🔹 2026-yil 7-aprel kuni Guliston davlat universiteti Axborot texnologiyalari va fizika-matematika fakulteti tyutorlari tomonidan TTJda istiqomat qiluvchi talabalarning bo‘sh vaqtini mazmunli tashkil etish, ular o‘rtasida sog‘lom turmush tarzini targ‘ib qilish maqsadida voleybol sport o‘yini tashkil etildi.

🔹 Sport tadbiri davomida talabalar jamoalarga bo‘linib, o‘zaro do‘stona va qizg‘in bahs olib bordilar. Musobaqa jarayoni ko‘tarinki ruhda o‘tdi hamda ishtirokchilarda jamoaviylik, chaqqonlik va hamjihatlik fazilatlarini yanada mustahkamladi.

2026-yil 7-aprel kuni Guliston davlat universiteti Axborot texnologiyalari va fizika-matematika fakulteti yoshlar bilan ishlash bo‘yicha dekan o‘rinbosari B. Kuziyev hamda fakultet tyutorlari ishtirokida talabalar turar joyida istiqomat qilayotgan talabalarning yashash sharoitlari o‘rganildi.
O‘rganish jarayonida talabalarning xonalaridagi tozalik darajasi, yaratilgan sharoitlar, maishiy texnika va jihozlardan foydalanish holati, shuningdek, xavfsizlik qoidalariga rioya etilishi atroflicha ko‘zdan kechirildi.
Shu bilan birga, talabalar bilan ochiq muloqot tashkil etilib, ularning fikr-mulohazalari, taklif va murojaatlari tinglandi hamda mavjud masalalar yuzasidan tegishli tavsiyalar berildi.