- ما تمنيتش ترجع حاجة فاتت ، وما استنيتش يرجع حد مشي ، كله حاجة انتهي وقتها ومشت ، ل حكمة ، وطالما الحكمة هاذي من ربي ، فا انا الاكيد ح نرضى بيها ،.💙
- حاول انك ما تتوهمش هلبا ف العلاقة ، وخاصة كان حب ، يعني انت شن شعورك بعد عشرة سنين وانت تتفكر ف كيف كنت تقول "نحبك لن نموت وللابد وعد وحق ربي واقسم بالله" وحلفان اكثر واثبات وتأكيد ، ل شخص انت وقتها ما يعنيلكش اصلا ،. :)
- انا ح نقعد مع الشخص اللي قادر يتحمل لحظات نكدي ، خوفي الزايد ، غبائي المتطور ، عيوبي الواضحة ، كلامي ال مش موزون منه ، عتابي ، اسألتي ، وكل تصرفاتي ، انا ح نقعد مع الشخص حب الجانب الاخخي منّي قبل ما يشوف الحلو ، الشخص اللي حب شخصي ب شره قبل خيره وتحمله ،.💙
- الوحدة ، لحظات ما توجعش ، الوحدة لحظات تعلمك تكسر فكرة ان " ايد واحدة ما تصفقش" ، الوحدة تعلمك تصنع سند بدل ما تدور عليه ، الوحدة تقويك ، وتبنيك ، الوحدة لحظات ما توجعش ،.💙
- سهلها ف راسك ، تسهل قدامك ، ما تعقدش الامور ، ما تعطيهاش اكبر من حجمها ، ما تتعبش ف حاجة ما تستاهلش ، وما تخممش ف موضوع من اوله مسكر ، ديما وفر مجهوداتك ، الجسدية والنفسية ، ديما دور راحتك ،.
- كلها تعبي فينا ب الدوة متاع "طيح بروحك و اوقف بروحك ، ما تستناش حد يجي يقيمك ، و و" ، الكلام هذا حلو ، لكن امتى ،؟ لما تكون "فعلا" قد روحك ، لما تكون "فعلا" قادر توقف وقفة ، تضمن بعدها روحك سنيين ما اطيحش طيحة زيها ، ركز لو اكثر منها ممكن ، بس زيها لا .. فا انت ، حاول تتقبل فكرة ان حد يساعدك عادي ، حاول تتقبل فكرة ان انت مش اقوى واحد ف العالم ، وان الضعف ف حاجات مش عيب ، مساعدة الغير مستحبة ، واللي يساعدك ب نية طيبة ربي يحبه ، ما تعقدهاش ، يوم ليك ويوم عليك ، ولو كان اليوم عليك ،؟ فا انت عارف كويس غدوة شنو ، ولانك عارف ، فا لازم ترضى ، وكل ما انت ترضى ، كل ما ربي يزيد يرضيك ، ويرضى عليك ،.💙
- انا حاسة ان عندي كبدة ف دماغي تدره حتى هي ، لان مرات تدره كبدي من كلام وتصرفات عقلي ما تقبلهاش مش من ماكلة ولا حاجة ،. :)
- ما تحاولش تلفت انتباه ب شكلك ولا تصرفاتك ، لان اللي ما شافلكش وانت ع حالك هذا توا ، مش ح يقعد معاك لو حالك هذا عشته بعدين ،. :)
- انا ما عنديش خلوق نوصل الضيف للباب ، لولا الذوق اللي عندي بس ، فا كيف تقولي وصل الكذاب ل فم الباب ، كيف ؟،.
-"جوي"
اغلب البنات لما يشوفوني مرتبة وهكي ، يحساوبني عندي ف الجو التالي:
متلا تجي توقف عليا تبدا تهدرز ع مكانات ف نظرها ونظر امثالها ان مكانات واو ، وتقول نوع تلفونها اللي انا ما سألتهاش عليه ، وعشاهم ، وكم صرفت ، والشكلاطة اللي تحبها ، واللي ما يفوتش يوم الا ولازم تاكلها ، ودبدوبها اللي ترقد جنبه ، وكم مرة سافرت ، بإختصار اي حاجة فيها صرف فلوس تدوي بيها ، اي حاجة ، من اليبرا للصاروخ ، فا انا بعد الدوة هاذي كلها ، شن ندير .. ؟
الاكيد ومن غير بذل مجهود ف التفكير منّي ، نحب نخفض مستوى توقاعت الناس فيا ، فا مش ح نرد زي ما هي تبي ، ولا زي ما انا نبي والله ، لكن انا ح نرد ب "ولا شيء" ح نقعد نشبحلها بس ، بالطريقة هاذي ح تفكر ف هلبا حاجات "زعما قلت حاجة غلط ، ولا كذبتني ، ولا شن صار" ، لكن ف حالة حنيت شوية ، فا ح نقرر نرد ب "به كويس" ، واهني هي ترتبك ، ومش ح تعرف تفتح موضوع تاني ، وربي يحبها كان مشت قبل ما انا نمشي ، ع الاقل يبدا عندها باش تقابل المرة التانية ،.
اغلب البنات لما يشوفوني مرتبة وهكي ، يحساوبني عندي ف الجو التالي:
متلا تجي توقف عليا تبدا تهدرز ع مكانات ف نظرها ونظر امثالها ان مكانات واو ، وتقول نوع تلفونها اللي انا ما سألتهاش عليه ، وعشاهم ، وكم صرفت ، والشكلاطة اللي تحبها ، واللي ما يفوتش يوم الا ولازم تاكلها ، ودبدوبها اللي ترقد جنبه ، وكم مرة سافرت ، بإختصار اي حاجة فيها صرف فلوس تدوي بيها ، اي حاجة ، من اليبرا للصاروخ ، فا انا بعد الدوة هاذي كلها ، شن ندير .. ؟
الاكيد ومن غير بذل مجهود ف التفكير منّي ، نحب نخفض مستوى توقاعت الناس فيا ، فا مش ح نرد زي ما هي تبي ، ولا زي ما انا نبي والله ، لكن انا ح نرد ب "ولا شيء" ح نقعد نشبحلها بس ، بالطريقة هاذي ح تفكر ف هلبا حاجات "زعما قلت حاجة غلط ، ولا كذبتني ، ولا شن صار" ، لكن ف حالة حنيت شوية ، فا ح نقرر نرد ب "به كويس" ، واهني هي ترتبك ، ومش ح تعرف تفتح موضوع تاني ، وربي يحبها كان مشت قبل ما انا نمشي ، ع الاقل يبدا عندها باش تقابل المرة التانية ،.