- يقولو ما تحسش ب قيمة الحاجة الا لما تفقدها ، وانت ما عرفتش تلقاني ، باش لما تفقدني تحس ب قيمتي ، انت ما حبيتنيش ،!

- صباح الخير ، للي ما حضرش الخير ليلهم ،.🖤💙

- يحكى ان هناك خاطر مكسور ، حلف ما يتجبرش لن يكسر خاطر اللي كسره ،. :)

- يجونا ف الوقت الغلط ، ويبو يصلحو غلطتهم ،.

- اغلب الحاجات اللي نديروا فيها لا اراديا تكون تعبر ع الشيء اللي ف داخلنا ،.

- ف مواقف ياريتها ما صارت ف " حياتنا " باش قعدو الناس اللي ياريتهم ما طلعو "منها" ، احني والله حتى وهما غارقين ف الغلط ، نحبوهم ،.

- انا قاعدة ندفن ف الحيين اللي مشوا ، اما اللي ماتوا ، طيفهم ديما حاضرني ،.💙

- انا ربي حبني بزيادة ، لما بعتك ليا ،.💙

- لما ربي يفتحها ف وجهك ويبعتلك ناس تقدرك ، دير معاهم الواجب وصلي وادعي وحافظ عليهم ، يا اللي مش انسان انت ،. :)

- لما جيت بنفكر ف اسم يليق ب مكانتك عندي ، قلبي قادنِي ل " فرحتي" ، اسم عمقه ف وضوحه وبساطته ، سميتك فرحتي لهلبا اسباب ، اولها الطريقة اللي يفرح بيها قلبي وقت يجي اشعار منك ، ولو كانت الرسالة "اهلا" ، ثانيها ، انتباهي اللي ينجذب ل اي موضوع يكون فيه اسمك ، حتى لو مش انت المقصود ، ثالثهم ، راحة البال اللي نكون فيها وانا معاك ، حتى لو كان وقتي معاك قصير ، فا انا ننسى ف كل هم مرّ ع قلبي ف يوم ،.

ديما نقولك فيها ، وديما ح نقولهالك ، "الحمدلله عليك ، والحمدلله ع نعمة وجودك ف الدنيا هاذي ، !دنيتي! ، لان بجديات انا ما غلطتش لما سميتك فرحتي ،.💙

- البشرية سبعة مليار ، ما شفتش منهم الا سبعة بس ، الباقي قريب ولو حرفيا حيوانات ،.

- تي والله الا انا اللي جيت معاك راجل مش انت باهي. 🤣

- 💙💙

- انا لو عليا ،؟ نطلعكم من حياتي جملة ،.

- ما تزعليش ، ما تبكيش ، وما تضايقيش ، ما تنهميش ، ما تطمسيش ضحكتك ، وما تستسلميش للهموم ، ما توجعيليش قلبي ، راني نحبك ،!♥️💙

- حـاجات بسيطة قدرت توجعـلي قلبي ل مجرد إن انكتبلي نكون "يتـيم" ،.

وابسط مثال يوم الجمعة هذا ، يوم لمة العيلة ، اللي يخليني نقول ياريت بوي عايش ، وحاضره معانا ، ونبدا نتخايل فيه لابس العربي ويسلم عليا وقت بيمشي ل صلاة الجمعة ، ونقوله ادعيلي ف صلاتك ، ولى لما يروح يبدا يهدرزلي ع الخطبة ، وينصح فيا ،!

يحط ايده ع كتفي ، يمسد ع راسي ، نبوس ايديه ، نشم ريحته ، نشوف ل عيونه ، اللي عندي بالدنيا كلها ،!

انك تكون يتيم ، يعني ناقصاتك هلبا حاجات معنوية ، وهلبا حاجات حلوة ما تتفسرش ، وما تقدرش تحس بيها ، الا كان عندك أب ،.

رحمة الله عليك ، يا شمسي الغايبة ،.

- نقدر نكون ف حياتك من اللحظة هاذي ، الموضوع اسهل من شراب المية صدقني ، لكن ،؟ انا الحلم اللي نبي نحققه معاك ، مش ان نكون نعرفك ونهدرز معاك ، وقت "الكساد" ، انا لو ما كنتش محور حياتك ، وجودي فيها ما يلزمنيش ،.

- نبي حد يتقبل طبعي ال اخخي ، ومزاجي ال اخخي ، وكلامي ال اخخي ، وكل حاجة اخخي فيا ،.

- السلوك عليه درجتين!
- به يا ابلة كان احترمت نفسي بزيادة يولو تلاتة ،؟
- به كان احترمت نفسي هلبا هلبا ، يولو اربعة ،؟
- به كان صليت ف الحصة ، يولو عشرة ،؟
- به كان درت ختمة ، يولو مية ،؟

..الخ.