- لما مالِت دنيتها ،؟ ما شافتش شيء متعدل غيره ، اهني عرفت ان حبهم عمره ما كان مجرد حب ،.♥️💙

- انا لما نغيب ، ما نغيبش من الفراغ ، ما نغيبش لان نبي نشوف من يفقدني ومن لا ، ما نغيبش لان نبي نشوف روحي نقدر نعيش من غير ما نخالط حد ولا لا ، ما نغيبش لان عندي شكوك مراهقين ، نبي نثبتها ولا نبطلها ، انا لما نغيب ، ممكن يكون عندي سبب ، وممكن تكون مجرد رغبة ف الغياب بس ، لكن؟ ما نغيبش من الفراغ وتم ،.

- يتعوج ظهرك من همك ، و لا يتعدل ب جميل غيرك ،.

- الساعة اربعة الفجر ، وغدوة قراية ، حالي جدا باهي ،. :)

- تصبحو ع واقع احسن ، بقلب اقوى ، ونفسية تمام ،.♥️💙

- خايفة نباعد عليك ، نكون باعدت نفسي ع راحتها ،.

- ما جابتنيش ليك صدفة ، روحي ب كامل إرادتها كانت واخدتني ليك ،.♥️💙

- اللي تجمعك بيه ايام شينة وحبك فيها ، اكثر شخص ح تشوف معاه ايام هلبا حلوة ،.

- حتى لو كنت سيء ، حتى لو كنت ما تعرفش حاجة اسمها خير ، ارجوك لو وعدت حد "بالقرب" ، ما "تباعدش" ،.

- ♥️💙

- لما حبيت ب السر ، كنت نخاف تجي عيني ف عينه ، يحس بيا وب اللي ف داخلي ، كنت نحب نشد حاجة كان هو شادها ونشمها ، ف كل مرة كتت واثقة ان ح نلقى ريحته فيها ، كنت نجي للمكان اللي كان واقف فيه ، ونحاول نوقف ف مكانه بالتمام ، كان يجيني شعور ان هو قاعد واقف وانا اخترقته ووقفت ف مكانه وولينا واحد ، كنت ندير ف تصرفات غبية من حبي ليه ، لكن والله كنت فرحانة ، ممكن لان كنت نحبه ،.♥️💙

- ردوني ل اولى ابتدائي ، يوم كنت مش فاهمة ف الدنيا شيء ، لكن كان بوي دنيتي عايش ،.

- حتى انا ضحكتي حلوة وتفاصيلها احلى ، انتم غير ضحكوني بس ،.

- لما انكتبلي نعيش ف خزان احزان ،؟ قعدت نعوم وعادي ، لان اصلا نص كتاب العلوم كان مكتوب فيه اهم شيء انك تتكيف مع البيئة المحيطة ،.

- اما عن ذنوبك ؟ يكفيك ان تعلم انك قد فطرت القلب الذي كان تائها ف عشقك ،. !

- وإن كان في مسائي خير ؟ فهّو وجهك ،.♥️

- قلدوني حتى ف الفواصل ، غير كان محبةً فيا مش حسد والله عادي ،.💙

- الطبع يغلب التطبع ،. :)

- احني غلطنا لما صبرنا ع حاجات واحني عارفين ان صبرنا عليها ظلم ف حق نفسنا ، احني غلطنا وصبرنا ع حاجات؟ كان لازم نخلوها من اول دقيقة ،.

- نحبك من اهني ل حوشكم ، وحوشكم بعيد هلبا ،.♥️