#Ҳадис_1154📒

ҲАММА ДУОЛАРНИ ЖАМЛОВЧИ ДУО.

Абу Умома розияллоҳу анҳудан ривоят қилинади:
«Расулуллоҳ соллаллоҳу алайҳи васаллам кўп дуо қилдилар.
Биз уни ѐд олмадик.
Сўнгра: «Эй Аллоҳнинг Расули! Кўп дуо қилдингиз.
Биз ундан ҳеч нарсани ѐд олмадик», дедик.
Шунда у зот: «Ўшанинг ҳаммасини жам қиладиган нарсага сизларни далолат қилайми?
Аллоҳим! Албатта, биз Сендан Пайғамбаринг Муҳаммад соллаллоҳу алайҳи васаллам сўраган хайрли нарсаларни сўраймиз.
Сендан Пайғамбаринг Муҳаммад соллаллоҳу алайҳи васаллам паноҳ сўраган ѐмон нарсалардан паноҳ сўраймиз.
Сен ѐрдам сўралган Зотсан. Етказиш Сенинг ишинг бўлган Зотсан. Ўзгариш йўқ, қувват ҳам йўқ. Магар Аллоҳда бор», денглар», дедилар».

✍(Имом Термизий ривояти).

📝 Шарҳ:

✅Демак, Аллоҳ таолодан Расулуллоҳ соллаллоҳу алайҳи васаллам сўраган нарсани сўрайман, Расулуллоҳ соллаллоҳу алайҳи васаллам паноҳ сўраган нарсадан паноҳ сўрайман, деб қилинган дуо жуда кўп нарсани қамраб олар экан.
📌Уламолар, ушбу дуо каби жамловчи ва фойдали нарса йўқ, деганлар.
✅ Чунки, Набий соллаллоҳу алайҳи васаллам бу дуоларида дунѐ ва охиратнинг яхшиликларидан бирор нарсани қолдирмай сўрадилар ҳамда дунѐ ва охиратнинг ѐмонлигидан бирортасини қўймай паноҳ сўрадилар.

Манба: Ҳадис ва Ҳаёт 35📚

@HADISLAR_TOPLAMIII📚

#ал_Азкор_103

عن أنس، عن النبيّ صلى اللّه عليه وسلم قال‏:‌‏ «‏مَنْ قَالَ صَبيحَةَ يَوْمِ الجُمعَة قَبْلَ صَلاةِ الغَدَاةِ‏:‏ أسْتَغْفِرُ اللَّهَ الَّذي لا إلهَ إِلاَّ هُوَ الحَيَّ القَيُّومَ وأتُوبُ إلَيْهِ ثَلاثَ مَرَّاتٍ، غَفَرَ اللَّهُ تَعالى ذُنُوبَهُ وَلَوْ كَانَتْ مِثْلَ زَبَدِ البَحْرِ‏»‌‏.‌‏

Анас розияллоҳу анҳудан ривоят қилинади:

Расулуллоҳ соллаллоҳу алайҳи васаллам:

«Ким жума куни эрталабки намоздан олдин:

أَسْتَغْفِرُاللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ

«Астағфируллоҳаллазий ла илаҳа илла ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.

(Маъноси: Ҳай ва қаййум сифатига эга бўлган Аллоҳдан бошқа илоҳ йўқ. Унга истиғфор айтиб, Унга тавба қиламан.)

(ЖУДА ЗАИФ ҲАДИС Ибн Сунний ва ан Нававий шу йўл билан ўзларини ал Азкор китобларида келтирганлар)

Заифлигига сабаб Хасиф исимлик ровий бор, бу ровий Анас розияллоҳу анҳудан хадис эшитмаган, кегин Абдуллазиз исимлик ровий бор бу ровийни имом Ахмад рохимаҳуллоҳ ёлғончи деганлар кегин Исхоқ ибн Адий исимлик ровий бор бу ровийни инкор қилинадиган ҳадислари бор дейишган, мана шунга “Мажмаъуз завойид” 2/168 да ал Хайсами роҳимаҳуллоҳ ЖУДА ЗАИФ ҲАДИС деганлар.

@HADISLAR_TOPLAMIII📚

#Ҳадис_1155📘

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Фаришталар ит бор ва қўнғироқ бор рафиқликла бирга бўлмаслар», дедилар».

✍(Бешовларидан фақат
Бухорий ривоят қилмаган).

Шарҳ

📌Бу икки нарсадан фаришталар ҳазар қилар эканлар.
📌Шунинг учун ушбу икки нарса қаерда бўлса, ўша ерда фаришталар ҳозир бўлмас эканлар.

@HADISLAR_TOPLAMIII📚

#ал_Азкор_104

30-БОБ

Сафга тизилгандан кейин ўқиладиган дуо


عن سعد بن أبي وقاص رضي اللّه عنه أن رجلاً جاء إلى الصلاة ورسول اللّه صلى اللّه عليه وسلم يُصَلِّي، فقال حين انتهى إلى الصف‏:‏ اللهمّ آتني أفضل ما تُؤتي عبادك الصالحين؛ فلما قضى رسول اللّه صلى اللّه عليه وسلم الصلاة قال‏:‏ ‏»‏مَنِ المُتَكَلِّمُ آنِفاً‏؟‏ قَالَ‏:‏ أنا يا رَسُولَ اللّه‏!‏ قال‏:‏ إذَنْ يُعْقَر جَوَادُكَ وَتَسْتَشْهِد في سَبِيلِ اللّه تَعَالى‏»‏ رواه النسائي وابن السني، ورواه البخاري في تاريخه في ترجمة محمد بن مسلم بن عائذ‏ .‏


Саъд ибн Абу Ваққос розияллоҳу анҳудан ривоят қилинади:
«Бир киши намозга келди. Расулуллоҳ соллаллоҳу алайҳи васаллам намозни бошлаган эдилар. У киши сафга турганидан кейин:

اللهُمَّ آتِنِي أَفْضَلَ مَا تُؤْتِي عِبَادَكَ الصَّالِحِينَ

«Аллоҳумма атиний афзола ма туътий ъибадакас солиҳийн» (Эй Раббим, менга солиҳ бандаларингга берадиган нарсаларингнинг энг афзалини бер), деди. Расулуллоҳ соллаллоҳу алайҳи васаллам намозни тугатганларидан сўнг: «Ҳозирги гапирган ким?» дедилар. Ҳалиги киши: «Мен, эй Расулуллоҳ», деб жавоб берди. Шунда Расулуллоҳ соллаллоҳу алайҳи васаллам: «Отинг ўлдирилиб, ўзинг Аллоҳ йўлида шаҳид бўласан», дедилар.

(ЗАИФ ҲАДИС Бухорий "Тарих ал Кабир" да ибн Хузайма, Насойи "Амал ал йавм вал лейля" да, Ибн Сунний "Амал ал йавм вал лейля" да, абу Яло, ибн Хиббон, ал Баззор, ал Хоким ва ан Нававий шу йўл билан ўзларини ал Азкор китобларида келтирганлар)

Заифлигига сабаб Мухаммад ибн Муслим ибн Аъиз исимлик ровий кимлиги номаълум деб Абу Зуро ва хамда аз Захабий роҳимаҳуллоҳлар айтишган, мана шу сабабли ҳадис Заиф хисобланади.
«Нейл ал автар би тахриж ахадиси китоб ал Азкор» 1/117.

@HADISLAR_TOPLAMIII📚

#ХОЛИС_ЭСЛАТМА

Баъзан ӯқувчиларимиз айрим сайтларда эълон қилинган ҳадисларни юбориб, унинг ҳукмини сӯрашади. Илм омонат эканлиги ҳамда Аллоҳ таолонинг розилиги учун ушбу ҳадислар ҳақидаги аҳли илмларнинг фикрларини "Холис эслатма" рукни остида бериб боришга қарор қилдик.
Ҳукм чиқариш бизга қолмаган. Катта муҳаддис олимлар бундай ҳадислар ҳақидаги аниқ ҳукмларни баён қилиб кетишган.

Каналимиз ўқувчилари томонидан йўлланган саволлардан бири👇

САВОЛ: Арафа куни жума кунига тўғри келса, (Ҳажжи Акбар) етмишта ҳаждан афзал бўладими?
Бунга оид қуйидаги ҳадис Расулуллоҳ саллаллоҳу алайҳи васалламдан ворид бӯлганми:
«Кунларнинг энг афзали арафа кунидир. Агар арафа жума кунига тўғри келса, жума кунида бўлмаган етмишта ҳаждан афзалдир». Розийн ривоят қилган («Баҳрур-роиқ»).
____

ЖАВОБ: Аллоҳга ҳамдлар ва Унинг расули Муҳаммад алайҳиссаломга салоту саломларимиз бӯлсин.

Аммо юқорида зикр қилинган:
«Кунларнинг энг афзали арафа кунидир. Агар арафа жума кунига тўғри келса, жума кунида бўлмаган етмишта ҳаждан афзалдир», деган ҳадисга келсак, кӯпчилик муҳаддис олимлар бу ҳадиснинг ҳукми ҳақида: “ботил, асли йӯқ ҳадис”дейишган.

Изоҳ: “Ботил” – арабчада ботил, ўткинчи, ёлғон, эътиборсиз шунингдек, сохталик, cунъийлик, cафсата, уйдирма, ноҳақ деган маъноларда қўлланилади.
Муҳаддислар (ботил) лафзини Расулуллоҳ соллаллоҳу алайҳи васаллам номларига тўқилган ёлғон хабар ва ҳадисга нисбатан қўллашади. “Ботил” ва
”мавзуъ”, яъни тӯқима бир маънода келади.

Ас-Саҳовий роҳимаҳуллоҳ “ал-Фатава ал-ҳадисийя”да (2/105) айтадилар:
"Буни Розийн ўзининг “Жоми’”сида зикр қилган ва Пайғамбар соллаллоҳу алайҳи васалламга нисбат берган, лекин уни ривоят қилган саҳобийларни ҳам, ривоят қилган (ровий)ларни ҳам зикр қилмаган". Иқтибос тугади.

Ҳофиз ибн Ҳажар роҳимаҳуллоҳ “Ал-Фатҳ”да (8/204) “Ал-Жоми’”да “Розийн”дан иқтибос келтиргандан сўнг ва буни Пайғамбаримиз соллаллоҳу алайҳи васалламга нисбатлаганликларини таъкидлаганларидан сўнг шундай деганлар: “Мен бу ҳадиснинг ҳолатини билмайман, шундайми ёки йўқ. Чунки унда на ҳадисни ривоят қилган саҳобийлар ҳам ва на уни ривоят қилган кишилар ҳам зикр қилинмаган".

Ҳофиз ибн Носириддин Димашқий роҳимаҳуллоҳ “Фазл явм Арафа”да шундай деган:
“Арафа куни жума кунига тўғри келса, етмиш икки ҳажга тенгдир” ҳадиси ёлғон ҳадис бўлиб, саҳиҳ эмасдир. Худди шундай Зурр ибн Ҳубайшдан ривоят қилинган: "Жума кунидан бошқа кундаги етмишта ҳаждан афзалдир, деган ривоят ҳам собит эмас".
Иқтибос тугади.

"Туҳфатул-Аҳвазий"нинг муаллифи Имом Муборакфурий роҳимаҳуллоҳ (4/27) шундай дейди: “Танбеҳ: Авомлар орасида: “Агар Арафа куни Жума кунига тўғри келиб қолса, ўша ҳаж ҳажжи акбар бўлади” – деган гап кенг тарқалган, лекин бу гапнинг асли йўқдир”.
Яна бу ҳақда уламоларнинг кӯплаб сӯзларини келтириб ӯтиш мумкин…
Валлоҳу аълам
Тавфиқ Аллоҳдандир
Дониёр Файз

http://myurls.co/doniyorqori

#Ҳадис_1156📘

ДАМ СОЛИШ ДУОЛАРИ.

Усмон ибн Абул Осс розияллоҳу анҳудан ривоят қилинади:
«У Расулуллоҳ соллаллоҳу алайҳи васалламга Исломга кирганидан буѐн жасадида пайдо бўлган оғриқдан шикоят қилди.
Шунда Расулуллоҳ соллаллоҳу алайҳи васаллам унга:
«Қўлингни жасадингдаги аламли жойга қўй ва уч марта, бисмиллаҳи, етти марта, аъузу биллаҳи ва қудратиҳи мин шарри ма ажиду ва уҳазиру, дегин», дедилар.

✍( Муслим, Абу Довуд ва Термизий ривоят қилишган).

Охирги иккисининг лафзи: «Набий соллаллоҳу алайҳи васалламнинг ҳузурларига бордим.
Мендаги оғриқ, мени ҳалок қилишига сал қолган эди.
Бас, у зот: «Ўшани ўнг қўлинг билан ушлагин ва етти марта, аъузу би иззатиллаҳи ва қудратиҳи мин шарри ма ажиду, дегин», дедилар.
Бас, ўшандоқ қилган эдим, Аллоҳ мендаги бор нарсани кетказди.
Шундан буѐн аҳлимга ва улардан бошқаларга ҳам шуни буюраман».

📝Шарҳ:

Дуонинг маъноси бундай: «Аллоҳнинг иззати ва қудрати ила ўзимда ҳис қилаѐтган нарса ѐмонлигидан паноҳ тилайман».

@HADISLAR_TOPLAMIII📚

#ал_Азкор_105

31-БОБ

НАМОЗГА ТУРИШНИ ҲОХЛАГАН ПАЙТДА АЙТИЛАДИГАН НАРСА

عن أُمّ رافعٍ رضي اللّه عنها، أنها قالت‏:‏ يا رسول اللّه‏!‏ دُلَّني على عملٍ يأجرني اللّه عزّ وجلّ عليه‏؟‏ قال‏:‏ ‏

«‏ يا أُمَّ رَضافِعٍ إذَا قُمْتِ إلى الصَّلاةِ فَسَبِّحِي اللَّهَ تَعَالى عَشْراً، وَهَلِّلِيهِ عَشْراً، واحْمَدِيهِ عَشْراً، وكَبِّرِيهِ عَشْراً، وَاسْتَغْفِرِيهِ عَشْراً؛ فإنَّكِ إذَا سَبَّحْتِ قالَ‏:‏ هَذَا لي، وَإذَا هَلَّلْتِ قالَ‏:‏ هَذَا لِي، وَإذَا حَمِدْتِ قالَ‏:‏ هَذَا لي، وَإذَا كَبَّرْتِ قالَ‏:‏ هَذَا لي، وَإذَا اسْتَغْفَرْتِ قالَ‏:‏ قَدْ فَعَلْتُ‏ » ‌‏ .‌‏

Умму Рофиъ розияллоҳу анҳодан ривоят қилинади:

«Мен Расулуллоҳ соллаллоҳу алайҳи васалламга: «Эй Расулуллоҳ, менга бир амални кўрсатингки, у билан Аллоҳ менга ажр берсин», дедим. Шунда Расулуллоҳ соллаллоҳу алайҳи васаллам:
«Эй Умму Рофиъ, агар намозга турсанг, Аллоҳга ўн марта тасбиҳ, ўн марта таҳлил, ўн марта таҳмид, ўн марта такбир, ўн марта истиғфор айт. Тасбиҳ айтганингда, Аллоҳ:
«Бу Мен учун», дейди. Таҳлил айтсанг ҳам, Аллоҳ:
«Бу Мен учун», дейди. Ҳамд айтсанг ҳам,
«Бу Мен учун», дейди. Такбир айтганингда ҳам,
«Бу Мен учун», дейди. Агар истиғфор айтсанг,
«Буни бажардим» (яъни, гуноҳларини авф этдим), дейди», дедилар».

(Ибн Сунний ва ан Нававий шу йўл билан ўзларини ал Азкор китобларида келтирганлар)

Ибн Хожар рохимахуллох хадиснинг санадидини Хасан (Яхши) деганлар
«Натаиж ал афкар» 1/390.

@HADISLAR_TOPLAMIII📚

#ХОЛИС_ЭСЛАТМА

ЭРТАГА АРАФА КУНИ

وعن أبي قتادة رضي الله عنه قال‏:‏
سئل رسول الله صلى الله عليه وسلم‏:‏
عن صوم يوم عرفة‏؟‏ قال‏:‏ ‏ "‏يكفر السنة الماضية والباقية‏"‏

Абу Қатода розияллоху анхудан ривоят килинади:
Росулуллох салаллоху алайхи ва саламдан Арафа куни рўза тутишлик хақида сўрашди?
Улар соллаллоҳу алайҳи вассаллам:
Арафа куни рўзаси ўтган йилги ва келгуси йилдаги (гуноҳларга) каффорат бўлади!” дедилар. 
✍(Муслим ривояти)

бошка бир ривоятда эса “Аллоҳдан умид қиламанки" деб келган.


Хадис Шарҳи

Ибн Қуддома рохимахуллох:
"Бу улуғ кунда рўза тутишлик, Росулуллох саллаллоху алайхи ва саламдан саҳиҳ йўл билан ворид бўлган, ва ҳамда ҳадисда шу куни рўза тутишлик икки йилги (авалги ва кейинги кичик бўлган) гуноҳига кафорат бўлади" дедилар. 
("аль Муғний" 4/443)

@HADISLAR_TOPLAMIII📚

#ал_Азкор_106

32-БОБ.

Иқомат пайтида ўқиладиган дуо


روى الإِمام الشافعي بإسناده في الأُمّ حديثاً مرسلاً‏:‏ أنَّ رسول اللّه صلى اللّه عليه وسلم قال‏:‌‏«‏اطْلُبُوا اسْتِجابَةَ الدُّعاءِ عِنْدَ التقاءِ الجُيُوشِ، وَإقامَةِ الصَّلاةِ، وَنُزُولِ الغَيْثِ‏»‏ وقال الشافعي‏:‏ وقد حفظت عن غير واحد طلب الإِجابة

Расулуллоҳ соллаллоҳу алайҳи васаллам айтдилар:

«Дуо ижобат бўлишини аскарлар душманга тўқнашганида, намозга иқомат айтилганида ва ёмғир ёғаётган пайтда изланглар».

(Бу ҳадисни Имом Шофеъий "ал Умм" да мурсал [1] ҳолатда ривоят қилганлар ва ан Нававий шу йўл билан ўзларини ал Азкор китобларида келтирганлар)

[1] Тобеин ҳадис санадида ўзи билан ўртада бирон ровийни восита қилмай, Расулуллоҳ соллаллоҳу алайҳи васалламга нисбат берган ҳадисдир. Тобеиндан мурод - хоҳ кичик, хоҳ ёши улуғ тобеин эьтиборга олинади
(Саййид Абдул Можид Ғаврий: "Мўьжаму мусталиҳотил ҳадисия". Дорул Ибн Касир. Байрут)

Салим ал Хилолий Хадисни Хасан (Яхши) деганлар
«Нейл ал автар би тахриж ахадиси китоб ал Азкор» 1/118-119.

@HADISLAR_TOPLAMIII📚

#Ҳадис_1157📓

ТОЛИБИ ИЛМНИ ДУОСИ.

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Аллоҳим! Менга таълим берган нарсанг ила манфаат бергин. Менга ўзимга манфаат берадиган нарсани таълим бергин. Ва илмимни зиѐда қилгин. Ҳар бир ҳол учун Аллоҳга ҳамд бўлсин. Аҳли дўзах ҳолидан Аллоҳнинг паноҳини сўрайман», дедилар».

✍(Имом Термизий ривояти)

📝Шарҳ:

📌Набий соллаллоҳу алайҳи васалламнинг бу дуолари ҳамма учун, айниқса, аҳли илм ва толиби илмлар учун катта ўрнак бор.
📌Келинг, ушбу дуони таҳлил қилиб чиқайлик.
«Аллоҳим! Менга таълим берган нарсанг ила манфаат бергин».
📌 Яъни, ушбу дуодан аввал берган илмларинг мен учун фойдали бўлишини насиб этгин.
«Менга манфаат берадиган нарсани таълим бергин».
📌 Яъни, ушбу дуодан кейин менга берадиган илмингни фойдали бўлишини насиб этгин. Илмнинг фойдали бўлиши ундан бу дунѐ ва охират учун манфаат чиқиши ва билганига амал қилиш ила бўлади.
«Ва илмимни зиѐда қилгин».
📌Доимий равишда илмим кўпайиб боришини Ўзинг таъминлагин.
«Ҳар бир ҳол учун Аллоҳга ҳамд бўлсин».
📌Жумладан, фойдали илм учун ҳам, фойдасизи учун
ҳам.
«Аҳли дўзах ҳолидан Аллоҳнинг паноҳини сўрайман».
✅Мана шу нарса энг муҳим.

Манба : Ҳадис ва Ҳаёт 35📚

@HADISLAR_TOPLAMIII📚

#ал_Азкор_107

33-БОБ.

Намозга кирганда айтиладиган нарса

Бу боб жуда кенгдир. Жуда кўп саҳиҳ ҳадислар турли даражада келган. Аммо биз бу ерда асл мақсадлардан огоҳ этган ҳолда, нозик ва нодирларига тўхталамиз. Кўп далилларни қисқартирдик. Бу китобни ёзишимиздан мақсад, бошда айтилганидек, далилларни баён қилиш эмас, балки амал қилиниши лозим бўлган нарсаларни айтишдир. Аллоҳ ўзи муваффақ қилсин.

34-БОБ

Такбири таҳрима

Ҳар қандай намознинг бошида, у хоҳ фарз бўлсин, хоҳ нафл, такбири таҳримани (намоз амалларидан бошқа нарсаларни ҳаром қилувчи такбирни) айтиш билангина намоз дуруст бўлади. (Бизнинг Ҳанафийя мазҳабида буни айтиш намознинг биринчи фарзидир.)
Такбири таҳриманинг лафзи «Аллоҳу акбар» калимасидир. Аллоҳу акбар калимаси икки ракъатли намозда ўн бир марта такрорланади.
Уч ракъатли намозда ўн етти, тўрт ракъатли намозда йигирма икки марта такрорланади.
Яъни, ҳар бир ракъатда бештадан такбир айтилади.
Буларнинг биттаси рукуъда, тўрттаси иккита саждага боришда ва ундан кўтарилишда.
Яна аввалги ташаҳҳуддан тураётгандаги такбир ҳам бор.

Бу такбирларни айтиш суннатдир.
Уларни қасддан ёки хато қилиб тарк этган билан намоз бузилмайди, саҳв саждаси ҳам қилинмайди.
✅Фақат намознинг аввалидаги такбири таҳрима бундай эмас.

@HADISLAR_TOPLAMIII📚

#Ҳадис_1158📓

Абу Хурайра розияллоҳу анҳудан ривоят килинади.
«Жаброил алайҳиссалом
Набий соллаллоҳу алайҳи васалламнинг ҳузурларига киришга изн сўради.
«Киравер», дедилар У зот. «Қандоқ қилиб сенинг уйингга кираман?
Ахир унда суратлари бор парда турибди-ку!
Ёки уларнинг бошларини кесиб ташла, ёки оёқ остига солинадиган палос қилиб ол. Албатта, биз фаришталар жамоаси суратлар бор уйга кирмасмиз», деди у».

✍(Насаий ва унинг икки соҳиби ривоят қилишган).

Шарҳ:

Ушбу ҳадиси шарифдан олинадиган фойдалар:

1. Жаброил алайҳиссалом ҳам Пайғамбар соллаллоҳу алайҳи васалламнинг ҳузурларига изн сўрамасдан кирмаслари.
2. Фаришталар сурат бор уйга кирмаслиги.
3. Жонли нарсанинг сурати бор буюм ёки матони ўша нарсанинг бош қисми суратини кесиб ташлаб ишлатилса жоизлиги.
4. Жонли нарсанинг сурати бор нарсалардан оёқ ости бўладиган жойларда фойдаланса жоизлиги.

@HADISLAR_TOPLAMIII📚

🌸 • Қиз фарзанди борларга маслаҳат...

🌸 • Жаннат  истаган муслималарга эслатма...

🌸 • Эркаклар учун оташин муҳаббатнинг нечоғли аҳамияти бор?

🌸 • Зикрнинг фойда  ва самаралари...

🌸 • Дунё миқёсида Қуръон ва Библияни ёдлаган кишилар сони...

🌸 • Стресс ва депрессия ҳақида...

#ал_Азкор_108

                 35-БОБ

Такбири таҳримадан кейинги айтиладиган нарса

Бу борада жуда кўп ҳадислар келган. Улар умумий ҳолда қуйидагича дуолар қилишни тақозо этади:

اللهُ أكْبَرُ كَبِيرًا وَالحَمْدُ للهِ كَثِيرًا وَسُبْحَانَ اللهِ بُكْرَةً وَأَصِيلاً وَجَّهْتُ وَجْهِي للَّذِي فَطَرَ السَّمَوَاتِ والأَرْضَ حَنِيفًا مُسْلِمًا وَمَا أَنَا مِنَ الْمُشْرِكِينَ. إِنَّ صَلاَتِي وَنُسُكِي وَمَحْيَايَ وَمَمَاتِي للهِ رَبِّ العَالَمِينَ لاَ شَرِيكَ لَهُ وَبِذَلِكَ أُمِرْتُ وَأَنَا مِنَ الْمُسْلِمِينَ. اللهُمَّ أَنْتَ الْمَلِكُ لاَ إِلَهَ إِلاَّ أَنْتَ رَبِّي وَأَنَا عَبْدُكَ ظَلَمْتُ نَفْسِي وَاعْتَرَفْتُ بِذَنْبِي فَاغْفِرْ لِي ذُنُوبِي جَمِيعًا فَإِنَّهُ لاَ يَغْفِرُ الذُّنُوبَ إِلاَّ أَنْتَ وَاهْدِنِي لأَحْسَنِ الأَخْلاَقِ لاَ يَهْدِي لأَحْسَنِهَا إِلاَّ أَنْتَ، وَاصْرِفْ عَنِّي سَيِّئَهَا لاَ يَصْرِفُ سَيِّئَهَا إلاَّ أَنْتَ. لَبَّيْكَ وَسَعْدَيْكَ وَالْخَيْرُ كُلُّهُ فِي يَدَيْكَ وَالشَّرُّ لَيْسَ إِلَيْكَ أَنَا بِكَ وَإِلَيْكَ تَبَارَكْتَ وَتَعَالَيْتَ أَسْتَغْفِرُكَ وَأَتُوبُ إِلَيْكَ

«Аллоҳу акбар кабийрон, валҳамду лиллаҳи касийрон ва субҳаналлоҳи букротан ва асийла, важжаҳту важҳий лиллазий фатарос самавати вал-арза ҳанийфам муслиман ва маа ана минал мушрикийн, инна солатий ва нусукий ва маҳйайа ва мамаатий лиллаҳи роббил оламийна лаа шарийка лаҳу ва бизалика умирту ва ана минал муслимийн. Аллоҳумма антал малику лаа илаҳа илла анта роббий ва ана ъабдука золамту нафсий ваътарафту бизанбий, фағфирлий зунубий жамийъа, фаиннаҳу ла йағфируз зунуба илла анта, ваҳдиний лиаҳсанил ахлоқи ла йаҳдий лиаҳсаниҳа илла анта, васриф ъанний саййиаҳа ла йасриф саййиаҳа иллаа анта, лаббайка ва саъдайка валхойру куллуҳу фий йадайка вашшарру лайса илайка  ана бика ва илайка таборокта ва таъалайта, астағфирука ва атубу илайка».

(Маъноси: Аллоҳ буюкларнинг буюгидир. Аллоҳга бисёр ҳамд бўлсин. Аллоҳни эртаю кеч поклаб ёд этурман.
Юзимни ҳаниф ва мусулмон бўлган ҳолда еру осмонни яратган Зотга юзлантирдим. Мен мушриклардан эмасман. Албатта, намозим, қурбонлигим, тириклигим ва ўлимим оламларнинг рабби Аллоҳ учундир. Унинг бирор шериги йўқдир. Мен шуни айтишга буюрилганман ва мен мусулмонларданман. Эй Раббим, Сен маликдирсан, Сендан бошқа илоҳ йўқ. Сен раббимсан, мен эса, бандангман. Мен нафсимга зулм қилдим.
Гуноҳларимни эътироф қилдим. Гуноҳларимнинг барчасини кечиргин, чунки гуноҳларимни Сенгина кечирасан, холос. Хулқларнинг энг яхшисига мени ҳидоят қил. Сендан бошқаси ҳидоят қила олмас. Ва мени ёмонликлардан четлатгин. Сендан бошқаси четлата олмас. Ижобат қиламан, яхшиликнинг барчаси Сенинг қўлингда. Ёмонлик эса, Сенга эмас. Мен эса, Сенинг номинг ила Сенга қайтаман. Сен баракотли ва олийсан. Сенга истиғфор айтаман ва Сенга тавба қиламан.)

✍(Имом Муслим ривоятлари).

Муҳаддислар, фуқаҳолар, саҳобалар, тобеъинлар ва улардан кейин келган мусулмон уламолар барчалари, яхшилик, ёмонлик ва фойда, зарарнинг ҳаммаси Аллоҳнинг хоҳиши ва тақдири билан бўлишига иттифоқ қилишган.
Шунинг учун дуодаги «ёмонлик эса, Сенга эмас» деган иборани бир оз таъвил қилишга тўғри келади. Уламоларимиз жавоблари қуйидагича бўлган.

Назр ибн Шумайл, ёмонлик Сенга яқин бўлмайди, деганлар.
Иккинчилари, ёмонлик Сенга кўтарилмайди, сенга фақат яхши сўзлар кўтарилади, деганлар.
Учинчилари, одоб жиҳатидан Унга нисбат қилинмайди, яъни, ҳақиқатда чўчқани яратган бўлса ҳам, эй чўчқани яратувчи, дейилмайди-ку? деган.

Тўртинчилари эса, Сенинг ҳикматингда ёмонликка нисбат бериладиган нарса йўқдир, чунки Сен бирор нарсани беҳуда яратмайсан, дейилган.

Такбири таҳримадан кейин қуйидаги дуони ўқиса ҳам бўлади:

اللهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ. اللهُمَّ نَقِّنِي مِنْ خَطَايَايَ كَمَا يُنَقِّي الثَّوْبُ الأَبْيَضُ مِنَ الدَّنَسِ. اللهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالبَرَدِ

«Аллоҳумма баъид байний ва байна хотойайа кама баъадта байнал машриқи вал мағриб. Аллоҳумма наққиний мин хотойайа кама йунаққис савбул абйазу минад-данаси, Аллоҳумма ағсилний мин хотойайа бис-салжи вал-маи вал-барод».

(Маъноси: Эй Раббим, мен билан хатоларим орасини машриқ билан мағрибнинг орасини узоқ қилганингчалик узоқ қил. Эй Раббим, оқ кийимни кирлардан тозалаганингдек, мени хатоларимдан тозала. Эй Раббим, менинг хатоларимни қор, сув ва дўллар билан юв.)


@HADISLAR_TOPLAMIII📚