- ف نوع من الناس لما يزعلو ما يبانش ع ملامحهم ، لما يبكو جنبك ، بمجرد ما يديرو وجههم ، ما تحسش بيهم انهم يبكو ، لما يضايقو ما يحكوش ، ولما يبو يفضفضو ، يريح الكلام منهم ، لما يوقفو قدام الشخص اللي وجعلهم قلبهم ، ما يعرفوش يوجعوله قلبه ، ف نوع من الناس يكتمو ب طريقة تخوف ، لو انكشف عليك ستارهم وشفت معاناتهم ، ح تحير هلبا ، ف كيف قادرين يكملو ، ويتصرفو طبيعي ، حسو بيهم ،.
- لما لقيت روحي الخيار التاني ، والخطة "ب" ، وف خانة الاحتياط ، مشيت ، قبل ما يجي وقت حاجتهم ليا ،.
- ف حاجات الزعل عليها مش مفروض يطول ، مش قلة ل قيمتها ، اكثر من انه كبر قيمة ل رواحنا ،.
- فـات على اخـر مرة كلمتني فيها سنـين ، وفـاتت السنين وانا نـستنى فيك تكلمني ، تقـولي ان الوقـت تغير صح ، لكن انا ما تغـيرتش ، تقـولي ان وجعـتك صح ، لكن بـعدك ما تحملتش ، تقـولي مش انتِ بس اللي عانيتي حتى انا عـانيت ، تقـولي مش انتِ بس اللي مستاحشة ، حتى انا مستاحشك هلبا وياما حـنيت ، تقـولي مش انتِ بس اللي ف غيابي انضريتي ، حتى انا ف غيابك انهلكت وانضريت ، تقـولي ان الـوقت اللي فـوتناه واحني بعاد عـ بعض ، مش محـسوب عليا ولا محـسوب عليك ، انا والله خـاطري تجيني ، بالك تريحني لما تخليني نفهم ان مش انا بـس اللي حـبيت ،.
- هي حتى لو الراحة بالفلوس الاكيد مش ح يكون عندي حتى ربع دينار باش نشريها ، حظي ونعرفه ،.
- الزواج لو كان تقليدي ولا غير تقليدي فا هو فالنهاية زواج ، تفرق صح ، لكن يقعد الهدف واحد ، فا المشكلة مش نوع الزواج ، اكتر من انها المشكلة ف الزوز اللي تزوجو أساسهم شنو ،.
- فـ كل مرة كنّا نهـدرزو فيها عـ علاقتنا اللي شبه منتهية كنت نكتب وايدي تـرجف ، المرة هاذي بالذات رجـف قـلبي ، ومنها عـرفت ان علاقتنا فعلا انتهت ،.
- كنت راضية ب الساعتين اللي نقضي فيهم معاك ، كانو ينسوا فيا ف ضيق ال22 ساعة الباقيات ،.