- ربي ما تباعدش علينا ناس ، قريبة من قلوبنا هلبا ،.

- ويجي ع بالك الشخص اللي شاغل بالك ف الوقت اللي تخطر ع بالك فكرة ان تنساه وتريح بالك ،.

- اغرق ، وما تاخدش من حد عوامة ، كان يبي يعطيها ل غيرك ، غير غيرك رخي بيه ،. :)

- كل حد فالدنيا هاذي معاه حد ، لمجرد انه "يحس" ، انت حتى لو جيت سألت حد ، "عندك حبيب؟" ، وقال: لا ، "عندك صديق؟" ، وقال: لا ، صدقه عادي .. لكن لازم تعرف ان هو عنده حد ، لان لحظات الواحد يكون عنده حبيب ، لكن الحبيب هذا مش معاه ل ظروف معينة ، ونفس الشيء الصديق ، فا انت ما تحطش ف بالك فكرة ان حياته فارغة ، وتقدر تكون شن تبي ف حياته ، لمجرد ان مافيش حد معاه "فعليا" ، لان اللي معاه "شعوريا" ، صعب هلبا ان حد يكون ف مكانه ،.♥️💙

- انا ماضيك ، وحاضرك ، ومستقبلك ، لو محيتني ف اي فترة منهم ، ح تمتحى الفترة كلها معاي ، ببساطة اكثر انا كل حياتك ،.

- "ما ترخيش ب ايد شدت على يدك" ، نصيحة سمعتها ب اكثر من طريقة ، ومشيتها ب "صح ، فعلا ، اي والله" ، لانك كنت وقتها ف الوسع ، لكن اول ما تضيق بيك ، ح تفهمها حرف حرف ،.

- عندي شعور بالغربة بين اللي من دمي ، شعور هلبا اخخي ،.

- ما فهمتش روحي ، ممكن تفهمني ،.

- انا اسفة ، غلطت فيا ، وحقي عليا ،.

- خلي خيالك واسع عادي ، لكن ما تخليش خيالك يخليك تتخايلني وانا قاعدة نغير ف روحي ، ونعدل ف كلامي ، ونقيس في تصرفاتي ب المسطرة ، علاش؟ باش ترضى ، باش نبدا كاملة ف عيونك ، باش نعجبك ، باش نناسبك ، باش اخخخ وخلاص ،.

- لما مالِت دنيتها ،؟ ما شافتش شيء متعدل غيره ، اهني عرفت ان حبهم عمره ما كان مجرد حب ،.♥️💙

- انا لما نغيب ، ما نغيبش من الفراغ ، ما نغيبش لان نبي نشوف من يفقدني ومن لا ، ما نغيبش لان نبي نشوف روحي نقدر نعيش من غير ما نخالط حد ولا لا ، ما نغيبش لان عندي شكوك مراهقين ، نبي نثبتها ولا نبطلها ، انا لما نغيب ، ممكن يكون عندي سبب ، وممكن تكون مجرد رغبة ف الغياب بس ، لكن؟ ما نغيبش من الفراغ وتم ،.

- يتعوج ظهرك من همك ، و لا يتعدل ب جميل غيرك ،.

- الساعة اربعة الفجر ، وغدوة قراية ، حالي جدا باهي ،. :)

- تصبحو ع واقع احسن ، بقلب اقوى ، ونفسية تمام ،.♥️💙

- خايفة نباعد عليك ، نكون باعدت نفسي ع راحتها ،.

- ما جابتنيش ليك صدفة ، روحي ب كامل إرادتها كانت واخدتني ليك ،.♥️💙

- اللي تجمعك بيه ايام شينة وحبك فيها ، اكثر شخص ح تشوف معاه ايام هلبا حلوة ،.

- حتى لو كنت سيء ، حتى لو كنت ما تعرفش حاجة اسمها خير ، ارجوك لو وعدت حد "بالقرب" ، ما "تباعدش" ،.

- ♥️💙

- لما حبيت ب السر ، كنت نخاف تجي عيني ف عينه ، يحس بيا وب اللي ف داخلي ، كنت نحب نشد حاجة كان هو شادها ونشمها ، ف كل مرة كتت واثقة ان ح نلقى ريحته فيها ، كنت نجي للمكان اللي كان واقف فيه ، ونحاول نوقف ف مكانه بالتمام ، كان يجيني شعور ان هو قاعد واقف وانا اخترقته ووقفت ف مكانه وولينا واحد ، كنت ندير ف تصرفات غبية من حبي ليه ، لكن والله كنت فرحانة ، ممكن لان كنت نحبه ،.♥️💙