- لازم تتعلم تتقبل فكرة ان ح تقابل هلبا ناس خير منك ف نقطة معينة ، وهذا ما يعنيش ان انت الاقل اهني ، لانك حتى انت خير من هلبا ناس ف نقطة معينة ، التمييز ف المستوى ما يكونش للشخص الكامل ، والتمييز يكون للي طلع ب خير وسط الشر ، نور وسط الظلام ، طريق وسط الضباب ، كل حد ميز نفسه وحدد مكانته ع غيره ب طريقته الخاصة ، لا اكثر ولا اقل ،.
- لما حبيتك ، ما حبيتكش لانك احسن واحد ف العالم ، ولو بنكرهك مش ح نكرهك لانك أسوأ واحد فيه ، لازم تعرف ان شعوري اتجاهك ، ما يتغيرش ع اساس شخصيتك ف دنيتك وعالمك ، اكتر من انه ممكن يتغير ع اساس شخصيتك ف دنيتي وعالمي ،.
- رسالة اشتراك: الباقة قريب تكمل ، والرصيد احني خنبناه باش حضرتك تدبر راسك ، ونجو حضرتنا نخنبوه مرة تانية ، مدابيك المرة هاذي تبحبحها باش تكون غنيمتنا اكثر ، منور يا مفلس ،.
- كسرتي مش فيك ، كسرتي ف قلبي اللي وعدني بالثبات ف غيابك قبل حضورك ، واول ما مشيت ما ترددش ان يهدمني ،.
- هو حتى البرانية اللي قلنا يثمر فيهم الخير اكثر من الاقارب بديء ماعاش يثمر فيهم ،.
- ودعوني ب وجه يضحك ، حسسوني إني مش مهمة ، باش كان غلطت وفكرت نوليلكم ، نتفكر ان حياتكم حلوة هلبا من غيري ، وما نوليش ،.
- نعرف نكون بخير ، ناكل ونشرب ونرقد كويس ، نعرف نباعد ع الناس السلبية ، والمكانات اللي ما نرتاحش فيها .. واللي يشوف يوم من حياتي يقول قداش ما هالانسانة مرتاحة ف حياتها .. حقهم ، لان ما شافوش الا الجانب الحلو ، شافو تصرفاتي مش افكاري ، سمعو صوتي وانا نغني ، لكن ما سمعوش صوت قلبي ، بإختصار هما شهدو ع راحتي مش ع همي ،.
- لما تشوفني نضحي ب الهلبا اللي عندي ع خاطر الشوية اللي عندك ، باش نكون انا وياك متساويين ، ولا لما تشوفني نتضايق ف احلى يوم عندي ، بس لان سمعت ف صوتك خنقة الباكيين ، لما تشوفني نحط ف روحي ف مكانك ، وناخذلك من اللا عذر ، عذر ، وقتها بس اعرف انك وصلت للمكانة اللي فيها نفسي ، ومن ما يعرفش انا ل نفسي شنو وحاطتها وين ،.💙
- اي واحدة تدوي ع صاحبتي ، نحب نقولك ان نتِ وعيلتك وصاحباتك ومعارفك كلهم ، ما تجيش ف ظفرها اللي تلوح فيه ،. :)
- مكانتك عندي انت تحددها مش ال كم سنة اللي تعرفني فيها ، يمكن شخص عرفته امس ، احتل مكان ما قدرش يوصله شخص ليه يعرفني ، سنين الله ،.
- ما كبرتش حد ف عيون الناس ، كل حد يقود نفسه ، لكن صغرت هلبا ف عين نفسهم ، لما درتلهم ديليت ،. :)