على كف الزمن .. عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل .. بـ الوناسه علينا .

وأنا معك كل المتاعب تسّاهيل
ومعاك أحس أن المداين رحابي⠀

إذا رضيت يرضى معاك أسمر الليل
واذا زعلت تضيق فيني حتى ثيابي⠀

صوتك حبيب الوقت وهمسك تراتيل
و تزهر على حسك روابي شبابي

كثر ما لقيتك في مرايا السماء تختال
وكثر ما لمحتك في عيوني، وْفي شِعري

فدتك السنين، إلى تمادى اللّسان وْقال
أحبك وأنا أدري عنك، لو كنت ما تدري

عزاي إنّ لك نجمٍ عليه الشفق ما سال
إلى البارحة كل ما بدأ لي وهجه أسري

تدور الليالي، وأنت لك عين ما تحتال
أجي مرخصٍ في شف ضحكاتها عمري

تغيبين لكن ضحكتك بالمكان تعيش
واجي لأجلها لو كان ما أنتِ بقدامي

مثل الصباح ان كف جنح الليل غيله وانتشر
اخذي سدول الليل الاسود عن زهور الياسمين

غديت آودّع المقفي ولا آحب اسمع التبرير
أشوف ان التفاصيل الكثيره .. ما لها داعي

في خيار الناس وأثمن الدُرر من كل صوب
أتنّقى مثل نقوة الأكابـر .. لـ النسب

حتى سميّك يوم أشوفه وأناديه
بلا شعور أقوله .. يَ مرحببببباا

الانسان في درب الهوى عرضةٍ للظلم
وانا عشت تجربتي بنفسي بلا مرشد
ٓ
بعد ما انبلج نور الحقيقه ومات الحلم
تعايشت مدري كيف وشلون لا تنشد .

أتركوني كل ماغبت ولا تنشدون
ماني ببرقٍ عيون العباد تخايله

ودي أدفن جرتي وأتقي عن العيون
الله الباقي ونفس البنادم زايله

والله لاصدري شمالي ولاهم يحزنون
حتى لو ماشفتوا دموع عيني سايله

كل يوم أظن لي ظن وتخيب الظنون
وأنا كتفي تعب من جور حملٍ شايله .

أن جيت يامرحبا وأن رحت عذرك ، سمين
« من دون لاتعتذر أنا التمس لك .. عذر » .

حبّك رضا وألفين نعمه .. وخِيره
ومن الغلا قدني شربت وسقيتك

اللي عشق مثلك كرامه وسيره
ماله يقول إلا .. حبيبي هويتك

دامك سند وسلاح نصر وذخيره
أنا أشهد إني بالمحبه .. شريتك

الحب له جندي يحارب .. وأسيره
وبالحرب أنا مالي سواك ونصيتك

والله ماشوف المخاليق بنص عين
وأنت لامريت لدّيت عيني كامله .

وانا لو رقدت بظلمة القبر والتابوت
فلا زال حبك مشعلٍ شمع وجداني

تلعب بقلبي في يدك لعبة البيلوت
وانا يالحبيب مالي أشكل ولا ثاني