- المشكلة مش ف ان عيلتك تربيك ولا لا، المشكلة ف انك تجي صايع بالفطرة ،.

- انا ك انسان يحب (يتصرف ، يتكلم ، يلبس ، ياكل ) ب الطريقة اللي تعجبه ، وجي عايش ف مجتمع يحكم ع الشخص من مظهره الخارجي ، مش ح يهمني رايهم فيا ، وف مظهري الخارجي والداخلي والجانبي كان في ، لان انا وببساطة انسان مكمل روحه ، ف عيونه ، كونت ل نفسي الشخصية اللي نبيها ، ب لبس ، واسلوب ، وغيره ، فا الفترة اللي كونت فيها نفسي ، ما كانتش هينة ، باش نتراجع ع كل قرار خديته فيها ، بس لان ف حد حكم عليا ب طريقة اخخي ، وخدي عليا فكرة ، وصوره ..

كنت نقول اخر همي الناس ، لكن توا هما لا أوله ، لا اخره ، هما مش ف قائمة همومي اصلا ،.

- عن شخص قالك انت تستاهل حد خير منّي ، وما يعرفش انك حبيته من دون ولا خير منه ،.

- عادي دير هلبا صحاب ، لكن حط زوز ولا تلاتة ف القلب بس ، لان لو كانو هلبا ، وطلعو منه بالواحد ، ح يترفس هلبا ، وح تتوجع اكثر ،. :)

- كل شيء ممكن يتصلح لما القلوب تتصفى ، واي كلام غير هذا تلقاه عند اللي نيته خاربه بس ،.

- مع الوقت ح تكتشف ان ف نوع من القرارات هي خداتك مش انت خديتها ،.

- ف مرحلة معينة من عمرك ح تكتشف انك كنت غبي هلبا ف عدة مواقف ، وع الاغلب انت ح تكون غبي ف مواقف تانية مختلفة ع اللي فاتت ، لذلك بدل ما تقضي عمرك وانت تكتشف ف غباءك وتفرح ، حاول تكون ذكي ف الجايات ،.

- اللي ما فهمتاش ، ان اغلب الناس يحبو يطورو من نفسهم ، ب طريقة ما تشبهمش ، يعني متلا حد يرسم ، وحس ان فاشل ف حياته ، فا الصح ان يطور من نفسه ف الرسم ، ويتعلم حاجات تانية معاه عادي ، لكن اللي قاعد يصير ، ان الناس تفوت ف القدرات اللي عندها ، وتحاول تبدع ف قدرات ناس تانية ، وتبي تطور من نفسها باش تفوتهم ، قصدي انا فكرت تعبت ، يا بالك هما اللي عايشين الفكرة ،. :"/

- هو عادي الدولة تخليني ناخد الشهادة الثانوية السنة هاذي ، من غير ما نتبهدل زي ما تبهدلو اللي قبلي ، ولا الموضوع ولى من ضمن العادات ، والتقاليد ؟،.

- انا والله شخص مش مزاجي مع الناس ، المسألة ، مسألة عندي ليك خلوق ولا لا بس ،.

- ما عمريش بعت حد ، ولا نفكر نبيع حد ، بعيد ع دوة اصلي ، انا ما نعرفش نضر ، يا نخليك صاحب ونعاملك كويس ، يا نطلعك من حياتي وما نتعاملش معاك من الاساس ،.

- مرات الواقع يكون احلى من الحلم ، خلي يكون عندكم علم بس ،.

- بالله اي حد غلطت فيه ما يسامحنيش ، نبي نحس ان انا فعلا غلطت وحسسته ب اللي نبيه يحسه ، لدرجة مش قادر يسامحني ،.

- ف رسائل لازم اديرلها سكرين ، وتطبعها ، وتعلقها صورة ف دارك ، من جمالها.♥️💙

- احني صحاب جمعنا الهم قبل الراحة والزعل قبل الفرح ، ف رايك ف شيء ممكن يباعدنا ؟،.

- كانت تنسى ف همومها ب كلمة منه ، اصلا ما اعتقدش كان عندها هموم لما كانت معاه ،.

- احني ناس الليل ، حكاياتنا هلبا ، وهمومنا اكتر ،.

- تصبحو ع واقع احسن ، بقلب اقوى ، ونفسية تمام ،.♥️💙

- علاش كلكم حاسيين ان ما عاش ف صحاب بجديات ، بالعكس انتم المفروض تحولوه من مجرد احساس ل انكم تكونو متأكدين ،.

- لما بتفتح معاي هدرزة قول اي كلمة ف البداية ما عدا مرحبا ومراحب ، ما خاطريش يجيني قداد من الاخير يعني ،.

- ما فيهاش كيف تكشفوني ع حقيقتي من الاول ؟ ولا لازم تعاشروني وتجهزو مشهد ما بعد العشرة وتحكولي فيه ع صدمتكم فيا .. ؟