حجاب ايه بس في الحر ده يا جماعة!
هو مهم أوي كدة ؟!🤔

#رسايل_توون

"الشيطان يعدكم الفقر"
صوت خبيث بيرن في اذن كل واحد فينا بيقول:
لو لبستي حجاب شرعي ومحطيتيش مكياج مش هتتجوزي..
لو مأكلتش حق غيرك ونصبت في البيع ونقصت الميزان مش هتكسب..
لو مغشتش في الامتحان مش هتنجح..
لو معملتش الحرام مش هتفرح..
لو مكذبتش مش هتنجوا..
لو مأخذتش القرض هتضيع..
..
في كل معصية هتلاقيه بيحطلك مبررات ومزايا كتير..
...
وعلى العكس في كل طاعه هيخوفك ويحبطك ويزهدك فيها..
هو ده ملخص الشيطان يعدكم الفقر..
....
"والله يعدكم مغفرة منه وفضلاً"
ابعد عن الحرام ومتخافش ع رزقك..
اعمل الطاعات والواجب عليك وابشر بفضل ربنا..
..
اوعى تعمل الحرام او تترك الفرض عشان خايف ع رزقك "إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ"

#رسايل

✋محجبة ولكن......
_لابسة فستان قصير مبين رجلك
_لابسة بنطلون ضيق أوقصير
_لابسة طرحة خفيفة وشفافة مبينة شعرك أو مطلعة شعرك من الطرحة
_لابسة لبس ضيق أو شفاف
_لابسة خلخال في الشارع
_لابسة تربون أو طرحة مبينة رقبتك وودنك.....

طبعًا انتوا عاملين خطوة كويسة أوي بإنكم غطيتوا شعركم 👍
بس بصراحة كدة...
انتوا شايفين إن ده الحجاب اللي ربنا فرضه ؟؟!!
انتوا شايفين إنكم كده أخفيتوا زينتكم زي ماربنا أمر ولا أظهرتوها ؟؟
*انتي لما تلبسي الضيق والشفاف تفتكري كده تبقي التزمتي بالحجاب ؟؟!
السيدة عائشة لما دخل عليها نساء لابسين لبس شفاف قالتلهم :
"إن كنتن مؤمنات فليس هذا بلباس المؤمنات"😥
*البنات اللي بتبين رقبتها...
يابنتي ربنا بيقولك : ((وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ))
يعني حجابك ينزل يغطي رقبتك وجسمك ..
ازاي شايفة ان عادي تبيني رقبتك؟؟!
*البنات اللي بتلبس خلخال في الشارع وشايفة إن ده عادي ..
إنتي متخيلة إن في الآية نهي صريح عن مجرد سماع صوت الخلخال لو ملبوس تحت اللبس ...
تفتكري اللي بتلبسه في الشارع عادي كدة يبقى النهي في حالتها ايه؟؟!!
ماتقولييييش 😤...
احنا أحسن من غيرنا ...شوفوا باقي البنات بتلبس ايه ....لإن الحرام هيفضل حرام حتى لو كل الناس عملته

📣يابنااااااات
كفاية جري ورا الموضة....
طبعًا ..الفتن كتيييير والثبات صعب
بس الجنة تستاهل ....اجمدي واثبتي شوية واتمسكي بحجابك صح 💪
#رسايل_كاريكاتير
#حجابي_حياتي

"وَاللَّهُ وَرَسُولُهُ أَحَقُّ أَنْ يُرْضُوهُ إِنْ كَانُوا مُؤْمِنِينَ"
فكر نفسك بيها لما تلاقي نفسك في اختيار أرضي ربنا ولا أرضي الناس
فكري بيها نفسك وانتي بتاخدي خطوة الحجاب الشرعي وخايفة من رد فعل الناس
عاوزين دايما نفكر نفسنا ..
إن رضا الناس غاية لا تدرك ..فماينفعش نسعى لإرضائهم أصلا

أما اللي لازم نسعى ليه بجد رضا ربنا سبحانه وتعالى
اللي رضاه هيفتح لك أبواب السعادة في الدنيا والآخرة

- اوعى تغضب ربنا عشان خاطر أي حد
- ماتقعدش مع حد بيتفرج ع مناظر ماترضيش ربنا ولا تشارك حد في سهرات مش تمام
- ماتكملووش في علاقة حب او ارتباط عشان ترضوا أي حد
- ماتتنازليش عن حاجة من دينك عشان أي حد ولا حجاب ولا اختلاط مع الشباب ولا هزار ولا سلام على حد غير محرم
وفكروووا نفسكم دايما....
"وَاللَّهُ وَرَسُولُهُ أَحَقُّ أَنْ يُرْضُوهُ إِنْ كَانُوا مُؤْمِنِينَ"👌

#رسايل

كون انك مضيع الصلاة ومقضيها أفلام وأغاني وعلاقات وشرب وعقوق.. فده معناه إنك مش خايف من ربنا بما فيه الكفاية ..!!
وانا كاتب البوست ده مخصوص عشان أخَوِّفَك..

- بس مش هحكيلك عن عذاب الدنيا من طوفان وأعاصير ومسخ وخسف وطواعين ومجاعات وحرائق وحروب ..

انا هكلمك عن عذاب الآخرة :
"كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ"

عذاب الآخرة قال عنه رسول الله صلى الله عليه وسلم :
" يؤتى بأنعم أهل الدنيا من أهل النار يوم القيامة، فيصبغ في النار صبغةً، ثم يقال: يا ابن آدم هل رأيت خيراً قط؟ هل مر بك نعيمٌ قط؟ فيقول: لا والله يا رب.. "

- عارف ايه أقل حاجة في عذاب الآخرة :
في الحديث : (( إن أهون أهل النار عذاباً يوم القيامة لرجل توضع في أخمص قدميه جمرة يغلي منها دماغه ))

- نار جهنم vs نار الدنيا :
في الحديث (( ناركم جزء من سبعين جزءًا من نار جهنم ))

- بجد مش عارف أكلمك عن شكلها وهي جاية :
((يُؤتى بجهنم يومئذ لها سبعون ألف زمام مع كل زمام سبعون ألف ملك يجرونها))

- ولا صوت زفيرها وصوتها وهي بتقول :
(( هل من مزيد ))

- ولا قعرها البعيد ومساحتها وحجمها اللي هيسع الشمس والقمر..
كفايه بس أحكيلك عن الشرارة بتاعتها :
"إنها ترمي بشرر كالقصر"
وملائكة العذاب الغلاظ الشداد اللي عليها..

ومن الناس اللي بيتسحب على وجهه في النار ومنهم اللي بينضرب بمطرقة من حديد ويتحدف فيها ، ومنهم اللي بتندلق منه أمعاؤه في النار ويفضل يجرجرها وراه ..

وأصوات صراخهم واستغاثاتهم ..
وهم مقيدين بسلاسل وأغلال من نار..
ده غير الأكل من الشوك والزقوم ..
والشرب من صديد وعصارة جروح جلود أهل النار ..
والشرب من الحميم اللي بيقطع الأمعاء ..
ده كله وكل واحد منهم بيتمنى الموت ، بس مابيموتش...
وكل ما جلده يتحرق يتبدل بجلد جديد عشان يذوق العذاب من جديد..
....
مش عارف بصراحة أي ذنب وأي لذة تستحق تتعذب عشانها العذاب ده...
أي علاقة تستاهل تدخل عشانها النار دي..
اللهم أعتق رقابنا من النار..

#رسايل

"رُبّ سائرٍ عاثرِ القدمين، دامعِ العينين، مُغبرّ الكفّين، خطوُه في الأرض، وقلبه في السّماء..

‏ما زال يَعبُر فيعثر، ويكبو فيقوم حتىٰ يبلغ من السّداد أرشده، وتنادي السّماء للأرض:

‏ "هذا عاثرُ الأمس عرج حتىٰ وصل🥺!"

#رسايل

انت ممكن حد يشتكي منك وتطلع منها عادي ..
حد صاحبك يشتكي منك ، شكوى لأهلك
شكوى في الشرطة 🚓
ممكن تتعدد الشكاوى ..
وممكن تخرج منها كلها بلا أي خسائر تذكر ..
لكن أن يشتكيك رسول الله صلى الله عليه وسلم !
ويشتكيك لله عزوجل !!
فدي شكوى عظيمة جدًا في حقك ولازم تنتبه..
قال الله عزوجل "وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا"
شكوى اسمها #هجر_القرآن !
أوعى تحسب ان الآية دي خاصة بالكفار اللي بيكذبوا القرآن بس ❌
▪️ هجر القرآن .. بترك قراءته أيام وليالي وشهور
▪️ هجر القرآن .. بعدم العمل باللي فيه من كلام الله
▪️ هجر القرآن .. بعدم تدبر آياته
سيدنا خباب ابن الأرت بيقول : "تقرب إلى الله ما استطعت ، واعلم أنك لن تتقرب إليه بشيء هو أحب إليه من كلامه"

يا ترى انت ليك ورد يومي ثابت تقرأ فيه كلامك ربك ؟
ولا بتهجره وتفتكره حسب التساهيل ؟!

#رسايل

الحمد لله وحده.

مَن يطيعُ اللهَ عنك بعد الموت؟ مَن يصوم بدلَك؟ مَن يصلِّي نيابةً عنك؟ من يُخلِص، عنك؟
مَن يَعرِفُ ذنبَك من البشر إلا أنت؟! فمن يتوب منه إذا لم تتب أنت؟
ومَن يستغفرُ عنك منه خاصّةًَ؟
مَن الذي يعرف عيوبَك الباطنة من النَّاس؟ فمَن الذي سيصلحها لك بعد موتِك؟
مَن يعرف ديونَك لله؟ الفرائضَ التي أهملتَها، أو الحرمات التي انتهكتَها؟
فمَن يُصلِح بعد موتِك فسادًا لا يفهمُه إلا أنت؟!

مَن يبكي عنك بين يدي الله ويطلُب عنك نجاتَك؟
مَن ينقطع عن عصيانِك؟
مَن يفهم عنك القرآن؟ من يعمل عنك بالإيمان؟
من يتلذَّذُ عنك بحياة قلبك وغذاء روحِك بعد موتك؟!

خذ بأيدينا يا ربّ.

-منقول
#رسايل

[ ما لي أراكَ منكسِرًا ]

الجملة اللي مليانة حب وحنان اللي قالها النبيﷺ لجابر بن عبدالله لما لقاه شكله متغير وزعلان💔
ياترى كام واحد فينا بيتفقد أهله وأصحابه وجيرانه زي ماالنبيﷺ كان بيتفقد أصحابه؟؟!!
تعرف كمان الموضوع ماخلصش هنا سيدنا جابر شكى فعلا للنبيﷺ همه وقاله إن أبوه مات وساب له ديووون وعيال وهو ده اللي كان مخليه مهموم
وتعال شوف ساعتها النبي جبر خاطره وفرحه ازاي لما بشره إن ربنا ماكلمش حد مباشر قبل كده إلا أبوه كلمه مباشر وقاله اتمنى
وساعتها كانت أمنيته إنه يرجع تاني للدنيا ويموت وهو بيجا*هد في سبيل الله
تخيل معايا كده مشاعر سيدنا جابر وهو بيسمع الكلام ده وقد ايه نقله من الهم اللي كان فيه للفرح والفخر باللي حصل لأبوه🥰
تخيل لو حبيبكﷺ بيقولك إنت مالي أراك منكسرا وبيطيب خاطرك ؟؟!!
صحيح احنا حرمنا من مصاحبته في الدنيا ...بس لينا لقاء معاه على الحوض نحكيله كل اللي كسرنا
بس أهم حاجة دلوقتي
- نطيع أوامره ونحافظ على صلاتنا والحجاب للبنات
- نبعد عن الذنوب اللي هتبعدنا عن حوضه
- ناخده قدوتنا في الحياة فنتفقد أهلنا وأصحابنا ونجبر خاطرهم

#ليتك_معنا
#رسايل_في_حب_النبي ﷺ

- لو بتحب النبيﷺ ماينفعش تعلق كف ولا خمسة وخميسة ولا تلبسي خرزة زرقاء في سلسلة أو أسورة🧿
- لو بتحب النبي ماينفعش تعتقد في أي حاجة غيبية نفع أو ضرر طالما النبيﷺ ماقالش عليها
لأن النبيﷺ قالنا:
"من علَّق تميمةً فقد أشركَ"

✋هتقولي بس أنا مش معتقد فيهم حاجة دول بس حاجة شكلها حلو وخلاص والمهم نيتي
👈هقولك اه نيتك مهمة بس كمان الفعل نفسه مهم
ماينفعش أجيب حاجه ناس بتعتقد نفع وضرر فيها وأقول مش في نيتي

يلا لو معلق أي حاجة منهم في بيتك او في العربية أو المحل روح شيليها بسرعة
وتأكد إن ربنا بس اللي يدفع عنك الضر فحافظ على أذكارك وماتخافش من أي حاجة👍

#النبي_يعلمنا_العقيدة
#رسايل_في_حب_النبي ﷺ

لما نزلت آية (يدنين عليهن من جلابيبهن) خرج نساء الأنصار كأن على رؤوسهن الغربان من الأكسية؛ أي إنهن غطين رؤوسهن ووجوههن طاعة لله ورسوله ..

ايه الجمال دا بجد .. !
الواحد بيسآل امتى نوصل للمرحلة دي من الاستجابة

امتى حجابك يتظبط وتبقي راضية عن نفسك بيه
وتقفي قدام مرايتك ، ويبقى عندك قناعة إنك لو موتي بلبسك دا هتموتي على طاعة

امتى هنبطل نطلع شعرنا من الطرحة .. ونبين رقبتنا
ونلبس دريسات مبينة رجلينا !!

انتي جميلة وغالية أوي
وتشريع الحجاب دا لمصلحتك
يحميكي من الفتن ويجنبك سوءات كتير انتي في غنى عنها

فهلٌا امتثلنا كنساء الأنصار ❤️

#رسايل_في_حب_النبي

كأنك تراه ..
تفتكر لو انت شايف ربنا بجد هيكون إيه حالك؟!
لو قدرت توصل للمنزلة دي وهي (أن تعبد الله كأنك تراه) يبقى انت كده وصلت لمنزلة (الإحسان)..
قال رسول الله ﷺ "الإحسان أن تعبد الله كأنك تراه، فإن لم تكن تراه فإنه يراك"
كلمني عن صلاة واحد شايف ربنا بعينه..
كلميني عن حجاب واحده شايفه ربنا بعينها.
كلموني عن خلوات ناس شايفين ربنا أمامهم..
هتقدر تعصي ربنا وانت شايفه؟!
هتشرب سجاير وتتفرج ع إباحيات وتمارس العادة وانت شايف ربنا؟
هتكلمي شاب وتقابليه وتعملي علاقه معه وانتِ شايفه ربنا؟!
هتاكل الربا والمال الحرام وانت شايف ربنا؟!
- بس أنا مش شايفه فعلاً ومش قادر أستشعر إني شايفه!
يبقى تخليك فاكر كويس إنه هو يراك..
يراك طول الوقت في كل مكان وعلى كل حال..
فإنه يراك❤️

#رسايل

[ على منهاج النبوة (3) ]

وأخيرًا أبصر قلب عمرو بن العاص نور الإسلام، فخرج من مكة يريد المدينة ليسلم بين يدي النبي ﷺ
ولما وصل عمرو بن العاص إلى المسجد قال للنبي ﷺ ابسط يمينك لأبايعك
فبسط النبي ﷺ يمينه، ولكن عمرو قبض يده !
فقال له النبي : ما لك يا عمرو؟
قال : أردت أن أشترط !
فقال له النبي : تشترط ماذا ؟
قال : أن يُغفر لي !
فقال له : أما علمت أن الإسلام يهدم ما كان قبله ..

• كل توبة هي إسلامٌ من جديد ، فأقبل على الله ولا تستعظم ذنبك مهما كان،
لا يوجد ذنب أكبر من الشرك ..
الزنا والسرقة وأكل الربا، كلها على عظمها أصغر من الشرك
ومع هذا إذا ترك المشرك شركه وأقبل إلى الله بقلبه غفر له ما كان منه ..
ومن باب أولى أنه سبحانه يغفر للمسلم العاصي معاصيه مهما كانت كبيرة في عينه ..
فمهما كبرت ذنوب الناس، فمغفرة الله تعالى أكبر منها

(مقتطف من كتاب "على منهاج النبوة")
#رسايل_في_حب_النبي ﷺ
#رسايل

﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ﴾
أن تلجأ إلى الله واصفًا حالك وضعفك داعيًا شاكيًا كما فعل يوسف عليه السلام عند اشتداد الفتن.... هو ده المطلوب باختصار
الكلام ده بقوله...
- لكل شاب وبنت شايفين الفتن حواليهم كتييييير
- لكل شاب بيقول.... مش قادر أسيب البنت اللي ماشي معاها
- لكل شاب أو بنت وقعوا في الزنا، أو على وشك الوقوع في الزنا خلاص أو وقعوا في مقدماته ....
- لكل واحد بيقول حاولت كتير ومش قادر وكل مرة برجع تاني
حلك هنا... ﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ﴾
حلك تقفل باب المعصية وتلجأ لربنا وتدعيه وتلح في الدعاء وتشكي همك وحالك...
"وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ"
سيدنا يوسف وهو نبي وربنا قال عنه من المخلصين ..
مااكتفاش بإنه يبعد عن المعصية ..
لا ده كمان طلب من ربنا يصرف عنه كيدهم ..
لجأ لربنا دعا وألح على الله في الدعاء إنه يثبته ويقويه ..
عشان يقدر يقف في وش الفتنة دي ..
وانت كمان لو عاوز تقف في وش الفتن دي ...
لازم تقفل أبواب الفتن أولاً .. بلاش نعمل نفسنا أقويا أوي ..
محدش كبير أو قوي مع الفتن إلا اللي بيستعين بالله على نفسه ..
ويلح في الدعاء و يعرف أنه لا حول و لا قوة في هزيمة الضعف و الشهوة إلا بالله ..
فيبعد ويدعي ويثبت عشان يلاقي البشارة اللي في الآية اللي بعدها على طول
"فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ"

#رسايل_تدبر

لما نزلت آية (يدنين عليهن من جلابيبهن) خرج نساء الأنصار كأن على رؤوسهن الغربان من الأكسية؛ أي إنهن غطين رؤوسهن ووجوههن طاعة لله ورسوله ..

ايه الجمال دا بجد .. !
الواحد بيسآل امتى نوصل للمرحلة دي من الاستجابة

امتى حجابك يتظبط وتبقي راضية عن نفسك بيه
وتقفي قدام مرايتك ، ويبقى عندك قناعة إنك لو موتي بلبسك دا هتموتي على طاعة

امتى هنبطل نطلع شعرنا من الطرحة .. ونبين رقبتنا
ونلبس دريسات مبينة رجلينا !!

انتي جميلة وغالية أوي
وتشريع الحجاب دا لمصلحتك
يحميكي من الفتن ويجنبك سوءات كتير انتي في غنى عنها

فهلٌا امتثلنا كنساء الأنصار ❤️

#رسايل

#بتحب_النبي ؟! (3)

واللي بيحب حد .. دايمًا بيجيب في سيرته 🌹
واللي بيحب النبي صلي الله عليه وسلم .. دايمًا هيفتكره ويصلي عليه 🤍💌

لو بتحب النبي حقيقي
لازم هيكون ليك ورد في الصلاة عليه 👌🏻

- صلاتك علي النبي صلي الله عليه وسلم تجارة رابحة مع الله
عن أنس بن مالك رضي الله تعالى عنه، أن النبي صلى الله عليه وسلم قال: ((من صلى عليَّ صلاةً واحدةً، صلَّى الله عليه عشرَ صلواتٍ، وحُطَّت عنه عشرُ خطيئاتٍ، ورُفعَت له عشرُ درجاتٍ))

- صلاتك علي النبي هتكون سبب ف شفاعته ليك يوم القيامة
عن عَبْدِ اللَّهِ بْنِ مَسْعُودٍ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ((أَوْلَى النَّاسِ بِي يَوْمَ القِيَامَةِ أَكْثَرُهُمْ عَلَيَّ صَلَاةً))

- لو تكاثرت عليك الهموم وأسرفت على نفسك بالذنوب ملكش حل غير الصلاة على النبي صلي الله عليه وسلم

يقول أبي بن كعب رضي الله عنه: (( قُلْتُ: يَا رَسُولَ اللَّهِ إِنِّي أُكْثِرُ الصَّلَاةَ عَلَيْكَ فَكَمْ أَجْعَلُ لَكَ مِنْ صَلَاتِي؟ فَقَالَ: «مَا شِئْتَ». قَالَ: قُلْتُ: الرُّبُعَ، قَالَ: «مَا شِئْتَ فَإِنْ زِدْتَ فَهُوَ خَيْرٌ لَكَ»، قُلْتُ: النِّصْفَ، قَالَ: «مَا شِئْتَ، فَإِنْ زِدْتَ فَهُوَ خَيْرٌ لَكَ»، قَالَ: قُلْتُ: فَالثُّلُثَيْنِ، قَالَ: «مَا شِئْتَ، فَإِنْ زِدْتَ فَهُوَ خَيْرٌ لَكَ»، قُلْتُ: أَجْعَلُ لَكَ صَلَاتِي كُلَّهَا قَالَ: «إِذًا تُكْفَى هَمَّكَ، وَيُغْفَرُ لَكَ ذَنْبك))

كل دي أجور وأكتر منها كمان لو ليك حال في الصلاة على النبي صلي الله عليه وسلم

تيجوا كلنا نتعاهد من النهاردة نعمل ورد ذكر للصلاة على النبي ؟❤

#رسايل_في_حب_النبي
رسايل

لو بتحبيه هتطيعيه ..
لو بتحبه هتستجيب لأوامره ونواهيه ..
لانك عارف أنه لا ينطق عن الهوى
ودا اللي كان بيعمله الصحابة

رسول الله صلى الله عليه وسلم رأى خاتمًا من ذهب في يد رجل، وطبعًا لبس الرجال للذهب حرام ، فنزعه فطرحه وقال: "يعمد أحدكم إلى جمرة من نار فيجعلها في يده" فقيل للرجل، بعدما ذهب رسول الله صلى الله عليه وسلم: "خذ خاتمك انتفع به، قال: لا والله، لا آخذه أبدًا وقد طرحه رسول الله صلى الله عليه وسلم"
متخيل مدى الاستجابة عاملة ازاي ..؟!
احنا بقى اخبار استجابتنا ايه لكلام النبي صلى الله عليه وسلم
هل بنحبه فعلاً بالأفعال .. ولا كله كلام في كلام ؟!

هل بتسارع وبتنافس عشان تنفذ كل أمر وتترك كل نهي ؟!
ولا سايبينها للهوى والمزاج .. ؟!

ها بطلنا أغاني ومسلسلات
بطلنا نكلم البنات
بطلنا نطلق بصرنا على الشباب
بطلنا يبقي عندنا اكس وكراش
بطلنا النمص والبرفان

حاجات كتير أوي محتاحين نخلع حبنا وتعلقنا بيها ..
عشان نثبت صدق محبتنا للنبي صلى الله عليه وسلم
ويبقى فرحان بينا يوم القيامه ويسقينا من يده الشريفة شربة لا نظمأ بعدها أبدًا 🤲

يلا نخليها بداية عهد جديد 🤝

#رسايل_في_حب_النبي

"عفوا لقد نفذ رصيدكم"😱
ناس كتير اتخضت لما سمعت الجملة دي عشان عطل حصل في فودافون
طب تعرف إن ده بجد ممكن يحصلك في حياتك؟؟!!
اه والله ..ممكن في يوم تصحى الصبح تفضل تخطط هتروح فين وهتعمل ايه وفجأة بجد المرة دي مش غلطة يتقالك..
"عفوا لقد نفذ رصيدكم"😱
بس المرة دي رصيد الحياة كله خلص واتسحبت ورقتك
جاهز لليوم ده ؟؟!!
أخبار صلاتك ايه ؟؟!!
لو بتصلي ع سطر وتسيب سطر جاهز تتسحب ورقتك وانت كده؟؟!!
حجابك جاهز وتمام للحظة دي؟؟!!
ماتقولش أنا صغير .. لأن قبلك كتيييير صغيرين رصيدهم نفذ فجأة
فالحق رصيد عمرك بسرعة قبل مايخلص
حافظ/ي على صلاتك
ظبطي حجابك
ابعدوا عن الحرام (ربا، علاقات مش تمام)
جهز ورقتك عشان وارد تتسحب في أي وقت

#رسايل

لما تحب حد بتحب تقلده في كل حاجة...
((في لبسه ، في هيئته ،في طريقته في التعامل ))
طيب واللي بيحب النبي ﷺ مش المفروض يعمل كده برضو ؟؟!!
يتبع سنة النبيﷺ في أفعاله وأقواله وفي كل حاجة
ومن الحاجات اللي كان النبيﷺ بيحافظ عليها دايما وهي سهلة جدااااا ماتاخدش منك وقت ولا جهد وفي نفس الوقت اجرها كبييييير ...
((السواك ))
السواك اللي النبيﷺ قال عنه :
((السِّواكُ مَطهَرةٌ للفَمِ، مَرْضاةٌ للرَّبِّ ))
تخيل تبقى الطاعة اللي بتعملها.. انك ماسك سواك تنضف بيه سنانك ..ترضي بيه ربك وتطهر بيه فمك وتاخد عليه أجر وتبقى اتبعت سنة النبي ﷺ...اظن مافيش أسهل من كدة

يلا بقى ..كفاية تضييع للأجوووور ...

#سنن_مهجورة
#رسايل_في_حب_النبي ﷺ

وهو في حد يسمع عن الجنة وميدخلهاش؟!
ده كان كلام جبريل لما رأى الجنة وما أعد الله فيها للمؤمنين من نعيم..
عنده حق.. هو ازاي انا وانت وهو نسمع عن الجنة ونعيمها.. وفي الآخر اللي يروح يضيع الصلاة واللي يهجر القران واللي يقصر في الطاعة واللي يمنع الزكاة وهي تفرط في الحجاب...
هو احنا مش عاوزين ندخل الجنة مثلاً ولا ايه؟
أكيد في سر في الموضوع..

- السر اللي هو مش سر ولا حاجة هو ما ورد في حديث رسول الله ﷺ :
"لَمَّا خَلَقَ اللَّهُ الْجَنَّةَ وَالنَّارَ أَرْسَلَ جِبْرِيلَ عَلَيْهِ السَّلَامُ إِلَى الْجَنَّةِ، فَقَالَ: انْظُرْ إِلَيْهَا وَإِلَى مَا أَعْدَدْتُ لِأَهْلِهَا فِيهَا. فَنَظَرَ إِلَيْهَا فَرَجَعَ، فَقَالَ: وَعِزَّتِكَ لَا يَسْمَعُ بِهَا أَحَدٌ إِلَّا دَخَلَهَا. فَأَمَرَ بِهَا فَحُفَّتْ بِالْمَكَارِهِ، فَقَالَ: اذْهَبْ إِلَيْهَا فَانْظُرْ إِلَيْهَا وَإِلَى مَا أَعْدَدْتُ لِأَهْلِهَا فِيهَا. فَنَظَرَ إِلَيْهَا، فَإِذَا هِيَ قَدْ حُفَّتْ بِالْمَكَارِهِ، فَقَالَ: وَعِزَّتِكَ لَقَدْ خَشِيتُ أَنْ لَا يَدْخُلَهَا أَحَدٌ"

ااااااه السر في المكاره..
حيث المكاره.. تكون الجنة
تعب القيام.. ومشقة الصيام.. وحر الحجاب.. وطول النظر في المصحف.. ووقاية شح النفس بالزكاة والصدقات.. هي دي المكاره اللي هتكون سبب دخولك الجنة ..
‏
#وقال_الرسول
#رسايل_في_حب_النبي