- ياريتك حطيت شوك ف قلبي بدال حبك ، ممكن وقتها ما كنتش ح نزعل لو مشيت .. وتباعدت .. !
- ياريتكم ما قلتوش الكلام اللي خلانا نبنو عليه هلبا احلام ، واللي نباتو ليالي ، وليالي نراجعو فيه ، ب عيون تلمع ، وفم يضحك ، ياريتكم تبكشتو وقتها ولا قلتوه ، ولا ياريتنا انطرشنا وما سمعناه،.
- رسِيت علاقتنا ع بر "الممكن ، والاحتمالات ، والظروف ، والبعد ، والتشويش ، والزعل ، والتضحيات منغير فائدة ، واللوم ، وقلة النوم" ، بينما كان قاربنا يبحر باش يوصل ل بر "الامان والاستقرار" ..
زعلنا انا ، والقارب ، والبحر ، ربي يسامحك بس.
زعلنا انا ، والقارب ، والبحر ، ربي يسامحك بس.
- مشيت ورا قلبي ، لان قلبي ماشي وراك ، قعدنا ماشيين ورا بعض ، لن وصلتنا ل حفرة ، تخطيتها انت الاول ب خبثك ، وقلبي ب نيته البيضة طاح فيها ، وقعدت انا واقفة ما بين نطلع قلبي من الحفرة اللي طاح فيها ، ولا نلحقك ونسألك علاش درت هكي؟ ،.
- "نتمنى من كل حد ضايفني او يتابع فيا ع الفيس ينسخ البوست هذا ع صفحته ارجوكم".
للمرة الثالثة ، الاكاونت متاعي سكروه ، ما فهمتش ل شنو يبو يوصلو ، وع فكرة ماعاش يهمني نفهم ،!
"حاليا" انا ماعاش ح نفتح ولا اكاونت ع الفيس ، الا ف حالة رديت الاكاونت الاول ،.
فا اي اكاونت ع الفيس نشط توا ، ما يمثلنيش ،.
اي حد يبي يتابعني هذا التيلجرام متاعي:
@halaben02
هالة الفيتوري.
للمرة الثالثة ، الاكاونت متاعي سكروه ، ما فهمتش ل شنو يبو يوصلو ، وع فكرة ماعاش يهمني نفهم ،!
"حاليا" انا ماعاش ح نفتح ولا اكاونت ع الفيس ، الا ف حالة رديت الاكاونت الاول ،.
فا اي اكاونت ع الفيس نشط توا ، ما يمثلنيش ،.
اي حد يبي يتابعني هذا التيلجرام متاعي:
@halaben02
هالة الفيتوري.
- اضحـكي ،.
مـش بس لأنك تستاهلي ، لا اضحكي لأن قـلبك الحلو محتاج يسمع ضحكتك الحلوة ، ولأن مع كل ضحكة تضحكيها ، هو قاعد يرمي فـ الهموم المتراكمة عليه ، وكأن بضحكتك فتحتيله ابواب الفرج ، اللي طلعت كل حاجة اخخي فـ داخلك ، وقالت لكل حاجة حلوة تفضلي مكانك فـ قلبي ، اضحـكي ، وخلي قلبك يضحك ،.💙
مـش بس لأنك تستاهلي ، لا اضحكي لأن قـلبك الحلو محتاج يسمع ضحكتك الحلوة ، ولأن مع كل ضحكة تضحكيها ، هو قاعد يرمي فـ الهموم المتراكمة عليه ، وكأن بضحكتك فتحتيله ابواب الفرج ، اللي طلعت كل حاجة اخخي فـ داخلك ، وقالت لكل حاجة حلوة تفضلي مكانك فـ قلبي ، اضحـكي ، وخلي قلبك يضحك ،.💙
- لو نحكيلك ع اللي فكرت فيه اليوم ، بدل ما نحكيلك ع شن درت اليوم ، ح يوجعك قلبك ، حياتي حلوة ، لكن الحياة اللي ف داخلي اخخي هلبا وتوجع هلبا ،.
- الذكريات حلوة تقعد ذكريات حلوة ب غض النظر ع بشاعة اصحابها ، احني لازم نفوتو التناقض ، ونبطلو نذمو شعور حلو حسيناه ف يوم ، بس لانه تبدل ب شعور اخخي ،.
- "اللي يبي الورد يتحمل شوكه" ،.
عـ فكرة هذا وهم ، اللي يبي الورد يحول شوكه باش يقدر يشده ويحتويه بين يديه ، والورد ؟ لازم يرضى يتنازل ع شوكه ، ويساهل ع اللي يحبه ، ويحب ريحته ،.
- الخلاصة ما تجرحش روحك ب حجة انا نحب ولازم نتحمل ، وفنفس الوقت ما نقولش ما نتنازلش لان اللي يحبني ح يتحملني ، كل انسان عنده سقف طاقة ، ولو تحمل فوق طاقته ، ح يجي يوم والسقف يطيح عليه ،.💙
عـ فكرة هذا وهم ، اللي يبي الورد يحول شوكه باش يقدر يشده ويحتويه بين يديه ، والورد ؟ لازم يرضى يتنازل ع شوكه ، ويساهل ع اللي يحبه ، ويحب ريحته ،.
- الخلاصة ما تجرحش روحك ب حجة انا نحب ولازم نتحمل ، وفنفس الوقت ما نقولش ما نتنازلش لان اللي يحبني ح يتحملني ، كل انسان عنده سقف طاقة ، ولو تحمل فوق طاقته ، ح يجي يوم والسقف يطيح عليه ،.💙
- نبي نشوف حتى خياله بس يا امي ، نوعدك بعدها نولي بنتك اللي عرفيتها ، نبي نسمع النفس متاعه بس يا امي ، نوعدك بعدها نولي بنتك اللي عرفيتها ، نبي نلمحه ولو شوية بس يا امي ، نوعدك نولي بعدها بنتك اللي عرفيتها ، ويا امي مدامهه هو بعيد ، سامحيني انا حتى روحي تايهة بين الارواح ومش عارفتها ،.