ابهيده يل مچفين

شگگتوا السنين بغير عرفه
و فرفـح المامش بـروحي
اگدار شبگه

شَــرد اگلـكم ؟

فايض بعيني الرماد
وجفني ما بياش اطبگه

مصطفى الجشعمي

حزني
استاهده….يخوف
صوت
بداخلي يخوف
بچي
مناغه
نعاوي…أم
لل غرگ توه…نعاوي…زغاااار
اااخ
شگد
حـزن روحي
حـزن…
نثيه عراقيه
رخيص وحار
ومگسّب رخييص وحار

محمد لفته العماري

تزعلنه وتبجينه ونراضيك
ما تلكه مثلنه مدللينك !

مصطفى العقابي

ترة تسوة مراسيلي تاخذ من وكت عينك

باهر جنديل

جا يمتى يزل جدمك بدت الولايه تستاحش مواعيدك
شفت حتى الرسايل مو بخط ايدك

حسين عباس

انا كل ما يذكرونك اشبن بالسمه نجمه واطشن بالدروب اعتاب

كريم حاشوش

وانه وعيوني الغريبه تايهين بليل حزنك

ناصر البدري

جنت وياي بقصيدة
وصورتك جانت بديه من احترگ چفي
وخذتني النار. إفتر بالسما دخان رسمك
رگضت بگلبي الشرارة وسابگت چفي ويا ممشه النار
شفت ايدي هتافات ومشاعل تمشي باسمك
ومااطفي النار خلهه النار
لوّن بريحة الدخان اشمك
كون يمك

كاظم اسماعيل

خسرت انسان ناذر عمره لعيونك ويحس روحه ملك بحجايه شلـونك

ضرغام حيدر

من گتلك ادعيلي جروح گلبي كبار
اذكر گلتلي الله يخليهن

چا بالچذب گتلي الله يشافيهن ؟؟

ل عباس العبادي

چَـا و گلبي ؟
چَـا وكسـري ؟
چَـا عفـت كلشي وبَعتني ؟
چَـا شگلك فرگاك هَيـّن ؟
شنسى يا لچمه واعذرك ؟
چَـا والعيون البچتلك ؟
والدرابين الخذت صوتي ومشتلك ؟
چَـا والعـزاز العفتها ؟
والبچي ؟ ودگـات گلبك ؟
ورجفتك وخوفك ؟
ذَني شنهي ؟

ل زين كريم

گلبك نَـحس وگلوبنا تِريد ..
وعيونك تّـزغـر المُواليـد،

كونك گِريب الگـُرب شيفـيد؟
ونحـبّك من ابعيد لِبعـيد ..

حبيـتك وحبّـوك ويـاي ..
وصَلّينا كلنا لشوفتك هاي،

ل بهاء سوادي

شحسبالكم
فترة ونسينه العشرة ياهو الكالكم..؟

ل عقيل العرد

ليمته اشما تمر ليلة ..
بطرگ روحي ، تغث عمري
ليمته ابچي و احبك وانتَ ما تدري


ل إيهاب عيال

وتگعد بمصباح عرسك

كلشي باهت

مشبچ ابجرار حدثه ابلا گصيبه

من وره البيبان
صوت يرن بذانك
شايف الخير اويه بتنه أوليدكم
والحظ تجيبه

تصفنلها وتكتشف عظم المصيبه

تعاين
وگلبك ينشدك
انـه وين؟
وياهي هالحرمة الغريبه..

تعرض بعينك ارسوم الواعدتها..!

موش مثل اوصافها
اوصاف الحبيبه!

بيش بدلت الحبيبه؟
وليش بدلت الحبيبه؟

قشمروك ابزفة وشموع وهلاهل

خشنو گلبك عليها

ومن بعد ريتك
عفتها
متربه برف التجاهل

ذيچ البروحك شلتها
سنبله
وحيف إلسن اهلك
لـعبـت ادوار المـناجـل

كرهوك بـ لب دليلك

عيشـوك بچـذبة
مليانه خضار
وإنت ذابل

المهم راحتهم گليبك شنو ويرتاح قابل؟

ترجع تلوج وتفكر..

همه فرحانين بالجابوها وانت؟

والدمع بالليل من يتبده سكته؟

ولو شفت محبوبتك
صدفه
وذكرت الگبل عشته؟

والوعد لو نشدتك چا ليش خنته؟

والوعد لو نشدتك چا ليش خنته؟

والوعد لو نشدتك چا ليش خنته ؟؟

تخنگك العبره
و تضمها
بضحكة چذابه
وتفك بابك تسلم...🖤

ل علي المدلول

اتنطرك لحضه ع لحضه
وماتجيني
وارجع اتنطرك كلي
جامع متاني اليصلي
حان وكت اذان روحي الماتصلي اله ع ذكرك
كلشي خلصته ع ذكرك
والتقينه
وشل تقينه
عيون تحجي .. كلوب تحجي
وكلشي يحجي وماحجينه
ردتك اكلك انه
انه .. انه
وارجع اسكت
خاف تزعل مني وارجع جن غريب
وانه اقشمر كلبي اكلله حبيب

لـ مرتضى الغزي

من اشتاگ اجيك
من الدفو بردان
أو بيه من العطش جرفين
اطيح ابحضنك امرايه ..

واحس ضيك يدفيني
ونسيم انفاسك
ايشمني كل جرة نفس
نجمه بسمه روحي
كل أفيش تحفر
ساجية بروحي واگلك حيل ..
خصر قداح
تشبگني واگلك حيل !

لـ القصاب

كلشي گلي
ولا تسولفلي بوداع
هذا موسم شوگ مو موسم ضياع
قبل لتروح المكان الما يرجع
هاك روحي وطشها بيدك
وين ما عنده الله گاع !

عقيل العرد

أنا وگلبي سولفنا وجِدَحنا إعتاب ..
چي ما كاتب اعلى أمي يعاتبني
وگتله الشاعر يسولف بالمأذيه ..
ما كاتب عليها ، ما مأذيتني
إيهاب عيال