- تصدق إني بديت نقول ياريتني بكيت عليك ، ولا بكيت منك.

- انـا ليك كتف ، وعين ثالثة ، انـا ليك الدقيقة ال91 اللي مش موجودة فـ تاريخ الكورة ، انا ليك نور من بداية النفق مش غير نهايته ، انـا ليك دنـيا ما فيهاش زعـل ، وعـالم مافيشي حـروب ، وقـلب يعرف يحـب وما يعـرفش يـكره ، انـا ليك جـنة والله.♥️

- ما كانش معاي ، كان فيا.

- الروح لروحك تغلى ، والخاطر ع خاطرك يهون.

- يا قلب حنّ ، وخلي صاحبك يرجع.

- احني نزعلو لو قعدتو معانا فوق من قلبكم ، اكتر من ان نزعلو لان مشيتو.

- تحبني ولا تكرهني ما تفرقش ، تباعد ولا تقرب ما تفرقش ، كلك ع بعضك عندي ما تفرقش طالما انا ما نبادلش فيك لا ف حب ، ولا ف كره ، ولا وملهوفة ع إني نقرب منك ، ولا نجري ع إني نباعد عليك ، انا ممكن يفرق عندي الغريب اكتر منك صدقني ،.

- فـي رايكم نـور الورفلي ، وغـفران ، ووعـد ، ودانيـة ، ونـورا نصـر ، ومـيسو ، وسجـى ، وسـارة خالد ، ومشـارق ، وحـنين ، ومـيم ، ونـون ، ورانـيا ، ومعالي يكـتبو من الفـراغ ؟ ولا الاحـساس اللي فـ كلامهم ما بين راحة ووجع من الفـراغ ؟

_راهـو الناس تحـس ، وهاذم يفـرغو فـ كل شعور بالكـتابة ، وربي يعلم ما في قلوبهم ، وعاجـزين يفسروه ، مـا بالك اللي ما يعرفش يحكي ويعبر ، وكاتم! لذلك بطلو تزرعو شعور مش لطيف فـ قلب حد ، وحـسو ببعض.💔💙

- "ان شاء الله غير اللي بعدي ما يوجعوكش زي ما وجعتني".

- دير بالك من اللي عاودلك الدوة ، اكتر من اللي قالها ،.

- هلبا اشباه صحاب ، ساندهم حقك ، لكن ما تنسدنش عليهم ،.

- برود اتجاهك مش طبيعي ، لهفتي اتجاهك انعدمت.

- ف غربتي ؟ انت وطني ، ف عسري ؟ انت يسري ، ف ظلامي ؟ انت نوري ، ف زعلي ؟ انت فرحي ، عرفت علاش نحبك ؟..❤️💙

- ايام خاطري نمسحها من ذاكرتي :

- يوم اعترفنا فيه ب حبنا ل بعض.
- يوم سهرتنا اللي كانت كلها وعود.
- يوم سمعنا اصوات بعض اول مرة.
- يوم سامتحك ع اول غلطة.
- يوم كتبتلي رسالة طويلة ووثقتها وخليتها ذكرى.
- يوم اعطيتني اغنية وقلتلي تحكي علينا.
- يوم قلتلي انتِ سري اللي مش ح نحكيه ل حد.
- يوم نهينا علاقتنا .
- يوم شفتك.
- يوم تعرفت عليك.

..!

- صح احني الزوز مشينا ، لكن انا نمشي ونتلفت صدقني ،.

- كنتم سند ، بس سند هش ، هش .. ! هذا علاش طحنا وانكسرنا..

- باهي انا نبيهم كلهم يختفو ، ويحضر بابا بس ! :(💔

- راضية تاخدو نصيبي من الفرح وتعطوهولها !

- انتهت قصتنا قبل ما تبدا ، انتهت قصتنا قبل ما نشبع فيك حب !

- "ما كانش يحبني"

كان يحب سؤالي عليه ، من دونهم كلهم.
كان يحب اهتمامي بتفاصيله اللي هو بروحه مش ملاحظهم.
كان يحب مكالمتي متاع نص الليل اللي كلها وصايا من خوفي عليه.
كان يحب وقفتي معاه ، ومساندتي ليه ، وقت تضيق بيه.
كان يحب هدرزتي عليه ، ومدحي ليه قدام كل من يعرفنا.

كان يحب فكرة إني نحبه ونخاف عليه من دقة الشوكة ، وفكرة إني مستعدة ندير اي حاجة ، غير المهم يكون هو بخير .. هو ما كانش يحبني كان "يحب كل حاجة تنفع روحه" ،.

- كلهم فاتو عادي ، الا هو وقف ف نص حياتي وقلبي وعقلي ، وطبعا انا ما اعترضتش ،.♥️