- من قبل وحتى توا ، المعروف ان ف كل حوش لازم يكون ف سقيفة ، يوقف فيها الضيف يحول كندرته ، ويخش ل دار او صالة استقبال الضيوف ع نظافة ، لذلك جرب ادير منها ف حياتك ، يعني .. مش اي حد تدخله ل حياتك هكي ع طول ، لازم ما يخش ع نظافة ، باش لما يطلع ؟ ما تتعبش وانت تمسح من وراه ،. :)
- اضـحك حتى وانت مغصوص ، اطـلع حتى وانت من داخلك محبوس ، ماعـاش تفكر ف اللي فات ، ف الناس ، ف حاجات تاكلك وتاكل من حياتك ، ولو اضطريت تكابر ، عادي كابر باش تعيش ،.💙
- ما تعبتش امي ع خاطري تسعة شهور ، باش لما نكبر ، نسعى جاهدة ان نرضيك ، او نحافظ عليك ، او اي حاجة من الكلام الفارغ هذا ،.
- ببساطة اكثر ، حتى البطل اللي يحمي ف الناس كلهم ، ح يفرح هلبا لو لقي بطل تاني يحامي عليه ،. :)💙
- الحاجة لما تزيد ع حدها تبياخ ، زي الضحك ، والبصارة ، وحتى البكاء والزعل .. يعني لما تزعل منّي ، ونتأسف منك ونراضيك ، يا ارضى يا اسكت لن ترضى ، لكن ما تقعدش كل شوية تبينلي قداش ما انت زعلان منّي ، لان انا ما عندي ما بنديرلك بعد اللي درته ، بالعربية ،. :)
- ما تمنيتش ترجع حاجة فاتت ، وما استنيتش يرجع حد مشي ، كله حاجة انتهي وقتها ومشت ، ل حكمة ، وطالما الحكمة هاذي من ربي ، فا انا الاكيد ح نرضى بيها ،.💙
- حاول انك ما تتوهمش هلبا ف العلاقة ، وخاصة كان حب ، يعني انت شن شعورك بعد عشرة سنين وانت تتفكر ف كيف كنت تقول "نحبك لن نموت وللابد وعد وحق ربي واقسم بالله" وحلفان اكثر واثبات وتأكيد ، ل شخص انت وقتها ما يعنيلكش اصلا ،. :)
- انا ح نقعد مع الشخص اللي قادر يتحمل لحظات نكدي ، خوفي الزايد ، غبائي المتطور ، عيوبي الواضحة ، كلامي ال مش موزون منه ، عتابي ، اسألتي ، وكل تصرفاتي ، انا ح نقعد مع الشخص حب الجانب الاخخي منّي قبل ما يشوف الحلو ، الشخص اللي حب شخصي ب شره قبل خيره وتحمله ،.💙
- الوحدة ، لحظات ما توجعش ، الوحدة لحظات تعلمك تكسر فكرة ان " ايد واحدة ما تصفقش" ، الوحدة تعلمك تصنع سند بدل ما تدور عليه ، الوحدة تقويك ، وتبنيك ، الوحدة لحظات ما توجعش ،.💙
- سهلها ف راسك ، تسهل قدامك ، ما تعقدش الامور ، ما تعطيهاش اكبر من حجمها ، ما تتعبش ف حاجة ما تستاهلش ، وما تخممش ف موضوع من اوله مسكر ، ديما وفر مجهوداتك ، الجسدية والنفسية ، ديما دور راحتك ،.