ماتطيح دموع القهر على غيبة الحي
" طاحت على اللي ما لحقنا وداعه ".

لاتخاف من رجلٍ معه مال وسلاح
خوفك من اللي راس ماله صلاته!

كانت الشرهه .. على قد الغلا
وصرت لا غالي ولا قد الملامه

الخاطر اللي ما تعرف تجبره لا تكسره
والجميل اللي ما تعرف ترده، لا تنكره

وقفنا عند بابك مالنا مطلوب غير رضاك
معاصينا كبار وعفوك أكبر من معاصينا .

يكفيني إني عن ثرى الزيف معزول
لو عشت في نجم الحقيقه لحالي

ترى شرهة الغالي مثل دمعة الرجال
ماتطلع سوى من حاجه مابها حيله .

احلامنا ماهي على الله صعيبه
لا بد ما ياتي لها يوم . . وتكون .

ماهو بدايم كبيـر السـّن يرشدني
بليس ضايع وهو مخلوق قبل آدم

خل الوفا والطيب لك خير عنـوان
واحذر ترا الصـّده تجيب القطاعه

خل الهموم تعيش في ذمة الغيب
محدن من الايام " راح متعافي "

نفسياً :
- يتعافى الإنسان بالإبتعاد عن كل ما يرهق قلبه

اشتقت لك يلي على البال مريت
وجلست أفكر فيك من غير مدري
.
حاولت أسلي خاطري عنك وأزريت
قلبي معك مشغول ياليت تدري

مشتاق لك والشوق يقتل محبُين
ليت العيون اللي قبالك عيُوني

اشبعهم تجاهلاً، ليتعلموا أن النعم إذا أهملت لا تدوم

لا تبادر لـ شخص يستكثر وقته عليك..

لاغاب عنك اللي غيابه مصيبه
وطالت به الغيبه ولاجابه الشوق

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لا تلحقه لو كل مطرود ملحوق

ترى المحبه ماتجي بالغصيبه
لو السما تطبق على الارض من فوق

بعض العـرب طبعه صراحه يحيّر
ليا تركته جاك وإن جيت خلّآك
ٰ
و بعض العرب مثل الذهب ماتغيّر
مادام له عندك قدر صعب ينساك

فاقدك وكل الاماكن تحتريك
وينك تراني بالحييل مشتاق

الشوق ما يفهم ، ظروف ولا عذر
الشوق يعني وينك أحتاجك تعال