- فـات على اخـر مرة كلمتني فيها سنـين ، وفـاتت السنين وانا نـستنى فيك تكلمني ، تقـولي ان الوقـت تغير صح ، لكن انا ما تغـيرتش ، تقـولي ان وجعـتك صح ، لكن بـعدك ما تحملتش ، تقـولي مش انتِ بس اللي عانيتي حتى انا عـانيت ، تقـولي مش انتِ بس اللي مستاحشة ، حتى انا مستاحشك هلبا وياما حـنيت ، تقـولي مش انتِ بس اللي ف غيابي انضريتي ، حتى انا ف غيابك انهلكت وانضريت ، تقـولي ان الـوقت اللي فـوتناه واحني بعاد عـ بعض ، مش محـسوب عليا ولا محـسوب عليك ، انا والله خـاطري تجيني ، بالك تريحني لما تخليني نفهم ان مش انا بـس اللي حـبيت ،.
- هي حتى لو الراحة بالفلوس الاكيد مش ح يكون عندي حتى ربع دينار باش نشريها ، حظي ونعرفه ،.
- الزواج لو كان تقليدي ولا غير تقليدي فا هو فالنهاية زواج ، تفرق صح ، لكن يقعد الهدف واحد ، فا المشكلة مش نوع الزواج ، اكتر من انها المشكلة ف الزوز اللي تزوجو أساسهم شنو ،.
- فـ كل مرة كنّا نهـدرزو فيها عـ علاقتنا اللي شبه منتهية كنت نكتب وايدي تـرجف ، المرة هاذي بالذات رجـف قـلبي ، ومنها عـرفت ان علاقتنا فعلا انتهت ،.
- كنت راضية ب الساعتين اللي نقضي فيهم معاك ، كانو ينسوا فيا ف ضيق ال22 ساعة الباقيات ،.
- ما كانتش نهايتنا سلام ، كانت هدرزة مرة بعد وين اهو قطع ملام ، فيها القلب يودع ساكت ، وف داخله معبي كلام ،.
- ياريت كنت خاين ،! ولا مهمل ،! ولا مش كويس ،! ولا تعامل فيا معاملة اخخي ،! ولا كنت تعطي فيا ف اعذار العيل ما يصدقهاش ،!
ياريت كنت نذل ، ولا واطي ولا كذاب باش نكرهك ،!
كنت ما تصلحش بيا ، باش نلقى سبب واحد يخليني نفرح بدل ما نتأثر لو مشيت ،! ونقول لو كان خير راه قعد ،!
ياريتك ضريتني ب طريقة مباشرة باش ما نحطلكش اعذار ونسامحك ،!
ياريتك خليتلي سبب يخليني نبطل نحبك ، بدل ما تكون النافع الضار ، اللي يحرقك ب امية باردة ، ويجرحك ب ريشة ،.
ياريت كنت نذل ، ولا واطي ولا كذاب باش نكرهك ،!
كنت ما تصلحش بيا ، باش نلقى سبب واحد يخليني نفرح بدل ما نتأثر لو مشيت ،! ونقول لو كان خير راه قعد ،!
ياريتك ضريتني ب طريقة مباشرة باش ما نحطلكش اعذار ونسامحك ،!
ياريتك خليتلي سبب يخليني نبطل نحبك ، بدل ما تكون النافع الضار ، اللي يحرقك ب امية باردة ، ويجرحك ب ريشة ،.