- علاش كلكم حاسيين ان ما عاش ف صحاب بجديات ، بالعكس انتم المفروض تحولوه من مجرد احساس ل انكم تكونو متأكدين ،.
- لما بتفتح معاي هدرزة قول اي كلمة ف البداية ما عدا مرحبا ومراحب ، ما خاطريش يجيني قداد من الاخير يعني ،.
- ما فيهاش كيف تكشفوني ع حقيقتي من الاول ؟ ولا لازم تعاشروني وتجهزو مشهد ما بعد العشرة وتحكولي فيه ع صدمتكم فيا .. ؟
- مهما حكيت تقعد ف حاجات ما تنقالش ، محصورة بين القلب وعظمة اللسان ، ب حكم العقل ،.
- صعب نفهمك اللي حسيته ، صعب نشرحلك معاناتي ، صعب نقولك اللي خاطري نقوله ، صعب عليا وعلى قلبي ، والله صعب ،.
- ع فكرة ف اعذار ما تتصنفش حتى كذب باش ما تصدقهاش ، لا تحسها نذالة زايدة وعيب تتصدق اصلا ،.
- انا نقول ان واحدة من علامات انك شخص كويس ، هي ان بعد ما تكمل العركة ، تبدا تقول المفروض رديت هكي ، ودرت هكي ، والمرة الجاية لما ندير هكي ، وما اديرش ،.
- نصيحة باهي ، لما تبدا عندك مشكلة مع حد ، وتبي تحلها ، جرب حلها مع روحك قبل ، بعدين تناقش معاه ،.
- ف حاجات ما ينفعش تاخد اكثر من وقتها ، لانها لو طولت ، ح تنهيك منغير ما تحس بيها ،.