- نبي نشوف حتى خياله بس يا امي ، نوعدك بعدها نولي بنتك اللي عرفيتها ، نبي نسمع النفس متاعه بس يا امي ، نوعدك بعدها نولي بنتك اللي عرفيتها ، نبي نلمحه ولو شوية بس يا امي ، نوعدك نولي بعدها بنتك اللي عرفيتها ، ويا امي مدامهه هو بعيد ، سامحيني انا حتى روحي تايهة بين الارواح ومش عارفتها ،.
- في اقصى درجات الحب قال علي نجم "حتى ظلمتي تضيء لـ أجلك" ، وانا وصلت ل اقصى درجات الحب معاك ، انا فعلا لقيت روحي حتى وقت نكون مضايقة او زعلانة ومهمومة ، نضحك ع خاطرك ، واللي حبيته انك وقتها توصل ل اقصى درجات الحب معاي ، وتهون عليا ، منغير ما تسألني علاش مضايقة وزعلانه ومهمومة ، حبيت اقصى درجات حبنا ، وحبيتك بزيادة منها ، ونحبك ،.♥️
- الاستقرار النفسي اهم بهلبا من الاستقرار الاجتماعي ، أنت ممكن تهرب من محيطك لو مش مستقر فيه ، لكن ما تقدرش تهرب من روحك ،.
- الناس اللي عندها ذوق ، واللي تعرف تقدر الشيء اللي نقدمولهم فيه ، حتى البسيط منه ، هاذم فاتو النعمة ، هاذم حاجة صعب توصفها وتقيمها ، شكرا ليكم والله.💙
- حلوة كلمة "درتها ع خاطرك" ، "جيت ع خاطرك" ، "خديتها ع خاطرك" ، يعني انت ما تفكرش فيها ك كلمة ولا ك أسلوب ، فكر فيها بطريقة تانية ، وهي ان عندك خاطر عند الشخص هذا ، بجديات حاجة تفرح هلبا ،.💙
- ف حاجات مهما قربت منّي ما يحقلكش تعرفها ، وف حدود مهما قربت منّي ما يحقلكش تتخطاها ، مش قلة ثقة ، لكن انا ما نبيش لما يجي يوم وتمشي ، ولا يجي يوم وتتغير ، نطلع منها خاسرة ،.