ناخۆم!

#ک_د_ئازاد‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌  ‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

مناڵەکان، گوڵن، خونچەن، هیوان، مەلن
ژن و پیاوی سبەی گەلن
ئەی زانایان، مامۆستایان
ئێوه جۆرێک بیانعاملێنن
که سبەینێ له ڕووتان بێ
له ڕوویانا سەر هەڵێنن

🪻@Hanasay_Sard

#ک_د_ئازاد

شێعر سەردەشت
✍️نووسین #خالق_نەقیب
بەدەنگی پڕ لە سۆزی
هونەرمەندی خۆشەویست
#‌ئەحمەد_ئیسلامی🎙
*
*
*
ژیانی پڕ لە مەینەت، هەر بە سەر دێ
گەلۆ مژدە کە کۆتایی کەسەر دێ

بەهار ڕەنگە درەنگتر بێ، بەڵام دێ
بە ڕەنگی سەوزەوە بۆ دەشت و دەر دێ!

#ک_د_ئازاد
رۆژ باش هاوریان🌸🌸🌸🌸
@Hanasay_Sard