- اللي ما فهمتاش ، ان اغلب الناس يحبو يطورو من نفسهم ، ب طريقة ما تشبهمش ، يعني متلا حد يرسم ، وحس ان فاشل ف حياته ، فا الصح ان يطور من نفسه ف الرسم ، ويتعلم حاجات تانية معاه عادي ، لكن اللي قاعد يصير ، ان الناس تفوت ف القدرات اللي عندها ، وتحاول تبدع ف قدرات ناس تانية ، وتبي تطور من نفسها باش تفوتهم ، قصدي انا فكرت تعبت ، يا بالك هما اللي عايشين الفكرة ،. :"/
- هو عادي الدولة تخليني ناخد الشهادة الثانوية السنة هاذي ، من غير ما نتبهدل زي ما تبهدلو اللي قبلي ، ولا الموضوع ولى من ضمن العادات ، والتقاليد ؟،.
- ما عمريش بعت حد ، ولا نفكر نبيع حد ، بعيد ع دوة اصلي ، انا ما نعرفش نضر ، يا نخليك صاحب ونعاملك كويس ، يا نطلعك من حياتي وما نتعاملش معاك من الاساس ،.
- بالله اي حد غلطت فيه ما يسامحنيش ، نبي نحس ان انا فعلا غلطت وحسسته ب اللي نبيه يحسه ، لدرجة مش قادر يسامحني ،.
- علاش كلكم حاسيين ان ما عاش ف صحاب بجديات ، بالعكس انتم المفروض تحولوه من مجرد احساس ل انكم تكونو متأكدين ،.
- لما بتفتح معاي هدرزة قول اي كلمة ف البداية ما عدا مرحبا ومراحب ، ما خاطريش يجيني قداد من الاخير يعني ،.
- ما فيهاش كيف تكشفوني ع حقيقتي من الاول ؟ ولا لازم تعاشروني وتجهزو مشهد ما بعد العشرة وتحكولي فيه ع صدمتكم فيا .. ؟
- مهما حكيت تقعد ف حاجات ما تنقالش ، محصورة بين القلب وعظمة اللسان ، ب حكم العقل ،.
- صعب نفهمك اللي حسيته ، صعب نشرحلك معاناتي ، صعب نقولك اللي خاطري نقوله ، صعب عليا وعلى قلبي ، والله صعب ،.