- احني غلطنا لما صبرنا ع حاجات واحني عارفين ان صبرنا عليها ظلم ف حق نفسنا ، احني غلطنا وصبرنا ع حاجات؟ كان لازم نخلوها من اول دقيقة ،.

- نحبك من اهني ل حوشكم ، وحوشكم بعيد هلبا ،.♥️

الناس: ما صح وجهك هالة،.
انا: ما غلط وجهك ،. :)

- خلوني ف حالي ، انا قد روحي ، و أدرى بيها ،.

- ما تلومنيش ،.
لما تلقوني نبكي منه من وراه ، ونضحك معاه ،. :)

- ما تضغطش ع طاسة امية أرتويت منها ، كان انكسرت ؟ ح تكون خسارتك ب اثنين ، الاولى هي والثانية جرح ايدك ،.

- انت لو ما قدرتش ظروفي ، يعني ما قدرتنيش ، ولو ما قدرتنيش ، ما تلزمنيش ،.

- عندك صراف خمسة ،؟
= لا انا نصرف ف الناس ب راحتي بس ،.

- افتحولي اغنية حزينة ، طلعو من حياتي ولازم نتأثر عيب ،.

- طِفلة وتعلمت المشي ف طريقك ، يا بختك قداش حباتك ،.♥️

- 🖤💙

- انا وقت البكاء ،؟ عيوني و لا يجي ف ربعهم نهر النيل ، وتي اما دجلة والفرات ،. 🤣

- الحب لو ما كانش رحمة للقلب ، عمره ما كان حب ،.

- من قبل وحتى توا ، المعروف ان ف كل حوش لازم يكون ف سقيفة ، يوقف فيها الضيف يحول كندرته ، ويخش ل دار او صالة استقبال الضيوف ع نظافة ، لذلك جرب ادير منها ف حياتك ، يعني .. مش اي حد تدخله ل حياتك هكي ع طول ، لازم ما يخش ع نظافة ، باش لما يطلع ؟ ما تتعبش وانت تمسح من وراه ،. :)

- انتِ ك بنت ، نظافتك الشخصية اهم من صوتك الناعم ،.

- اضـحك حتى وانت مغصوص ، اطـلع حتى وانت من داخلك محبوس ، ماعـاش تفكر ف اللي فات ، ف الناس ، ف حاجات تاكلك وتاكل من حياتك ، ولو اضطريت تكابر ، عادي كابر باش تعيش ،.💙

- ما تعبتش امي ع خاطري تسعة شهور ، باش لما نكبر ، نسعى جاهدة ان نرضيك ، او نحافظ عليك ، او اي حاجة من الكلام الفارغ هذا ،.

- موجوع قلبي على حاله ،. :(

- استاحشتك اللي تجي ب حضنها ، مافيش احلى منها ،.♥️💙

- انا ح نعرف ننوض بروحي لو طحت ، لكن صدقني ح نفرح هلبا لو مديتلي ايدك ،.

- ببساطة اكثر ، حتى البطل اللي يحمي ف الناس كلهم ، ح يفرح هلبا لو لقي بطل تاني يحامي عليه ،. :)💙