#لکی_هم_زون_دل_هم_زون_دایه
دوم اسفند؛ روز زبان مادری گرامی باد...

لَکی پاچای مِهر و زونِ عِشقَه
لکی شیرینِ کِرماشونِ عِشقَه

لکی ویروشیَه، وارونَه، وَشتَه
لکی هَرسینَه، دِلفونَه، کُؤَشتَه

لکی هم باؤَه، هم خُؤَە هم بِرایَه
لکی هم زونِ دل، هم #زون_دایه

لکی چُوی دَم تَقَه دوسی لَذیذَه
لکی هَر چُوی گرین خم عزیزه

لکی چُوی دار آسو بَرز و بُونَه
لکی ضَربِ زمین ئَر آسمونَه

چَنئ مورِ خِل و خَس های إِ تینی
لکی هَلمِ هنارَس های إِ تینی

رَنگینی گُلونی کیشاسئ إٍ سَر
کِراسِ باؤَه آدم هاتئ إِ وَر

لکی رَگ‌ریشیَه، بَن‌جَرگَه، خؤینَه
لکی تاریخِ قُومئ های إِ سینَه

چِراخیکَه وِرِه حُؤَر گیسیایَه
کِتاویکَه وَه مَفرَغ نُویسیایَه

لکی ئِه کُویزَه کَهمون آوَه مَئرئ
خَمِ ایلام تا خُرماوَه مَئرئ

لکی بالَه، جیائی نِیرئ إٍ مِه
لکی شیرینَه هَر چُوی شِئرئ إٍ مِه

#مرتضی_خدایگان
#لکی
#روز_زبان_مادری


کانال تلگرامی گلونی
🌹🌹🌹🌹


@Golvani_lak