نزلت بعين نفسي لخاطر امراضاك !
دليتك عليه وبيه كمت تذل !
تسوي الما احبهن واضحك وماكول !
تغازل غيري يمي واني متحمل
وجهك صاب كلبي وكام ينزف شوك !
وتنوع لديك بغير جرحي تشد
جم مره اشتهيت وللغريب تروح
بيني وبين روحي هواي متفشل
أنا ردتك عوض عن الخساير ذيج •
ماردتك تحطني شبيح لليكتل
أنا الماينخه ربه اعلى الغرض مرتين
مدري شلون بيك هواي متوسل
انته ودمعتي اطيحون لرخص ناس
ماطحتو اعلى واحد يسوى كلمه خل
صارحني السوالف بلعشك مو عيب !
ومشيني على واهس خل ينادم خل
وكلي أيامي نزوه وعذر انه أنطيك
حتى اخذ اجناحي بلا كسر واجفل
يجذاب المواعد عوف لعب الزور !
لاكيني على سجة شوك سم يكتل ؟؟

صفر علـ يسره مالك قيمة من تنحط .

وعطشان انجبرت اشرب بماي الشط .

مااكدر اعدلك طبع منجل بيك .

وذا فكرت اعدلك ارجع مخيط .

ومانرهم بعد روح بجسد مكتول .

ترا اقلام الحبر مانفع بيها القط .

مايتعب المثلي المثلي مايغلط .

جبت كل عمري اركض بالجديد أفحط .

بخور بمكبره ذرة نفع مابيك .

چنك نومتي شما عدلك مخربط .

غشيم وجذبت من كتلك أتخطيت .
أنا بهاي السوالف كلشي ماعندي .

إنتَٰ وذكرياتك والصور والليل .
كلكم تشتهون الدمع البخدي .

وأكابر والحزن يسحك بهاي الروح .
وتبدا على طولي من اكعد لوحدي .

وماينطيني مهله وبالغروب يصير .
حزنك دمع طفله من الصبح يبدي .

واذكرك والندم يجبرني اسولف بيك .
لان قافلة غدرك بلـ ضهر تحدي .

وماعندك هدية وذكرى مثل الناس .
هديتك جرح جانت لازك بجلدي .

نهر من صرت يمك شو صرت ناعور .
تترس وبرحابة صدرك تبدي .

ويذكرونك وادنك واهز راسي أعليك .
ولك راس الشجر مايهتز بكدي .

كمر كامل جنت يلـ طلعتك رمضان .
صايم بس قضيتك تأكل بجبدي .

السواد الجوا عيني وداعتك مو لون .
هاي ايامك الماتقبل اتعدي .

الزمن والضيم والهم وأنته والباقين .
اجيتو محزمين ويا الوكت ضدي .

هيه لو عل قسمه ضلت جا نسيت .
المشكلة كل ساعه تمشين بمزاج.

وانتي لو صنتي الخواطر ماتطيح .
وحتى جان بضهري ماصار انعواج .

جنت اعبرلج مواقف سودة حيل .
حتى ما بيناتنه يصير انزعاج .

مو مثل كلبي بشخص ماتكتفين .
قافلة وما وكفج حتى العجاج .

الطير مايشرد لمن يعشكله بيت .
لا تكليلي انجبرت اعلى الزواج .

ولا تذبين العتب كله اعله ابوج .
مايطيح الرأي إذا صافي المزاج .

الزير لو شايفني مايعقد عليج .
ومن عشكتج ركضت الدنيا وراج .
كمت احس بروحي عايشلي بكراج .

والله كسرة خاطري تبجي اليفوت .
ينجرح ذاك اليدوس اعله الزجاج .

جنت من اتمرض بمرسال أطيب .
هسه كمت اتخيره خيار العلاج .

ضليت عكبك ساكت ومعتكف .
ماعندي طاقه أتعايش ويا الخلك .

وبوجهي بابك من طبكته ورحت .
حسيت باب الدنيا كله نطبك .

من كتلي اردلك كتلك ابقه انتضر .
بس من رحت حسيت كلبي انشرك .

بساعتها صيف وفوكي جانت شمس
وتانيتك لحد ما كفاي احترك .

بشباچك انحب واستغيثك وافز .
وانزف واشدن عل جروح العلك .

صح انته جنت وياي مثل الشمس .
بس مو ضواك بدربي ضيمك شرك .

شطين باجيلك بوكت العطش .
ومن دمع عيني البيت فاض وغرك .

من كثر ما جارع بهجرك حزن .
مايمشي كام براسي حتى العرك .

بهداي كام يطيح مني الشعر .
شلون الاغصان الطاح منها الورك .

صديت كل اسهامهم من اجن .
بس انته سهمك بل خواصر زرك .

يل جان دربك مستقيم شعجب .
مو كذله جا وياي ليش أفترك .

خليتك أسبوعين فوك الجمر .
بس ردت وجهك يعرك وما عرك !!

غمض أعيونك وفك عين الصواب .
راح أسفرك على إجناح الفلسفة .

أرق شي بالدنيا جنحان الفراش .
وممكن من يرف يسبب عاصفه .

السلمٌ زاويةًٌ بِرسم الدائرات .
او ثباتٌ بالكفوفِ الخائفه .

عقدة الإنسان إنسان التقاه .
وشافه مايعرف يحدد موقفه .

الجهل ورقه تخطها تجربة الضياع .
يعني اخطر شي تملكه المعرفه .

الماتكسره الدنيا مو يعني شجاع .
ممكن اتكسره الوعود الزائفه .

أغصانُ أشجارِ الحياةِ وأن قوت .
من دون أوراقِ ستبقى تالفه .

الساكت وينفجر من ضغط الحياة .
هاذا اخطر من العبوة الناسفه .

الكلمة موقف والفعل موقف جبير .
هاي اول حصة في درس الوفه .

النوته ذمه بركبة أوتار الكمان .
تجبره ينطيها الجفوف العازفه .

لا عذراً وان طال التوسل قد قست .
حتى وان عادت وقالت اسفه .

الفلسفه تدني القريب اعلى البعيد .
ليش متقربك عليه الفلسفه .

ماجنت أثق اني ابشر .

بس بيدك اني مأمن .

ورادوني أعوفك بس جذب .

تبقه انته انته شما غبت .

فكره وبراس المدمن .

من جنت يمي الخير بيه امبين .

الله ياذاك الوكت .

حتى اهلي ليعرفوني احب .

برا انه اعوفن صورتك .

مثل الاستوه يدخن .

يمكن احنا ملتقين العلاقة أبالي اكبر .
يمكن انته الچنت احبه بعالم الذر .

اقتربلي شويه ممكن من بعيد تبوك روحي .
ومن قريب تبوكني اكثر .

ليش من الكاك احس الكاع تصغر .
وليش من الكاك احس كل امالي تكبر .

انه اجيتك شايل الدنيا اعلى راسي .
بعيني شفتك احلى منضر .

انته يمكن وصفة العراف اليه .
انته واحد بس احسك جاي تكثر .

ويمكن ابتابوتي بس انته اعلى بالي .
واندفن وبروحي تفتر .

ولو نكير يريد يسئل ينقهر ويسكته منكر .
لخاطرك للجنة افوت .

انته يـ مبيض حياتي ولونك اسمر .
انته يمكن قصة قاريها بشبابي .

بيها عاشك جان بالمحبوب ينغر .
وأنته جذبك احلى من كلشي صدك .

وأنته تسوى الدنيا إذا مالك خلك .

شبيك تركض علـ نوايه وعفته بالكاع التمر

تروح للرادك ثواني وعفت اليريدك عمر .

يمي بايعها حريص وانته تطرب عل رخيص

شويه حسن مستواك شچلبت جوا الصفر .

ليش ماخليت غالي وماعفت يمك سند ؟

بله ذكرني بحياتك ياوكت حضك كعد !

صوج كلبك مو نضيف اثكل شمالك خفيف !

هاذا وجه الخير عفته وتركض لوجهه الفكر !

تروح للرادك ثواني وعفت اليريدك عمر ؟؟

من كلتلك لا ترخي العاكدة .
رحت فليت البصبعك شاده .

الذنب ذنبي شكد جنت مابيه خير .
من بعد وجه الله وجهك عابدة .

ماي وجهي بكصتي تبدّا على كيف .
وجانت بكل كطرة عينك شاهدة .

حب شعرفك بارد بفيك تصير .
وأنه ماحب الاطباع الباردة .

شجرة مالك رأي يم ذيج الطيور .
ترضى ماترضى على غصنك صاعده .

غرفة بيك مخاد ما مصفوفه زين .
يعني قبلي هواي وادم كاعدة .

هيه مو قصه جرح ساعه ويطيب .
جانت وياي المواقف فاسده .

كوم زيح الكفرك يا بينروس .
متون عندك يم صنمهم ساجدة .

دكلي دمعك مانزل جان استحيت .
البيه ما باجيته حتى الفاكدة .

جنت اطك اليركض يسلم عليك .
وانته وي كتالي جيت تساعدة .

هوا هاذا الحب التسولفلي بي .
انوب اليحبني انعل والده .

يجوز احن باجر واذكرك واحجي بيك .
بس اردلك هاي ابد مو واردة .

اريد احجي وأكسر حاجز الخوف ؟

واكولن كلمه بس حطها اعلى بالك .

مامهتم لشخصك رحت ضليت .

موسم مطر عابر شنهي فالك .

خسرت انسان جان بوكت مريود .

بزحمة عشك بس كلبي خلالك .

ومو انه الخسر لا انه مخسور .

وخلي يفيدك عنادك والحجالك .

ومو واقع بعد ما ابقه وياك .

ما تلكاني لا حتى بخيالك .

وجرب عشك ثاني وشوف تلكا .

ذاك السهر ليله وبجالك .

وركز بالعلاقه وكلي شتشوف .

وشني رايد حلالك لو حرامك .

يجي يوم وترد ميت من الخذلان .

ويجي يوم وابد ميهمني حالك .

الطفل من ينحرم من لعبه يبچي هواي .
وتموت الرغبه من الدنيا يفهمها .

بس من يكبر ويبدي يجيب فلوس .
يرجع يشتريها حتى يلزمها .

كل هاذا وتكلي الخوف ميكبر .
ومن سطح لسطح شفت القلق يعبر .

الله يساعد الناس التريد تنام .
وأول ما تغمض عينها تفكر .

بالكلاده الانكطعت جنت اسد الباب .
بس هاذا الأمان العندك يحير .

مثل الماتت أمه وابنه نفس اليوم .
يبجي المن بالأول لازم يقرر .

اليرجع من حرب كلش طبيعي يتيه .
وعلى أعصابه بعد مايكدر يسيطر .

وتهت بالشارع اليوميه افوتن بي .
حتى الشارع اليعرفني متغير .

ليش مآخذ نحرك اعلى المقصله .
اتعقدت لو هيه صعّبه المسأله .
إذا تدري بحلمك ابيا اتجاه .
ليش غيرت اتجاه البوصله .
انته إذا تدري الوجع فتره ويروح .
جا شنو الخلاك ما تتحمله .
انته تدري الكلب مو صاحب قرار .
ليش عقلك مايقود القافله .

بمسرحية الدنيا دورك مو جبير .
لاتضل دور البطل تتخيله .

عيبك انك بالطريق المو صحيح .
وعاند روحك تريد اتكمله .

عيبك انك ماتعز نفسك عليك .
من تجيهم جنت ما تسمع هلا .

وحاولت تبقى بحجج مو مقنعات .
يعني معناها انته اساس المشكله .

اشعالجت من المخربهن بديك .
شلون وضعك هاذا راح اتبدله .

لا تروح وتجي بفلسفة الجواب .
كبل لا تفهم عمق الاسئله .

شتكدر اتجاوبني جاوبني احجي شي ؟
ليش مآخذ نحرك اعلى المقصله ؟

شخصيتي الجديده تحاول تروح
وشخصيتي القديمة تريد ترجع
عقلي يريد يمشي وينسى ماضيج
وگلبي يريد يبقى شلون ينقع
شسويلج و اطلعج مني وانساج
كل ما ردت اطلعچ روحي تطلع
احبچ بس اكرهچ ماعرف ليش
ضحكتي بوجهي واني عيوني تدمع
اجيج او وجهي يضحك من الاكيچ
و ارد بيه الحسافه وحسره وارجع
عفتيني وكلتلج راح اتانيج
حد ما شيب وجهي بوجهي يشبع
حنيلي من اموت ومن تحنّين
حزن ميتين حزنچ بيش ينفع

ها يبت الناس شو متغيره حيل .
العنب ناصي وفرهدو عنكوده .

جنتي ماترضين أحطن جف عليج .
وصرتي بين اجفوفهم معكودة .

ياشريفه بيا سوالف قشمروج .
ورحتي ذبيتي العباية السودة .

عمي هاذا استايلج من يا مكان .
ويا كحبجي اللبسج برموده .

جنت من اوكف اكبالج تستحين .
وماي وجهج جان طافح جوده .

عكست وصرتي بفلس تطشرين .
سفرة لحلوك الخلك ممدوده .

لا دكليلي الوكت خلاني هيج .
الراخي راخي شما تضب قيودة .

فشله من كلتلها كالت يل قديم .
الفشله صارت هسه ما مريوده .

من كصر ثوبج كصر معنى الحياء .
ومن طلع جدمج كسرتي حدوده .

كبل عفت بكصتج كطره ومشيت .
هسه حتى الكطره ما موجوده .

وأنني لم احتسي الخمر لمتعةً .
لأكن لقتل ما بروح من خجلِ .

اردتُ تقبيل ثغرك دون ماحذراً .
وانتَ تعلم لا عتباً على ثملي .

تعال ومن لعاب شفاك بالليل .
شافه ولا تذل الروح بل يل .
الخمر من احتسيه وياك بليل .
يوخر المستحه ويهديك اليه .

أجاني بليله منهن مرة خلي .

أكلت اشفافه بالعض مره خلي .

تدنه وكال بسك مره خلي .

ارد لهلي وأثر مامش عليه .

لا تستخف بأنسان لمن يضعف
مرات من گد الحزن يتصوف

يعرف قبل لا تحجي قلبك شيريد
بنفس الوكت ما يعرف شيتصرف

واقعي تحسة عيونة تنطيك اسرار
و بلحظة تلكة احساسة ما يتوصف

مر بتجارب وصلتة لهذا الحال
خلتة يشوف اشكال و يعوف اشكال

عاش وية ناس أبليس ربو بالبيت
و اعتقد حتة ابليس منهم اشرف

مرات تلكاه خشمة ميكصة السيف
بس من تجي تلكاه بس يتخوف

مو ضعف بس مر بمراحل صعبات
خلتة يعيش انسان بس مستضعف

خلتة يشك بنفسة هوة المذنب
بجو لحد مانكسر گلبة الطيب

محتار ضل ما يكدر يميز شي
خلو يشوف الموت احسن و اصرف
و ضلت بعد شغلات ما تتوصف

تجبرني أعيرك بالمضن !
ترجيه بذنك خلها ..

الشامه الحدر هدمك شرط ..
من ورا هدومك عندي قدره اندلها ..

بس كبل لا يبدي الحجي ..
ويطرح إلساني أسرارك ..

اني العركتك وي اخو ..
ومن الفشله ملثم فزعلك ..
وضد اخوه أتعارك ..

بقمة لمعتي وماعفت زنجارك ..

انه المطلعك للخلك ..
من تالي بدروب السحكناهن سوه أدليني ..

والله لوصلك مرحله ..
تتمنى كدام البشر عينك تحطها ابعيني ..

امس كلشي اكبالي شفته ؟

وكلشي يمهم ماحجيت .

امس ضحكتيني من كلتيلي اعوفك ؟

لأكن بكلبي بچيت .!

جنت اكلج انتي روحي ؟

وهسه من روحي استحيت .

ليش حسستيني جاهل تيهه أمه .

وبالغلط يمج اجيت !

ولج عفت الدنيا كلها وزعلت وأدم تحبني .
ومارضيت .؟

ولج حتى الماتو آهله يكوم ينسى .

وبدلت عقلي وذكرتج مانسيت .؟ 

إلا بكبرك اسحك لمن تموت ؟
وانعل روح روحك لأبو طاريك .

لان حبيتك وما ادري غشاش .
اسود من كحلتك جان ماضيك .

لو بالصحرا اني ومن تمر ماي .
شرط لو اموت ماشربك .. ابديك .

بعد لو جثه أشوفك بيها نيران .
ماينكسر كلبي وما اطفيك .

جنت من احسب اهلي أولهم تصير .
وبعد من احسب أصلاً ما أخليك .

اجيك ووجهي يضحك واضحك وياك
وطبر مايكص وجهك من ألاكيك .

تغلط وشكثر عديت الاغلاط .
وبعد ماعدي كلك راح أعديك .

تتوقعني ما انساك غلطان .
بس أنطيني 10 سنين وأنسيك .