- ف اللي يستاهل تفتح معاه كتاب كامل ، مش غير صفحة جديدة ، وف اللي حتى سطر واحد هلبا عليه ،.
- الكلام اللي قعد ف الخاطر وما نقالش وقت المشكلة ، يتحول ل نقطة سودة ف القلب ، لو تكرر هالموقف مرة واثنين واكثر ، ح يتغطى القلب كله ب اللون الاسود ، وصعب هلبا تعرف تنظفه مرة تانية .. فا الخلاصة ، ما تخليش شيء ف قلبك ، ولا كلمة ، ولا حرف ، ما تطمسش صوت قلبك ، طلعه ، ولو زعل منك فلان يومين لانك تكلمت ، ف الثالث ح يرضى ، لكن لو رضيته حتى شهر واثنين ب سكوتك ، يوم يسواد قلبك ، لا انت ، لا ربي عليك بيرضى ،. 💙
- مافيش حد نفعك ، الا وهو يحبك ، ومافيش حد ضرك ، الا وهو يكرهك ، شعورهم اتجاهك ، يعكس ع افعالهم معاك ، فكرة العفوية و ال بلاا قصد ف مواضيع زي هاذي ، غير صحيحة ،.
- انا بايعهم وشاريك ، غير خليك ، حياتي اللي تنورت ب جيتك ، ما نبيهاش تظلم بلا بيك ،.
Forwarded from Deleted Account
- تجيني الفرصة نبدلها ب واحد ونقول لا ، وهي اول فرصة استغلتها باش تبدلني ، اهني ف فرق اصل ، مش فرص ،. :)
- لازم تتعلم تتقبل فكرة ان ح تقابل هلبا ناس خير منك ف نقطة معينة ، وهذا ما يعنيش ان انت الاقل اهني ، لانك حتى انت خير من هلبا ناس ف نقطة معينة ، التمييز ف المستوى ما يكونش للشخص الكامل ، والتمييز يكون للي طلع ب خير وسط الشر ، نور وسط الظلام ، طريق وسط الضباب ، كل حد ميز نفسه وحدد مكانته ع غيره ب طريقته الخاصة ، لا اكثر ولا اقل ،.
- لما حبيتك ، ما حبيتكش لانك احسن واحد ف العالم ، ولو بنكرهك مش ح نكرهك لانك أسوأ واحد فيه ، لازم تعرف ان شعوري اتجاهك ، ما يتغيرش ع اساس شخصيتك ف دنيتك وعالمك ، اكتر من انه ممكن يتغير ع اساس شخصيتك ف دنيتي وعالمي ،.
- رسالة اشتراك: الباقة قريب تكمل ، والرصيد احني خنبناه باش حضرتك تدبر راسك ، ونجو حضرتنا نخنبوه مرة تانية ، مدابيك المرة هاذي تبحبحها باش تكون غنيمتنا اكثر ، منور يا مفلس ،.
- كسرتي مش فيك ، كسرتي ف قلبي اللي وعدني بالثبات ف غيابك قبل حضورك ، واول ما مشيت ما ترددش ان يهدمني ،.
- هو حتى البرانية اللي قلنا يثمر فيهم الخير اكثر من الاقارب بديء ماعاش يثمر فيهم ،.
- ودعوني ب وجه يضحك ، حسسوني إني مش مهمة ، باش كان غلطت وفكرت نوليلكم ، نتفكر ان حياتكم حلوة هلبا من غيري ، وما نوليش ،.