- قـناة "باسسل" اول قناة دارت البـوست متاع (احـسن قنوات فـ التيلي ممكن تشوفهم ، ولا احـسن ناس يكـتبو فـ التيلي) ، الـمهم ..
هـو كان كاتب مجموعة قنوات ، فا شن صـار ، البوست نـسخه اكتر من واحد ، بنفس الصيغة اللي كـتبها باسسل ، "وهو عادي ان كل واحد يحط اسماء القنوات اللي يحبهم" لكن اللي صار بشكل ملحوظ هو كـل واحد بدء يمـسح فـ اسم القنـاة اللي ما يحـبهاش ، ولا اللي متعارك مع الادمن متاعها ، ويحط بدالها اسم اي قـناة تانية ، الموضوع ماعاش بدء ان نحـط اسماء القنوات اللي نحبهم ، الموضوع تحـول لـ فشش غل ، وتلقيح ، وتفريغ حـسد ، وهلبا حاجات اخخي ،.

قـرف اقسم بالله..💙

_هالة الفيتوري

- كل غالي ، يمر عليه موسم تخفيضات ، ويرخص ، والموسم اللي بعده يتلوح ..

- يوم يتعب القلب ، يفيض الشعور الحلو بطريقة توجع ،.

- كمية قرف كبيرة اتجاه الكلام الحلو ، والغزل ، ومحاولة جلب الانتباه ، والتلميحات بالاعجاب ، والحب ... الخ.

- كـنت مستنية تصـير معجزة تخليك تجيني ، اكتشفت ان المعجزة صارت لما ربي اختارلي الخيّرة وباعدك عليا وقت كنت شادة فيك ب يديا وسنوني ورابطة حبال قلبي فيك ،.

- عـلي نجم:
"من ذاتِ الشجرة صنعوا كماناً وبندقية".
-هـالة:
"ومن ذاتِ القلب يفيض الحب والكره".
💙💙.

- كسرك حـ يتجبر ، وحـ تتعافى ، وحـ تطلع من الظلام اللي انت فيه للنور ، لكن مش حـ تكون نفس الشخص ، شخصك ضاع من يوم اللي طحت ، واللي حـ يوقف غدوة ، شخص تاني ، شخص مش ممكن يطيح ، غدوة انت اقوى.💙

- مش حـ تلقاني فـ طابور اللي يستنو فيك ، ومش حـ تلقاني فـ زحمة ناس ينادو بإسمك ، ومش حـ تلقاني فـ محطة المشتاقين ، انا فـ طابور اللي استغنو ، وفـ زحمة اللي مش على بالهم من جي ومن مشي ، وفـ محطة اللي باعو الحب والشوق ، ويستنو ف قطار راحتهم ،.💙

- هلبا هما اللي جنبي ، معدومين هما اللي ف داخلي.

- كنت حب كبير ، تحول ل وجع اكبر ،.

- مكانك مش ف حوشكم ، مكانك ف اعمق نقطة ف قلبي ، وف عيوني.♥️*

- انا اكبر من ان نكون ف حياتك ، .

- ارجوك ماعاش تجيني ف الحلم ، ولا ف بالي ، يا تعالى فالواقع ، يا ما تجيش ، ما تجيش ،!!

- يا خليك معاي ، يا عليا ، وقفة النص ما نحبهاش ،.

- مطالبنا ف كل علاقة مش صعبة ، ومش ح نتنازلو عليها ، مش ذنبنا كان احني نطيحو ف اللي مش قدها ،.

- كلكم زي بعض ، غير احني نحبو نلمعو اللي نبوهم يقعدو معانا ، باش يبانو خير من اللي قبلهم..

- رايك ف روحك ، ما دخلاش ف معاملة الناس معاك ونظرتهم ليك ، يعني عادي انت تقول ع روحك كويس ، والناس تعاملك ع انك العكس ، عادي تشوف مظهرك واسلوبك حلو ، والناس تشوف العكس ، تقبل الشيء هذا وما تكونش سطحي ،.

- تدهش باش توصل فيهم ، وبعدها يستخسرو فيك طاسة المية ، توجعك ، ولا ما توجعكش؟

- كان يحكي ، وانا كنت نسمع ف الكلام من عيونه مش لسانه.❤

- علاش هما حاضرين ، وانت غايب ، علاش بس.

- تصدق إني بديت نقول ياريتني بكيت عليك ، ولا بكيت منك.