شايفك ساكت يعني👀 ...مالك؟؟!!
احنا مش بدأنا خير أيام الدنيا ..يبقى لسانك مايفصلش .. بدأنا خلاص أيام الذكر اللي النبيﷺ وصانا فيهم بأهم حاجة مانغفلش عنها طول العشر أيام فقال:
((ما مِن أيَّامٍ أعظَمُ عِندَ اللهِ ولا أحَبُّ إليه مِن العَمَلِ فيهنَّ مِن هذه الأيَّامِ العَشرِ، فأكثِروا فيهنَّ مِن التَّهليلِ والتَّكبيرِ والتَّحميدِ))
التهليل =لا إله إلا الله
والتكبير =الله أكبر
والتحميد الحمد لله

وعشان كده مطلوب منك طول الوقت تقول ...
(( الله أكبر الله أكبر الله أكبر لا إله إلا الله، الله أكبر الله أكبر الله أكبر ولله الحمد))

تكبيرات العيد اللي كلنا بنحبها ..ده وقتها بقى تقولها كتييييير وكل ماهتقول اكتر كل مااجرك هيكبرك
قولها في بيتك في الشارع في كل مكان ..سمع الدنيا كلها التكبيرات والذكر في أيام الذكر 💙
إنت مش عرفت هتقول ايه ..
طب يلا مستني ايه ؟!

#كل_يوم_عبادة
#رسايل_العشر1444هـ
#أفضل_أيام_الدنيا

نداء إلى النساء في يوم عرفة📣

- يوم عرفة (يوم الوقفة) ده يوم عظيم وليه فضل كبيييير
سيبك من طقوس تنظيف البيت (حتة حتة كرسي كرسي سرير سرير .....حتي تحت السرير 😁)
مش يومه ياست الكل....

- يوم عرفة محتاجة تتفرغي فيه للعبادة والدعاء مش يوم النظافة السنوية

- صيام يوم عرفة بس بيكفر ذنوووب سنتين
قال الرسولﷺ عن صيام يوم عرفة : يكفر السنة الماضية والسنة القابلة) رواه مسلم .

- وكمان أفضل الدعاء دعاء يوم عرفة يعني أمنياتك كلها تجمعيها كده وتقعدي تركزي وتدعي مش تضيعي الوقت في التنظيف
في الحديث : (خير الدعاء دعاء يوم عرفة )

- مش كده وبس ده أكثر يوم يُعتق فيه عباد من النار هو يوم عرفة !

👈إن شاء الله يوم عرفة يوم السبت فلو حضرتك مصممة علي التنظيف يبقا الموضوع ينتهي يوم الجمعة
وتفضي كده يوم السبت للعبادة و الدعاء وبسسس😤
ربنا يتقبل منا ومنكم

#كاريكاتير_رسايل
#رسايل_العشر1445هـ
#أفضل_أيام_الدنيا