- نحـب نشوفك بخير ، مع ان ما شفتاش منك ،.

- لما جاني احساس بالخوف من ان نكون زايد عليك ، فالوقت اللي نعامل فيك ع إني ف حياتك الاساس ، مشيت ، من غير ما نسلم ،.

- ف الوقت اللي انت ساهر معاهم .. انا ساهرة مع همومي والتفكير فيك ،!
ف الوقت اللي انت تفكر ف شن بدير اليوم باش ما تملش .. انا نفكر ف كيف ح نفوته اليوم من غير ما نتضايق ،!
ف الوقت اللي انت تحط راسك ع المخدة تسرح ف تخيالاتك ل حاجات حلوة لن ياخدك النوم .. انا نحط راسي ع المخدة وياخدني التفكير ويطير النوم من عيني ،!

ف الوقت اللي انت بالك مرتاح ، انا بالي مشغول ، ف الوقت اللي انت تمام ، انا مش تمام ، ف الوقت اللي انت بخير ، انا الخير حتى ف الحلم ، مش شايفاته ،!

- ما قدرناش نكونو معاكم ، العيب فينا ولا فيكم ما عرفناش ،! للامانة ؟ حبيناكم ، لكن النصيب ما حبناش ،.

- ف باب لازم ما يتسكر ، باش ترتاح ، باب الريح متاعه "كانت" دايرتلك جو مليح ، و"بدت" تعطي فيك ب العاصفة ،.

- ف ناس مش لازم تكون مؤقتة ، ناس كل شعور فيك ، يبيها تدوم ، وما تمشيش ، ناس قلبك يتمنى ان يكونو ديما كويسين باش ما ينفرهمش ، لان قلبك مش مقتنع ب فكرة ان الشعور ممكن يتغيرهم اتجاهم ، ناس فرصة انك تلقى زيهم نادرة ، ف خير منهم ، لكن زيهم ما فيش ،.💙💙

- كان اجمل اختبار ميكانيكا يمر ع دماغي ،. :)💙💛

- شخصيتك ابنيها ع حاجتين:
واحد: الواقعية.
اثنين: الواقعية².

- يقولو ما تحسش ب قيمة الحاجة الا لما تفقدها ، وانت ما عرفتش تلقاني ، باش لما تفقدني تحس ب قيمتي ، انت ما حبيتنيش ،!

- صباح الخير ، للي ما حضرش الخير ليلهم ،.🖤💙

- يحكى ان هناك خاطر مكسور ، حلف ما يتجبرش لن يكسر خاطر اللي كسره ،. :)

- يجونا ف الوقت الغلط ، ويبو يصلحو غلطتهم ،.

- اغلب الحاجات اللي نديروا فيها لا اراديا تكون تعبر ع الشيء اللي ف داخلنا ،.

- ف مواقف ياريتها ما صارت ف " حياتنا " باش قعدو الناس اللي ياريتهم ما طلعو "منها" ، احني والله حتى وهما غارقين ف الغلط ، نحبوهم ،.

- انا قاعدة ندفن ف الحيين اللي مشوا ، اما اللي ماتوا ، طيفهم ديما حاضرني ،.💙

- انا ربي حبني بزيادة ، لما بعتك ليا ،.💙

- لما ربي يفتحها ف وجهك ويبعتلك ناس تقدرك ، دير معاهم الواجب وصلي وادعي وحافظ عليهم ، يا اللي مش انسان انت ،. :)

- لما جيت بنفكر ف اسم يليق ب مكانتك عندي ، قلبي قادنِي ل " فرحتي" ، اسم عمقه ف وضوحه وبساطته ، سميتك فرحتي لهلبا اسباب ، اولها الطريقة اللي يفرح بيها قلبي وقت يجي اشعار منك ، ولو كانت الرسالة "اهلا" ، ثانيها ، انتباهي اللي ينجذب ل اي موضوع يكون فيه اسمك ، حتى لو مش انت المقصود ، ثالثهم ، راحة البال اللي نكون فيها وانا معاك ، حتى لو كان وقتي معاك قصير ، فا انا ننسى ف كل هم مرّ ع قلبي ف يوم ،.

ديما نقولك فيها ، وديما ح نقولهالك ، "الحمدلله عليك ، والحمدلله ع نعمة وجودك ف الدنيا هاذي ، !دنيتي! ، لان بجديات انا ما غلطتش لما سميتك فرحتي ،.💙

- البشرية سبعة مليار ، ما شفتش منهم الا سبعة بس ، الباقي قريب ولو حرفيا حيوانات ،.